ইন্তর্নেস্নেল দে ওফ য়োগ ২০২৩গী ৯শুবা ইদিসন অসি পাকশন্না পালন তৌদুনা মাইপাকপা অমা ওইখি অমসুং চহি অসিগী আই.দি.ৱাই.গীদমক অখন্নবা অনৌবা থৌশিলশিংসু উবা ফংখি। মধ্য প্রদেশকী জবলপুরদা পাঙথোকখিবা মপুং ওইবা নেস্নেল ইভেন্ত অসিদা ভারতকী উপ রাস্ত্রপতি, শ্রী জগদীপ ধনখর য়াওদুনা কম্মন য়োগ প্রোতোকল (সি.ৱাই.পি.) দেমোনস্ত্রেসন তৌবদা মীওই ১৫,০০০ হেনবনা থৱায় য়াওনা শরুক য়াবা উবা ফংখি।

থৌরম অসিদা মধ্য প্রদেশকী রাজ্যপাল, শ্রী মঙ্গুভাই পতেল, মধ্য প্রদেশকী মুখ্য মন্ত্রী, শ্রী শিবরাজ সিংহ চৌহান, আয়ুশ অমসুং পোর্তস, শিপ্পিং এন্দ ৱাতরৱেজকী কেন্দ্র মন্ত্রী, শ্রী সর্বানন্দ সোনোৱল, আয়ুশ অমসুং নুপী অমদি অঙাংগী চাউখৎ-থৌরাংগী কেন্দ্র মন্ত্রী, দা. মুঞ্জপরা মহেন্দ্রভাই, মন্ত্রী-মন্দলগী মন্ত্রীশিং, মধ্য প্রদেশকী এম.পি.শিং, শ্রী রাম চন্দ্র মিসনগী প্রসিদেন্ত কামলেশ দি পতেল, এম.পি. সরকারগী মন্ত্রীশিং অমসুং আয়ুশ মন্ত্রালয়গী ওফিসিএলশিংনসু শরুক য়াখি।

উপ রাস্ত্রপতি শ্রী জগদীপ ধনখরনা মহাক্কী ৱারোল পীবদা হায়খি মদুদি ঐখোয়গী প্রধান মন্ত্রীগী খোঙথাংশিংনা মরম ওইদুনা য়োগনা হৌজিক মালেমগী কুহ্মৈ অমা ওইরিবা অসি য়াম্না অপেনবা পোক্নীংঙাই ওইবা ৱাফম অমনি য়োগ অসি মীওই খরা খক্তগী নত্তে মসি মীওইবা খুন্নাই পুম্বগীনি। মহাক্না হায়খি য়োগনা ইকনোমিক্কী শক্লোন অমা লৌখি অমসুং চাউনা কান্নবা পীখি। ঐখোয়গী ত্রেন তৌরবা য়োগ ওজাশিংনা মালেম শিনবা থুংবদা থবক  তৌরি অমসুং য়োগগী ওজাশিংগী দিমান্দসু হেনগৎলক্লি।

প্রধান মন্ত্রী শ্রী নরেন্দ্র মোদীনা ভিদিও মেসেসকী থোংদা জাতিদা ৱা ঙাংখি অমসুং মহাক্না হায়খি ইন্তর্নেস্নেল দে ওফ য়োগ পালন তৌবগী ইদিসন খুদিংমক্তা মহাক্না য়াওখিবা মমাংগী য়োগ দেগী থৌরমশিংগা মান্নদবা মওংদা মহাক্না হৌজিক তোঙান-তোঙানবা কম্মিৎমেন্তশিংনা মরম ওইদুনা য়ুনাইতেদ স্তেৎস ওফ অমেরিকাদা চৎলি। অদুম ওইনমক চহি অসিদা মহাক্না ন্যু য়োর্ক্তা লৈবা য়ু.এন. হেদক্বাতর্সতা আই.দি.ৱাই. ইভেন্ত অমা লমজিংগনি।

