کامرس اور صنعت، صارفین کے امور، خوراک اور سرکاری نظام تقسیم اور ٹیکسٹائل کے مرکزی وزیر جناب پیوش گوئل نے گزشتہ تین سال میں گورنمنٹ ای-مارکیٹ پلیس (جی ای ایم) کے ذریعے خریداری میں ‘‘10 گنا’’ اضافہ کو اجاگر کیا۔ وزیر موصوف نے کل نئی دہلی میں گورنمنٹ ای-مارکیٹ پلیس کی طرف سے منعقدہ ‘کریتا وکرتا گورو سمان سماروہ 2023’ میں اپنے خطاب کے دوران تبدیلی کا محرک ہونے کے لیے گورنمنٹ ای-مارکیٹ پلیس کے تمام اسٹیک ہولڈرز کی تعریف کی۔

جناب پیوش گوئل نے ایوارڈ حاصل کرنے والوں کی کوششوں کی ستائش کی، جن کے تعاون سے ملک کے سرکاری خریداری کے منظر نامے میں زبردست تبدیلی آئی ہے۔ وزیر موصوف نے  کہا کہ گورنمنٹ ای-مارکیٹ پلیس ٹیکنالوجی اور تجزیات سے فائدہ اٹھاتے ہوئے ایک متحد، شفاف اور موثر خریداری نظام کے وزیر اعظم جناب نریندر مودی کے وژن کو حاصل کرنے کی کوشش کر رہا ہے۔ انہوں نے اس بات پر زور دیا کہ کس طرح گورنمنٹ ای-مارکیٹ پلیس نے پیمانے کے فوائد کو فعال کیا ہے اور پچھلے 7 سالوں میں کثیر جہتی ترقی حاصل کی ہے۔

جناب پیوش گوئل نے کہا کہ مرکزی اور ریاستی محکموں کی طرف سے اشیاء اور خدمات کی خریداری کے لیے گورنمنٹ ای-مارکیٹ پلیس کے بڑھتے ہوئے استعمال کی وجہ سے ٹیکس دہندگان کے پیسے کی بچت کے نتیجے میں عوامی بہبود کے منصوبوں کے لیے اس کا بہتر استعمال ہوا ہے۔ وزیر موصوف نے امید ظاہر کی کہ سرکاری پورٹل گورنمنٹ ای-مارکیٹ پلیس سے سامان اور خدمات کی مجموعی خریداری مالی سال 23-2022میں 3 لاکھ کروڑ روپے سے تجاوز کر جائے گی کیونکہ یہ 23-2022 میں پہلے ہی 2 لاکھ کروڑ روپے سے تجاوز کر چکی ہے۔

وزیر موصوف نے کہا کہ وزارت تجارت اور صنعت نظام کو بہتر بنانے کی مسلسل کوشش کر رہی ہے۔ جناب گوئل نے کہا کہ گورنمنٹ ای-مارکیٹ پلیس میں ایک نیا نظام تیار کیا جا رہا ہے، جو کام میں آسانی کے لیے مزید عناصر کے ساتھ زیادہ عصری اور جدید ہوگا۔ انہوں نے کہا کہ نئے نظام میں ڈیٹا اینالیٹکس کی پیشکش کی جائے گی تاکہ خریداروں اور فروخت کنندگان کو خریداری سے متعلق فیصلے کرنے میں مدد ملے۔ جناب گوئل نے کہا کہ ہندوستان کے سب سے بڑے سافٹ ویئر برآمد کنندہ ٹی سی ایس نے سرکاری خریداری پورٹل گورنمنٹ ای-مارکیٹ پلیس کو چلانے اور برقرار رکھنے کا معاہدہ حاصل کیا ہے۔

