য়ুথ এফ্যার্স অমদি স্পোর্তস মন্ত্রালয় (এম.ৱাই.এ.এস.)না ভারতকী শান্নরোয় অমদি তীম ওফিসিএলশিংগী বোর্দিং অমদি লোদজিংগী খ্বায়দগী য়াম্বা শেনফমগী চাং ৬৬% হেনগৎখ্রে‍।

হায়রিবা অসি মন্ত্রালয়গী স্কীম ওফ এসিস্তেন্স তু নেস্নেল স্পোর্তস ফেদরেসন (এন.এস.এফ.)কী মখাদা মালেমগা থাক্কী অথোই অহেন তান্নবদা শরুক য়ারিবা শান্নরোয় অমদি ওফিসিএলশিংখক্তগীনি‍।

নৌনা শেমদোক্লবা পথাপ অসিগী মখাদা, মপান লৈবাকশিংদা পাঙথোকপা অয়াবা পীরবা কম্পিতিসনশিংগীদমক চৎলিবা শান্নরোয় অমদি সপ্পোর্ত স্তাফশিংনা হান্না নোংমদা য়ু.এস.দি. ১৫০ লৈরম্বদগী ৬৬% হেনগত্তুনা হৌজিক নোংমদা য়ু.এস.দি. ২৫০ ফংলগনি‍।

নৌনা শেমদোক্লিবা অসি কম্পিতিসন পাঙথোক্লিবা লোকেল ওর্গনাইজিং কম্মিতী (এল.ও.সি.)না লেপ্লিবা বোর্দিং অমদি লোদজিংগী মমল অসিনা হৌজিক লৈরিবা নোংমদা য়ু.এস.দি. ১৫০গী সিলিং অসিদগী ৱাংবা হেল্লি হায়রদুনা এন.এস.এফ.শিংনা হায়জরকপা ৱাফমশিং খন্নরবা মতুংদা পায়খৎখিবনি‍। হান্না চৎনরিবা বোর্দিং অমদি লোদজিংগী পথাপ অসি নবেম্বর ২০১৫দা লেপখিবনি অমদি শেমদোকখিবা চহি নিপান শুরক্লবনি‍।

বোর্দিং অমদি লোদজিংগী সিলিং হেনগৎলকপগা লোয়ননা, এন.এস.এফ.শিংনা তোঙান তোঙানবা মালেমগী থাক্কী অথোই অহেন তান্নবশিংদা লৈবাক অসিগী মহুৎ শিন্দুনা হিদান্নবা য়াওরিবা শান্নরোয়শিংদা হেন্না ফবা লৈফম চাফম শিন লাংবা ঙমহল্লগনি‍।

মখা তানা, হন্দক চৎনরক্লিবা মওং মতৌগী মতুং ইন্ন, মালেমগী থাক্কী অথোই অহেন তান্নবা মশান্নশিং শিন-লাংলিবা লোকেল ওর্গনাইজিং কম্মিতী (এল.ও.সি.এ)শিংনা মমাঙদা ইচম চম্না বোর্দিং অমদি লোদজিংকী খুদোংচাবখক পীরম্বগী মহুত্তা শরুক য়ারিবা তীমশিংদা মপুং ফাবা হোস্পিতেলিতী পেকেজ পীনরক্লি‍।

পেকেজ অসিদা বোর্দিং, লোদজিং, লোকেল ত্রান্সপোর্তেসন, অমদি করিগুম্বা মতমদা এন্ত্রী ফীনবচিংবসু য়াওরি‍। অসিগুম্বা পেকেজ অসিগী অপুনবা শেঞ্জং অসি নোংমদা মীওই অমদা য়ু.এস.দি. ১৫০দগী য়াম্না হেল্লি‍। হায়রিবা ফীভম অসিনা মরম ওইরগা ২০১৫দা লেপখিবা বোর্দিং অমদি লোদজিংগী পথাপ অসি হোংদোকপা মথৌ তাহল্লকপনি‍।

*****