লাক্লিবা জুন ১৭, ২০২৩দা জল শক্তি মিনিস্ত্রিগী ৱাতর রিছোর্সেস, রিভর দিবলপমেন্ত অমসুং গঙ্গ রিজুবিনেসন্না শীন্দুনা নিউ দিল্লিগী বিজ্ঞান ভাবনগী প্লেনারি হোলদা পাংথোকপা মনা য়েন্থোকপা থৌরম অমদা ভারতকী উপ রাস্ত্রপতি শ্রী জগদিপ ধনখারনা ৪শুবা নেসনেল ৱাতর এৱার্দশিং য়েন্থোক্লগনি। কাংলুপ ১১দা ৪শুবা নেসনেল ৱাতর এৱার্দ, ২০২২গীদমক পুন্না মনা ফংমিন্নবা য়াওনা মনা ফংলবা ৪১গী মমিং দিপার্তমেন্তনা লাউথোক্লে। মনা ফংলবা অমমমদা সাইতেসন অমা অমসুং ত্রোফি অমা অমসুং অকক্নবা কাংলুপ খরদা শেনগী মনাশিং পীগনি।

খ্বাইদগী ফবা রাজ্যগী অহানবা মনা মধ্য প্রদেসতা পীগনি; খ্বাইদগী জিলাগী মনা উরিসাগী গঞ্জাম জিলাদা পীগনি; তেলঙ্গানাগী ভাদ্রাদ্রি কোথাগুদেম জিলাগী জগন্নাধাপুরম ভিলেজ পঞ্চায়ত্তা খ্বাইদগী ফবা ভিলেজ পঞ্চায়ত পীগনি; চান্দিগর মিউনিসিপাল কোর্পোরেসন্দা খ্বাইদগী অর্বান লোকেল বোদি পীগনি; হরিয়ানাগী এদভান্স ৱাতর দাইজেস্ত প্রাইভেদ লিমিতেত্তা খ্বাইদগী ফবা মেদিয়া পীগনি; গুজরাতকী মেহসানাদা লৈবা জামিয়াতপুরা প্রাইমারি স্কুলদা খ্বাইদগী ফবা স্কুল পীগনি; জে অমসুং কেগী রিয়াসিগী শ্রী মাতা ভাইসনো দেবী শ্রাইন্দা কেম্পস ফজনা শীজিন্নবা ইন্সতিতুৎ পীগনি; বিহারগী বেগুসারাইদা লেবা বরাউনি থর্মেল পৱার স্তেসন্দা খ্বাইদগী ফবা ইন্দস্ত্রি পীগনি; রাজস্থানগী উদয়পুরগী অর্পন সেবা সন্থানদা খ্বাইদগী ফবা এন.জি.ও পীগনি; গুজরাতকী  সঞ্জিবনি পিয়াত সাহকারি মন্দলি লিমিতেৎ, নর্মাদাদা খ্বাইদগী ফবা ঈশিং নিংথিনা শীজিন্নবা এসোসিএসন পীগনি অমসুং উত্তর প্রদেসকী নোইদাদা লৈবা ঐচ.সি.এল তেক্নোলোজিস লিমিতেত্তা সি.এস.আর থবকশিংগী খ্বাইদগী ফবা ইন্দস্ত্রি পীগনি।

 ‘ঈশিং মরাং কাইবা ভারত’ নত্ত্রগা ‘জল সমরিধ ভারত’ অমগী সরকারগী মঙলান মঙফাওন্নবা লৈবাক শীনবা থুংনা চৎথরিবা খোঙজংগী শরুক অমা ওইনা, লনাই মীওইশিং অমসুং লুপশিংনা পাংথোক্লিবা অফবা থবকশিং পুক্নিং থৌগৎনবা নেসনেল ৱাতর এৱার্দ লিংখৎখিবনি। মসিনা মীয়ামদা ঈশিংগী মরুওইবশিং খঙহনগনি অমসুং ঈশিং শীজিন্নবগী খ্বাইদগী ফবা থবকশিং পাংথোক্নবা মীয়ামদা পুক্নিং থৌগৎকনি। ঈশিং ফংবা মফমশিং ঙাক-শেন্নবা অমসুং শেন্নবগী থবকশিংদা মীয়াম শরুক য়াবা হেনগৎহন্নবা মীয়াম অমসুং লুপশিংদা খুদোংচাবা অমা থৌরম অসিনা  পীরে।

প্রধান মন্ত্রী শ্রী নরেন্দ্র মোদীগী লমজিং মখাদা, জল শক্তি মিনিস্ত্রিনা ঈশিং শীজিন্নবা অমসুং ঈশিং য়োকপগী মতাংদা মীয়াম ৱাখল তাহন্নবা জাতি থাক্তা অকনবা খোঙজং অমা হৌদোকখ্রে। লৈবাক অসিদা ঈশিং ফংবা মফমশিং নিংথিনা য়েংশিন্নবা অচুম্বা থৌরাং অমা পায়খৎনবা তোঙান-তোঙানবা মরী লৈনবশিং পুক্নিং থৌগৎনবা পান্দমগা লোয়ন্না, নেসনেল ৱাতর এৱার্দ অমা লিংখৎপা দরকার ওইরে হায়না সরকারনা খন্নখি। মসিগী মতুংইন্না, মিনিস্ত্রিনা ২০১৮দা অহানবা নেসনেল ৱাতর এৱার্দ লিংখৎখি। অনিশুবা অমসুং অহুমশুবা নেসনেল ৱাতর এৱার্দশিং ২০১৯ অমসুং ২০২০দা পীখি। কোবিদ লাইচৎনা মরম ওইদুনা ২০২১ দা মনাশিং পীখিদে।

২০২২ দা, হোম এফেয়ার্স মিনিস্ত্রিগী রাস্ত্রিয়া পুরুস্কার পোর্তেলদা, জুলাই ৩০, ২০২২দা ৪শুবা নেসনেল ৱাতর এৱার্দ হৌদোকখি। ওক্তোবর ৩১, ২০২২দা অরোইবা তারিখ ওইদুনা এপ্লিকেসন ৮৬৮ ফংখি। এপ্লিকেসনশিং য়েংশিনখি অমসুং নৈনখি। এপ্লিকেসনশিং খনখৎপগী থবক সেন্ত্রেল ৱাতর কম্মিসন অমসুং সেন্ত্রেল গ্রাউন্দ ৱাতর বোর্দনা পাংথোকখি অমসুং কাংলুপ ১১ দা মাইপাক্লবা ৪১ মনাশিং পীনবা খনখৎলে।

*****