ایوارڈ کی تقریب میں مرکزی وزیر مملکت برائے تجارت اور صنعت محترمہ انوپریہ پٹیل، سی ای او، گورنمنٹ ای-مارکیٹ پلیس، جناب پی کے سنگھ، حکومت کے سینئر افسران اور صنعت کے معززین نے بھی شرکت کی۔ تقریب کے دوران جیتنے والوں کو جناب پیوش گوئل اور محترمہ انوپریا پٹیل نے مبارکباد دی۔

گورنمنٹ ای-مارکیٹ پلیس نے عوامی خریداری کے عمل میں سرکاری خریداروں اور فروخت کنندگان کی شاندار کارکردگی کو تسلیم کرنے کے لیے ‘‘کریتا-ویکرتا وقار اعزاز تقریب 2023’’ کا انعقاد کیا۔ خریدار اور فروخت کنندہ ایوارڈ کی تقریب گورنمنٹ ای-مارکیٹ پلیس کی طرف سے حکومتی خریداروں اور فروخت کنندگان کی کوششوں کو تسلیم کرنے کے لیے ایک پہل ہے جنہوں نے مالی سال 22-23 میں خریداری کے عمل کے لیے پلیٹ فارم کے استعمال میں غیر معمولی کارکردگی کا مظاہرہ کیا۔

 ہندوستان میں سرکاری خریداری کے طریقے کو تبدیل کرنے میں گورنمنٹ ای-مارکیٹ پلیس، کا اہم کردار رہا ہے۔ 2016 میں قائم کئے گئے گورنمنٹ ای-مارکیٹ پلیس کو ملک کے سرکاری خریداری کے منظر نامے میں ایک مثالی تبدیلی لانے کے وژن کے ساتھ قائم کیا گیا تھا۔ اس پلیٹ فارم نے خریداری کے عمل میں شفافیت، کارکردگی اور لاگت کی تاثیر کو فعال کیا ہے، جس سے خریداروں کے لیے ملک بھر میں فروخت کنندگان سے سامان اور خدمات حاصل کرنا آسان ہو گیا ہے۔

31 مارچ 2023 تک گورنمنٹ ای-مارکیٹ پلیس نے مالی سال 2022-23 میں مجموعی تجارتی قدر (جی ایم وی) کا حیران کن 2 لاکھ کروڑ روپے ریکارڈ کیا تھا۔ مجموعی طور پر گورنمنٹ ای-مارکیٹ پلیس، نے اپنے اسٹیک ہولڈرز کی زبردست حمایت کے ساتھ اپنے آغاز سے اب تک 4.29 لاکھ کروڑ روپے  جی ایم وی کو پیچھے چھوڑ دیا ہے۔ گورنمنٹ ای-مارکیٹ پلیس پر لین دین کی کل تعداد بھی 1.54 کروڑ سے تجاوز کر گئی ہے۔ گورنمنٹ ای-مارکیٹ پلیس، 69,000 سے زیادہ سرکاری خریدار تنظیموں کی مختلف خریداری کی ضروریات کو پورا کر رہا ہے۔ پورٹل میں 11,800 سے زیادہ پروڈکٹ کیٹیگریز کے ساتھ ساتھ 280 سے زیادہ سروس کیٹیگریز ہیں۔ مختلف مطالعات کی بنیاد پر پلیٹ فارم پر کم از کم بچت تقریباً 10 فیصد ہے، جو کہ 40,000 کروڑ روپے کی عوامی رقم کی بچت کرتی ہے۔

گورنمنٹ ای-مارکیٹ (جی ای ایم) پورٹل کو 9 اگست 2016 کو کامرس اور صنعت کی وزارت نے تمام مرکزی حکومت کی وزارتوں اور محکموں کے ذریعے سامان اور خدمات کی آن لائن خریداری کے لیے شروع کیا تھا۔ جی ای ایم کے پاس 63,000 سے زیادہ سرکاری خریدار تنظیمیں ہیں اور 62 لاکھ سے زیادہ بیچنے والے اور خدمات فراہم کرنے والے مصنوعات اور وسیع خدمات پیش کرتے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 6547)