কেন্দ্রগী হকশেল অমসুং য়াইফ-য়ুম্বাল মন্ত্রী, দা. মন্সুখ মান্দৱিয়ানা ঙসি গুজরাতকী ভুজতা গুজরাতকী হকশেল মন্ত্রী, শ্রী রুশিকেশ গনেশভাই পতেলগা লোইননা সাইক্লোন বিপর্জোয়’গী মতাংদা কেন্দ্র অমসুং গুজরাত রাজ্যগী এদমিনিস্ত্রেশননা লৌখৎখিবা চেকশিন-থৌরাংগী পাম্বৈশিং অদুবু য়েংশিনখ্রে।

সাইক্লোন বিপর্জোই, “য়াম্না কনবা সাইকোনিক স্তোর্ম” অমা ওইরিবা, অসি জুন ১৫দা গুজরাতকী সমুদ্র খোংবানদা য়ৌরকপা য়ানা লৈরি।

হকশেল অমসুং য়াইফ-য়ুম্বাল মন্ত্রালয়না ৱেস্তর্ন কোস্তকী রাজ্যশিংগী রিজনেল ওফিসশিংদা (গুজরাত য়াওনা) রাজ্যশিং অদুদা সাইক্লোনগীদমক্তা চেকশিন-থৌরাং লৌখৎপদা মথৌতাবা মতেং খুদিংমক পাংনবা য়াথং পীরকপগা লোইননা লেপ্তনা পাউ-ই ফাওনরি। হৌজিক ফাওবদা, অসিগুম্বা অমত্তা হকশেল মন্ত্রালয়দা অসিগুম্বা রিক্বেস্ত অমত্তা পাউ ফাওরকখিবা লৈত্রি।

মল্তি-দিসিপ্লিনরী ওইবা সেন্ত্রেল ক্বিক রেসপোন্স মেদিকেল তীম তরুক [নই দিল্লীগী দা. আর.এম.এল. হোসপিতাল; নই দিল্লীগী এল.ঐচ.এম.সি.; নই দিল্লীগী সবদর্জং হোসপিতাল; এ.আই.আই.এম.এস. (নই দিল্লী); এ.আই.আই.এম.এস. (জোধপুর); এ.আই.আই.এম.এস. (নাগপুর) তশিল্লকপা তীম] অসি ইমর্জেন্সী কিয়র অমসুং সর্বিসশিং পীনবগীদমক্তা মথৌ তারকপা মতমদা দিপ্লোই তৌনবগীদমক্তা শেম-শাদুনা থম্লি। মসিগী মথক্তা বেঙ্গলুরুগী নিমহান্সতগী তীমশিংশু শোকহল্লবা মীশিং অদুদা সাইকোলোজিকেল কিয়র অমসুং ঐদ পীনবগীদমক্তা স্তেন্দবাইদা থম্লি।

রাজ্য খুদিংমক্তা ইন্তিগ্রেতেদ দিজীজ সর্ভিলেন্স প্রোগ্রাম (আই.দি.এস.পি.)দা সাইক্লোনগী মতুংদা লাইচৎ লাক্কদবা লাইনাশিং থোরক্তনবা মতম চানা খঙদোক্নবগীদমক্তা রাজ্য/জিলাগী সর্ভিলেন্স য়ুনিৎশিংগী খুত্থাংদা পোস্ত দিজাস্তর দিজীজ-সর্ভিলেন্স পাংথোক্নবা থবক শিন্নখ্রে।

কেন্দ্র হকশেল মন্ত্রালয়না সাইক্লোনগী ফিভম অদুবু য়াম্না খুপ্না য়েংশিল্লি অমসুং হেল্থ ইমর্জেন্সীশিংগীদমক্তা শেম-সানবগীদমক্তা মথৌ তাবা চেকশিন-থৌরাংগী পাম্বৈশিং পুম্নমক লৌখৎলি।

****