প্রধান মন্ত্রীনা মখা তারদুনা হায়খি য়োগগী খুত্থাংদা কনাগুম্বা অমা হকচাং ফনা, নহা ওইনা অমসুং শক্তি লৈনা লৈবা ঙমহল্লি অমসুং চহি কয়া মসিগী প্রেক্তিস চাং নাইনা তৌরকপা মীওইশিংনা মসিগী শক্তি ফাওবা ঙম্মি। মীওই অমগী লোয়ননা ইমুংগী থাক্তা হকচাং ফনা লৈবা অসি য়াম্না মরু ওই। অপুনবগী শক্তি য়াম্না লৈবা হকচাং ফবা অমসুং শক্তি লৈবা খুন্নাই অমা য়োগনা শেম্মি। স্বচ্ছ ভারত অমসুং স্তার্তঅপ ইন্দিয়াগুম্বা কেম্পেনশিংনা আত্মনির্ভর ওইবা লৈবাক অমা শেম্বা অমসুং লৈবাক্কী কলচরেল আইদেন্তিতী অমুক হঞ্জিনহনবদা মতেং পাংখি অমসুং লৈবাক অসিনা অমদি মাগী নহারোলনা মসিগী শক্তি অসিদা চাউনা শরুক তমখি। ঙসি লৈবাক্কী লৈরিবা ৱাখল্লোনশিংদা অহোংবা লাক্তুনা মীয়াম অমসুং মখোয়গী পুন্সিদা অহোংবা অমা পুরক্লি।

আয়ুশ অমসুং পোর্তস, শিপ্পিং অমদি ৱাতরৱেজ মন্ত্রালয়শিংগী কেন্দ্র মন্ত্রী, সর্বানন্দ সোনোৱলনা হায়খি, “মীৎয়েং শান্না উবা ঙম্বা অমসুং ফীফম্নফম ওইরবা ইকাই খুম্নরবা প্রধান মন্ত্রী শ্রী নরেন্দ্র মোদীগী লুচিং মখাদা ইন্তর্নেস্নেল দে ওফ য়োগ ২০২৩না জাতি অমদি অন্তরজাতিগী মীয়ামশিংদা য়োগ অমসুং ভারতকী চৎনবীশিংগী মরমদা অচেৎপা ৱাখল্লোন পোকহন্নবা হোৎনখি। মসিনা মালেমগী থাক্তা য়ুনিভর্সেল ৱেল-বিংগী পাউজেল হেন্না হেনগৎহল্লগনি”।

মধ্য প্রদেশকী রাজ্যপাল,  শ্রী মঙ্গুভাই পতেলনা মহাক্কী ৱারোল পীবদা হায়খি, “য়োগ অসি ঙসিগী হৌরক্লিবা মীরোলশিংগীদমক য়াম্না মরু ওই। য়োগ তৌবগী কান্নবশিংগী খুত্থাংদা মখোয়না তুংলমচৎতা থেংনবা শীংনবশিংসু মায়োক্নবা ঙমগনি”।

থৌরম অসিদা মধ্য প্রদেশকী মুখ্য মন্ত্রী, শ্রী শিবরাজ সিংহ চৌহন্না স্কুল করিকুলমদা মহাক্কী সরকারনা য়োগ য়াওহল্লগনি অমসুং মধ্য প্রদেশকী স্কুল পুম্নমক্তা ইমপ্লিমেন্ত তৌরগনি হায়না মরু ওইবা ৱাফম অসি লাউথোকখি।

৯শুবা ইন্তর্নেস্নেল দে ওফ য়োগগী হাইলাইৎ অসি ভারতকী মেরিতাইম কোওপরেসন অমসুং মর্চেন্ত শিপ্পিং এগ্রিমেন্তশিং তৌনরিবশিংনা সি.ৱাই.পি. দেমোনস্ত্রেসন্দা শরুক য়াখিবগা লোয়ননা মালেম অমসুং লৈবাক শিনবা থুংবদা লৈরিবা তোঙান-তোঙানবা হীথাংফমশিংদা স্তেসন তৌদুনা লৈরিবা ইন্দিয়ন নেবেল শিপশিংদা কোওর্দিনেতেদ য়োগ দেমোনস্ত্রেসন অমা তৌনবা ওসিন রিং ওফ য়োগ পাঙথোকপগী অখন্নবা ৱাখল্লোনশিংনা ওইখি।

জাতি অমসুং অন্তরজাতিগী ঈশিংগী ঈপাক অনিমক্তা নেবেল পর্সনেল ৩৫০০গী ময়ানা ইন্দিয়ন নেবল শিপ ১৯ তোংদুনা য়োগগী এম্বেসেদরশিং ওইনা কিলোমিতর ৩৫,০০০ হেন্না চৎখি। মসিদা মীরমগী হীথাংফমশিং/অন্তরজাতিগী ঈশিংগী ঈপাকশিংদা আই.এন. শিপ ১১দা পর্সনেল ২৪০০ হেনবনা চৎপা য়াওখি। পনবা য়াবদি আই.দি.ৱাই. অসি ফোরেন নেবী পর্সনেল ১২০০ হেনবনা শরুক য়াদুনা ঐখোয়গী ওভরসীজ মিসনশিংগা লোয়ননা পুনশিন্দুনা ফোরেন নেবী কয়াগী ওনবোর্দ শিপশিংদা পালন তৌখি।

আর্ক্তিক্তগী এন্তার্তিকা ফাওবা য়োগ তৌবা অসিনা চহি অসিগী আই.দি.ৱাই.গী অখন্নবা মশক অমা ওইরি, হায়রিবা অসিদা প্রাইম মেরিদিয়ন লাইন্দা অমসুং মসিগী অকোইবদা অমদি নোর্থ পোল অমসুং সাউথ পোল রিজনশিংদা লৈরিবা লৈবাকশিংদা য়োগ দেমোনস্ত্রেসন তৌখি। আর্ক্তিক অমসুং এন্তার্তিকাদা লৈবা ভারতকী রিসর্চ বেজশিং মমিং ওইনা পল্লবদা হিমাদ্রি অমসুং ভারতিদা পাঙথোকপা য়োগ দেমোনস্ত্রেসন্দা সাইন্তিস্তশিং/রিসর্চরশিংনা শরুক য়াখি। আই.তি.বি.পি., বি.এস.এফ. অমসুং বি.আর.ও.গা লোয়ননা ইন্দিয়ন আর্মী, ইন্দিয়ন নেবী, ইন্দিয়ন এয়র ফোর্সনা পুন্না য়োগ ভারতমালা কৌবা য়োগ দেমোনস্ত্রেসনগী চেন অমা শেমখি। মতৌ অসুম্না ভারতকী সমুদ্র মপালদা অমসুং ঈথৎশিংদা য়োগ সাগরমালা কৌবা য়োগ দেমোনস্ত্রেসন অমসু শেমখি।

রুরেল কম্ম্যুনিতীশিংগা লোয়ননা আয়ুশ মন্ত্রালয়না “হর আঙ্গন য়োগ”গী পাউজেল শন্দোকখি। পঞ্চায়ৎশিং, অঙ্গনৱাদী, হেল্থ এন্দ ৱেলনেস সেন্তরশিং, অমসুং স্কুলশিং, কম্মন সর্ভিস সেন্তর, আয়ুশ গ্রাম য়ুনিৎ অমসুং অমৃত সরোবরগী অকোইবদা লৈবা মফম লাখ ২রোমদা য়োগ দেমোনস্ত্রেসন তৌখি।

ইন্তর্নেস্নেল দে ওফ য়োগ অসি হোল ওফ গভর্নমেন্ত এপ্রোচকা লোয়ননা পাঙথোকখি, ভারত সরকারগী মরু ওইবা মন্ত্রালয়শিং, নেস্নেল অমসুং ইন্তর্নেস্নেল লীদিং য়োগ ইন্সতিত্যুসনশিং অমসুং ওর্গনাইজেসনশিং অমদি অতোপ্পা স্তেকহোল্দরশিংনা শরুক য়াখি। ইন্দিয়ন মিসনশিং অমসুং এম্বেসীশিংগা লোয়ননা য়ু.এন. মেম্বর স্তেৎশিং অমসুং জামনগরদা লৈবা দবল্যু.ঐচ.ও.-জি.সি.তি.এম.গী ইন্তেরিম ওফিস্তা ইন্তর্নেস্নেল দে ওফ য়োগ পালন তৌনবা থৌরমশিংসু পাঙথোকখি।

*******