গীতা প্রেস, গোরাখপুরদা গান্ধী পিছ প্রাইজ ২০২১ পীরগনি।

গান্ধী পিছ প্রাইজ অসি মহাক্কী ফিদমশিং ইকায়খুম্নবা উৎপা ওইনা মহাত্মা গান্ধীগী চহি ১২৫শুবা মপোক কুমওন থৌরমদা, ১৯৯৫দা ভারত সরকারনা লিংখৎপা চহিগী ওইবা পীবা মনা অমনি। জাতি, কাংলুপ, লোল, ফুরুপ, লাইনিং নত্ত্রগা নুপা-নুপীগী খেন্না লৈতনা মনা অসি মীওই খুদিংমক্না ফংবা য়াই।

মনা অসি লুপা করোর ১গী শেনফম, সাইতেসন অমা, প্লেগ অমা অমসুং মমাংঙৈগী হেন্দিক্রাফ অমা য়াওরি।

মমাঙদা মনা ফংখ্রবশিংগী মনুংদা ইসরো, রামকৃষ্ণ মিসন, বংলাদেসকী গ্রামিন বেঙ্ক, ক্যনাকুমারিগী বিবেকানন্দা কেন্দ্র, বেঙ্গালুরুগী অক্ষয় পাত্র,  একাল অভিয়ান ত্রস্ত, ইন্দিয়া অমসুং সুলাভ ইন্তরনেসনে, নিউ দিল্লি য়াওরি। মনা শক্নাইরবা মীওইশিং হায়বদি খা অফ্রিকাগী হান্নগী রাস্ত্রপতি দোক্তর নেলসন মন্দেলা, তাঞ্জানিয়ানগী হান্নগী রাস্ত্রপতি দোক্তর জুলিয়স য়েরেরে,  শ্রী লঙ্কাগী সর্ভোদয়া শ্রামাদানা মুভমেন্তগী ফাউন্দর প্রসিদেন্ত দোক্তর এ.তি অরিয়ারাতে, জর্মনিগী দোক্তর জেরহার্দ ফিসচর,  বাবা আমতে, আইরলেন্দগী দোক্তর জোন হুম, জেকোস্লোভাকিয়াগী হান্নগী রাস্ত্রপতি ভাক্লাব হাভেল, খা অফ্রিকাগী অর্কিবিসোপ দেসমন্দ তুতু, শ্রী চান্দি প্রসাদ ভত্ত অমসুং জপানগী য়োহৈ সাসাকাৱা য়াওরি।

হন্দক মনা ফংখিবশিংগী মনুংদা সুলতান কবুস বিন সেদ অল সাইদ, ওমান(২০১৯) অমসুং বঙ্গবন্ধু সৈখ মজিবুর রহমন(২০২০), বংলাদেস য়াওরি।

প্রধান মন্ত্রী শ্রী নরেন্দ্র মোদীনা লুচিংবা জুরিনা জুন ১৮., ২০২৩দা কুপ্না খন্নরবা মতুংদা গীতা প্রেস, খোরাগপুরদা ২০২১গী গান্ধী পিছ প্রাইজ পীনবা ৱারেপ লৌখিবনি। অহিংশা অমসুং অতোপ্পা গান্ধীগী পাম্বৈশিংগী মতেংনা খুন্নাই, শেন-থুম অমসুং রাজনিতিগী অওনবা পুরক্নবা প্রেস অসিনা পায়খৎখিবা মশক থোকপা থবকশিং ইকায়খুম্নবা উৎপা ওইনা মনা অসি পীগদবনি।

১৯২৩ দা লিংখৎখিবা গীতা প্রেস অসি মালেমদা খ্বাইদগী চাউবা পব্লিসরশিংগী মনুংদা অমনি অমসুং মসিনা লোল ১৪ দা লাইরিক করোর ৪১.৭ ফোঙখ্রে অমসুং মসিদা শ্রীমদ ভগবদ গীতা করোর ১৬.২১ য়াওরি। প্রেস অসি কৈদৌঙৈদা মসিগী লাইরিকশিংদা এদভরতাইজমেন্ত তৌদুনা শেন তানবগী মখা পোন্দে। গীতা প্রেসনা মসিগা চৎমিন্নরিবা লুপশিংগা লোয়ন্না মীয়ামগী য়াইফনবা থবকশিং পাংথোক্লি।

শান্তি অমসুং খুন্নাইগী নুংশিনবা পুরক্নবা গান্ধীগী ফিদমশিং য়োকখৎনবা গীতা প্রেসনা পাংথোকখিবা থবকশিং প্রধান মন্ত্রী শ্রী নরেন্দ্র মোদীনা নিংশিংখি। মহাক্না হায়খি ইন্সতিতুৎ অসিনা চহি ১০০ মপুংফারকপদা গীতা প্রেসতা গান্ধী পিছ প্রাইজ পীবা অসি লোইশঙ অসিনা মীয়ামগী থবক তৌরকপা অদু ইকায়খুম্নবা উৎপনি।

গান্ধী পিছ প্রাইজ ২০২১ না, গান্ধীগী ফিদমশিংগা লোয়ন্না অপুনবা ওইনা মীওইবা খুন্নাইগী য়াইফনবা গীতা প্রেসনা পাংথোকখিবা লাম্বা লৈতবা অমসুং মরুওইবা থবকশিং অদু ইকায়খুম্নবা উৎপনি।

****