পাৱর মন্ত্রালয়
কেন্দ্র সরকারনা তাইম ওফ দে (ToD) তারিফ অমসুং স্মার্ত মীতরিংগী কাঙলোনবু লাইথোকহনবগী ৱারোল হাপচিন্দুনা ইলেক্ত্রিসিতী (রাইত ওফ কঞ্জ্যুমর) রুল, 2020 এমেন্দ তৌখ্রে
সোলর আউর মনুংদা পাৱর তারিফ অসি 20% হন্থরগনি, পীক আউর মনুংদনা 10%-20% হেনগৎলগনি; কঞ্জ্যুমরশিংনা ToDপ্রোবিজন নীংথিনা শিজিন্নবদগী কান্নবা ফংগনি
তাইমওফদেতারিফ অসিদি পুম্নমক্কী কান্নবনিঃ কঞ্জ্যুমরশিংগী ইলেক্ত্রিসিতী বিল হন্থহল্লি, পাৱর সীস্তেমশিংদা রিসোর্সর হেন্না নীংথিনা শিজিন্নহনবদা তেংবাংইঃ পাৱর অমসুং ন্যু রিন্যুএবল ইনর্জীগী কেন্দ্র মন্ত্রী আর.কে. সিংহ
মেকানিজম অসিনা ভারতকী রিন্যুএবল ইনর্জী সোর্সসশিংবু হান্নদগী হেন্না নীংথিনা গ্রিদকা শম্নহনবগা লোয়ননা ইনর্জী ত্রাঞ্জিসন হেন্না য়াঙনা পাংথোকহল্লিঃ পাৱর অমসুং ন্যু রিন্যুএবল ইনর্জীগী কেন্দ্র মন্ত্রী আর.কে. সিংহ
Posted On:
23 JUN 2023 10:29AM by PIB Imphal
ভারত সরকারনা হৌজিক লৈরিবা পাৱর তারিফকী পথাপ্তা ইলেক্ত্রিসিতী (রাইত ওফ কঞ্জ্যুমর) রুল, 2020দা এমেন্দ তৌদুনা অহোংবা অনি পুরকখ্রে।অহোংবা পুরকখিবশিং অদুদিঃ তাইম ওফ দে তারিফ (ToD) হৌদোকপা, অমসুং স্মার্ত মীতর প্রোবিজন হেন্না নীংথিহনবা।
তাইম ওফ দে (ToD) তারিফ নৌনা হৌদোকপা
নোংমগী ওইনা মতম অমা হেক্তদা ইলেক্ত্রিসিতী শিজিন্নবগী চপ মান্নবা চার্জ লৌরম্বা অদুগী মহুত্তা নুমিত্তুগী মতমগী মতুং ইন্না ইলেক্ত্রিসিতী শিজিন্নবগী চার্জ ওইনা তোঙান-তোঙান্না লৌরগনি। ToDতারিফ পথাপকী মখাদা, নোংমগী সোলর আউর (স্তেত ইলেক্ত্রিসিতী রেগ্যুলেতরী কম্মিসন্না হায়বগী মতুং ইন্না নোংমগী মনুংদা পুং নিপান) মনুংদা লৌবা তারিফনা মহৌশাগী মতমদা লৌবা তারিফতগী 10%-20% হন্থগনি, অদুগা পীক আউরগী মনুংগী তারিফনা চাদা 10দগী 20 ফাওবা হেন্না লৌগনি। ToD তারিফ অসি এপ্রিল 1, 2024দগী হৌদুনা খ্বাইদগী চাউনা 10KW অমসুং মথক্কী দিমান্দ লৈবা কম্মর্সিএল অমসুং ইন্দস্ত্রীগী কঞ্জ্যুমরশিংদা চৎনগনি, অমসুং লৌউ-শিংউগী কঞ্জ্যুমর নত্তনা অতোপ্পা কঞ্জ্যুমরশিংগী ওইনা খ্বাইদগী নৌবদা এপ্রিল 1, 2025তগী চৎনবা হৌগনি। তাইম ওফ দে তারিফ স্মার্ত মীতর লৈবা কঞ্জ্যুমরশিংগী ওইনা স্মার্ত মীতর হেক খিনবগা খুদক্তা চৎনবা হৌগনি।
পাৱর অমসুং ন্যু রিন্যুএবল ইনর্জীগী কেন্দ্র মন্ত্রী শ্রী আর.কে. সিংহনা ToDঅসিদি কঞ্জ্যুমর অমসুং পাৱর পথাপ অনিমক্কী ওইনা পুম্নমক্কী কান্নবা থৌওংনি হায়খ্রে। “পীক আউর, সোলর আউর অমসুং নোর্মেল আউরগী তোঙানবা তারিফ য়াওরিবা ToDতারিফ অসিনা কঞ্জ্যুমরশিংদা তারিফকী মতুং ইন্না মখোয়গী লোদ শিন্দোক্নবা প্রাইস সিগ্নেল থাগনি। ToDতারিফ মেকানিজম নীংথিনা খঙবা অমসুং নীংথিনা শিজিন্নদুনা, কঞ্জ্যুমরশিংনা মখোয়গী মৈ শিজিন্নবগী বিল হন্থহনবা য়ারগনি। সোলর পাৱরনা হোঙবা ওইবনা, সোলর আউরগী মনুংদা তারিফ অসি হন্থগনি, অদুনা কঞ্জ্যুমরশিংনা মসিদগী কান্নবা লৌবা য়াগনি। নন-সোলর আউরগী মনুংদা থর্মেল অমসুং হাইদ্রো পাৱরগা লোয়ননা গ্যাস্তা য়ুম্ফম ওইবা কেপাসিতী অসি শিজিন্নৈ – মখোয়গী মমলনা সোলর পাৱরদগী হেনবনা মরম ওইরগা – মসিমক তাইম ওফ দে তারিফতা মমি তাগনি। হৌজিক্তি, কঞ্জ্যুমরশিংনা মখোয়গী মৈ শিজিন্নবগী মমল হন্থহন্নবা মৈ শিজিন্নবগী থৌওং শিন্দোকপা য়ারগনি – মৈগী মমল হোঙবা সোলর আউর মতমদা মখোয়গী থবক থৌরম হেন্না পাংথোক্নবা থৌরাং য়াৎপা য়াগনি”।
কেন্দ্র মন্ত্রীনা ToDমেকানিজম্না রিন্যুএবল ইনর্জী সোর্সশিংবু গ্রিদকা হেন্না নীংথিনা শম্নহনবা য়াগনি, মসিনা মরম ওইরগা ভারত্তা ইনর্জী ত্রাঞ্জিসন তৌবদা হেন্না খোঙজেল য়াঙখৎহনগনি। “ToDতারিফনা রিন্যুএবল জেনেরেসন ফ্লকচুএসন তৌবগী থৌওং শেন্নবগী মতৌ হেন্না ফগৎহনগনি, RE য়াম্না ৱাংনা পুথোকপা পুংশিং মনুংদা দিমান্দ হেনগৎপদা ইন্সেন্তিব পীগনি, অমসুং রিন্যুএবল পাৱরগী চাং ৱাংনা গ্রিদকা শম্নবসু হেনগৎহনগনি”, শ্রী আর.কে. সিংহনা হায়খ্রে।
স্তেত ইলেক্ত্রিসিতী রেগ্যুলেতরী কম্মিসন (SERC) অয়াম্বনা লৈবাক্কী অচৌবা কম্মর্সিএল অমসুং ইন্দস্ত্রীএল (C&I)গী কাঙলুপ্তা চনবা কঞ্জ্যুমরশিংগী ওইনা ToDতারিফ অসি চৎনবা হৌনখ্রে। স্মার্ত মীতরখিনবগা লোয়ননা, দোমেস্তিক কঞ্জ্যুমর লেভেলদা ToDমীতরিং তৌববু তারিফ পোলিসী মেন্দেতকী মখা পোন্না চৎননবা হৌদোক্কনি।
তাইম ওফ দে (ToD) তারিফ অসি কঞ্জ্যুমরশিংদা মখোয়না মৈ শিজিন্নবগী লোদপু পীক আউরদগী ওফ-পীক মতমশিংদা হোংদোক্নবগীদমক্তা ইন্সেন্তিব পীবগী পাম্বৈ ওইনা শিজিন্নবা থৌওং অমগুম্না য়াম্না মরু ওইবা দিমান্দ সাইদ মেনেজমেন্ত (DSM) তৌবগী মতৌ ওইনা মালেম পুম্বগী ইলেক্ত্রিসিতী ইন্দস্ত্রীশিংনা শকখঙনরবনি; মসিনা পীক মতমদা সীস্তেমদা লৈবা দিমান্দ হন্থহন্দুনা সীস্তেম লোদ ফেক্তরবু হেন্না ফগৎহল্লি। ToDতারিফ চৎনহনবা য়ানবা অমসুং হেন্না খুমাং চাউশিলহন্নবা স্তেতরী প্রোবিজন কয়া (হায়বদি, তারিফ পোলিসী 2016, ইলেক্ত্রিসিতী এক্ত 2003 অমসুং নেস্নেল ইলেক্ত্রিসিতী পোলিসী 2005) হান্ননা লৈরবনি।
স্মার্ত মীতর হাপ্পগী মতাংদা এমেন্স তৌবা কাঙলোনশিং
স্মার্ত মীতরিংগী কাঙলোন হেন্না লাইথোকহন্নবা সরকারনা রুল খরা লাইথোকহনখ্রে। কঞ্জ্যুমরশিংদা খুদোংচাদবা থোকহন্দনবা হায়দুনা, মেক্সিমম সেঙ্কসন লোদ/দিমান্দদগী হেন্না কঞ্জ্যুমরশিংগী দিমান্দ হেনগৎপদা লৈবা হান্নগী পেনালতী অদু হন্থখ্রে। মীতরিং প্রোবিজনগী এমেন্দমেন্তকী মখা পোন্না, স্মার্ত মীতর হাপ্লবা মতুংদা, মীতর অসি হাপ্ত্রিঙৈগী মমাংগী মতমদা মীতর অসিনা রেকোর্দ তৌবা মেক্সিমম দিমান্দশিংগী পেনাল চার্জ অমত্তাকঞ্জ্যুমরশিংদা পীরোই। লোদ রিভিজন প্রোসিজর অসিসু রেস্নেলাইজ তৌখ্রে, সেঙ্কসন তৌরবা লোদনা শেনবা চহি অমগী মনুংদা য়ামদ্রবদা অহুম্লকখক হেনবা মতমদা মেক্সিমম দিমান্দ অসি রিভাইজ তৌদুনা হেনগৎহনগনি। মসিদা নত্তনা, স্মার্ত মীতর অসি নোংমদা য়ামদ্রবদা অমুক্তি রিমোত ওইনা য়েংগনি অমসুং মশাগী ৱারোল খঙনা মৈ শিজিন্নবগী ৱারেপ লৌবা ঙমহন্নবগীদমক্তা কঞ্জ্যুমরশিংদা দেতাশিং অসি পীগনি।
পাৱর সীস্তেম অসি কঞ্জ্যুমরশিংগী সেবাগীদমক্তা লৈবনি অমসুং কঞ্জ্যুমরশিংনা থাজবা য়াবা সর্ভিস অমসুং ক্বালিতী ইলেক্ত্রিসিতী ফংবগী হক লৈ হায়বা ৱাফমদা য়ুম্ফম ওইদুনা ইলেক্ত্রিসিতী (রাইত ওফ কঞ্জ্যুমর) রুল, 2020 অসিবু সরকারনা দিসেম্বর 31, 2020দা নোতিফাই তৌখি। মৈগী অনৌবা কন্নেক্সন, রিফন্দ অমসুং অতোপ্পা সর্ভিসশিং অসি অকক্নবা মতমগী মনুংদা পীহন্নবা রুল অসি লৈবনি অমসুং রুল অসিনা কঞ্জ্যুমরগী রাইতশিংবু হকথেংননা ইন্দবা অসিনা সর্ভিস প্রোভাইদরশিংদা ফাইন তাহনগনি অমসুং কঞ্জ্যুমরশিংগী মফমদা কম্পেন্সেসনসু পীহনগনি।
রুল অসিদা খৌজিক তৌরিবা এমেন্দমেন্ত অসিদি পাৱর কঞ্জ্যুমরশিংবু মপাঙ্গল লৈহন্নবা, নোংমদা পুং 24 মৈ ফংহন্নবা, শেল য়াম্না চঙহন্দনবা, অমসুং পাৱর সেক্তরদা ইনভেস্ত তৌনবগীদমক্তা কান্নবা ইকোসীস্তেম অমা ঙাক শেন্নবগীদমক্তা সরকারনা লৌখৎখিবা খোঙথাংশিংগী মখা তারকপনি।
দিসেম্বর 2020দা থোকখিবা রুল অমসুং মসিগী মতুংদা লৈখিবা এমেন্দমেন্তশিংগী নোতিফিকেসন অসি মখাদা ফংবা য়াগনি।
*****
(Release ID: 1934731)
Visitor Counter : 128