প্রধানমন্ত্রীগী লোইশঙ
প্রধান মন্ত্রীনা ইজীপ্তকী রাস্ত্রপতিগা উনবা
Posted On:
25 JUN 2023 7:13PM by PIB Imphal
প্রধান মন্ত্রী, শ্রী নরেন্দ্র মোদীবু আরব রিপব্লিক ওফ ইজীপ্তকী রাস্ত্রপতি, হিস এক্সেলেন্সী শ্রী অবদেল ফত্তাহ অল-সিসিনা ২০২৩গী জুন ২৫দা অল-ইত্তিহাদিয়া পেলেসদা ওকখ্রে।
লুচিংবা অনি অদুনা ২০২৩গী জনুৱারীদা রপব্লিক দে সেলেব্রেশনদা অথোইবা মীথুংলেন ওইনা রাস্ত্রপতি সিসিনা ভারত্তা লাক্লম্বা অদুবু নিংশিংখি, অমসুং লৈবাক অনি অসিগী মরক্তা লৈরিবা মরিদা খুমাং চাউশিল্লক্লিবা অসিবু তরাম্না ওকখি। মখোয়না ইজীপ্তকী কেবিনেত্তা নৌনা লিংখৎপা ‘ইন্দিয়া য়ুনিৎ’ অদুনা লৈবাক অনি অসিগী মরক্তা তেংবাং পীনবগী মতাংদা য়াম্না মরু ওইবা থৌদাং অমা লৌখি।
লুচিংবশিং অদুনা মরু ওইনা ত্রেদ অমসুং ইনভেস্তমেন্ত, ইনফোর্মেশন তেক্নোলোজী, দিফেন্স অমসুং সেক্যুরিতী, রিন্যুৱেবল ইনর্জী, এগ্রিকলচর, হেল্থ, কলচর অমসুং মীশিংগী মরক্তা লৈরিবা মরি, হায়রিবা লমশিং অসিদা লৈবাক অনি অসিগী মরক্তা লৈরিবা পার্তনরশিপ অদুবু হেন্না চেৎশিনহন্নবগী মতাংদা খন্নখি।
প্রধান মন্ত্রী অমসুং রাস্ত্রপতি সিসিনশু ফুদ অমসুং ইনর্জী সেক্যুরিতী, মহৌশাগি অইং-অশাদা লাক্লিবা অহোংবা অমসুং গ্লোবল সাউথকীদমক্তা অমত্তা ওইবা খোঞ্জেল অমা লৈবগী তঙাইফদবা হায়রিবা ৱাফমশিং অসিবু পল্লদুনা, জি.-২০দা মখাতানা তেংবাং পীননবগী মতাংদশু খন্নখি। প্রধান মন্ত্রীনা জি.২০ লুচিংবশিংগী মীফমগীদমক্তা ২০২৩গী সেপ্তেম্বরদা নই দিল্লীদা রাস্ত্রপতি সিসিবু তরাম্না ওক্নবগীদমক্তা খৌরাংনা ঙাইরি।
লৈবাক অনি অসিগী মরক্তা লৈরিবা মরি অসিবু “স্তরেতেজিক পার্তনরশিপ”তা ওন্থোক্নবা লুচিংবা অনি অসিনা য়ানা ৱারোল অমা খুৎয়েক পীনখি। এগ্রিকলচর, আর্কিয়োলোজী অমসুং এন্তিক্বিতীশিং অমসুং কম্পিতিশন লোগী লমদা এম.ও.য়ু. অহুমশু খুৎয়েক পীনখ্রে।
ইজীপ্তকী প্রধান মন্ত্রী, হিস এক্সেলেন্সী শ্রী মোস্তাফা মদবোলী অমসুং অতোপ্পা সেনিয়র কবিনেত মন্ত্রীশিংনা শরুক য়াখি। ভারতকী মাইকৈদগী, ই.এ.এম., এন.এস.. অমসুং সেনিয়র ওফিসিয়েলশিংনা শরুক য়াখি।
***
(Release ID: 1935509)
Visitor Counter : 99
Read this release in:
Kannada
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam