وزارات ثقافت

 گاندھی امن انعام2021 ، گیتا پریس، گورکھپور کو دیا جائے گا


وزیر اعظم جناب نریندر مودی کی سربراہی میں جیوری نے امن اور سماجی ہم آہنگی کے گاندھیائی نظریات کو فروغ دینے میں سو سال پرانے ادارے کے تعاون کا اعتراف کیا

Posted On: 18 JUN 2023 4:02PM by PIB Delhi

سال 2021 کا گاندھی امن انعام گیتا پریس، گورکھپور کو دیا جا رہا ہے۔

گاندھی پیس پرائز ایک سالانہ ایوارڈ ہے جو حکومت ہند کی طرف سے 1995 میں مہاتما گاندھی کے 125 ویں یوم پیدائش کے موقع پر مہاتما گاندھی کے نظریات کو خراج تحسین پیش کرنے کے لیے دینا شروع کیا  گیا تھا۔ یہ ایوارڈ قومیت، نسل، زبان، ذات، عقیدہ یا جنس سے قطع نظر تمام افراد کے لیے ہے۔

اس انعام کے تحت  ایک کروڑ روپے کی رقم ، ایک حوالہ، ایک تختی اور ایک شاندار روایتی دستکاری/ ہینڈلوم سے متعلق تحفہ بھی شامل ہے۔

ماضی میں یہ انعام  حاصل کرنے والوں میں اسرو، رام کرشنا مشن، گرامین بینک آف بنگلہ دیش، وویکانند کیندر، کنیا کماری، اکشے پاترا، بنگلورو، ایکل ابھیان ٹرسٹ، انڈیا اور سولبھ انٹرنیشنل، نئی دہلی جیسی تنظیمیں شامل ہیں۔ اسے جنوبی افریقہ کے سابق صدر آنجہانی ڈاکٹر نیلسن منڈیلا، تنزانیہ کے سابق صدر ڈاکٹر جولیس نیریرے، ڈاکٹر اے ٹی، سری لنکا کے سروودیا شرمادنا موومنٹ کے بانی صدر اریرتنے، وفاقی جمہوریہ جرمنی کے ڈاکٹر گیرہارڈ فشر، بابا امٹے، ڈاکٹر جان ہیوم، آئرلینڈ، چیکوسلواکیہ کے سابق صدر مسٹر ویکلاو ہیول، جنوبی افریقہ کے آرچ بشپ ڈیسمنڈ ٹوٹو، جناب  چنڈی پرساد بھٹ اورجاپان کے جناب  یوہی ساساکاوا شامل ہیں۔

حالیہ انعام  حاصل کرنے والوں میں سلطان قابوس بن سعید السید، عمان (2019) اور بنگلہ دیش کے بنگ بندھو شیخ مجیب الرحمان (2020) شامل ہیں۔

وزیر اعظم جناب نریندر مودی کی سربراہی میں جیوری نے 18 جون 2023 کو مناسب غور و خوض کے بعد متفقہ طور پر گیتا پریس، گورکھپور کو سال 2021 کے لیے گاندھی پیس پرائز کے وصول کنندہ کے طور پر منتخب کرنے کا فیصلہ کیا، اس کی سماجی، اقتصادی اور عدم تشدد اور دیگر گاندھیائی طریقوں سے سیاسی تبدیلی میں شاندار شراکت کے اعتراف میں اس انعام سے نوازا جارہا ہے۔

1923 میں قائم کی گئی ، گیتا پریس دنیا کے سب سے بڑے پبلشرز میں سے ایک ہے، جس نے 14 زبانوں میں 41.7 کروڑ کتابیں شائع کی ہیں، جن میں 16.21 کروڑ شریمد بھگود گیتا بھی شامل ہیں۔ ادارے نے آمدنی کے حصول کے لیے کبھی بھی اپنی اشاعتوں میں اشتہارات پر انحصار نہیں کیا۔ گیتا پریس اپنی منسلک تنظیموں کے ساتھ، زندگی کی بہتری اور سب کی بھلائی کے لیے کوشاں ہے۔

وزیر اعظم جناب نریندر مودی نے امن اور سماجی ہم آہنگی کے گاندھیائی نظریات کو فروغ دینے میں گیتا پریس کے تعاون کو یاد کیا۔ انہوں نے مشاہدہ کیا کہ گیتا پریس کو اس کے قیام کے سو سال مکمل ہونے پر گاندھی پیس پرائز سے نوازا جانا اس ادارے کی جانب سے کمیونٹی سروس میں کئے گئے کام کا اعتراف ہے۔

گاندھی پیس پرائز 2021، گیتا پریس کے اہم اور بے مثال تعاون کو تسلیم کرتا ہے، جو انسانیت کی اجتماعی ترقی میں تعاون دیتا ہے، جو حقیقی معنوں میں گاندھیائی زندگی کی عکاسی کرتا ہے۔

****

ش ح ۔ا م۔

U:6256



(Release ID: 1933299) Visitor Counter : 128