কেন্দ্রগী কমর্স অমসুং ইন্দস্ত্রী, কঞ্জুমর এফিয়র্স, ফুদ অমসুং পব্লিক দিস্ত্রিব্যুশন অমসুং তেক্সতাইলসকী মন্ত্রী, শ্রী পিয়ুশ গোয়লনা হায়খি মদুদি পি.এম. গতিশক্তিবু ইনফ্রাস্ত্রকচর সেক্তর খক্তা নত্তনা লৈবাক অসিদা মশিগী কান্নবা অসি পীনবা এরিয়া দেবেলপমেন্ত এপ্রোচকা লোইননা খ্বাইদগী হেন্না ফগদবা মওংদা মসিগী কান্নবা লৌগদবনি। শ্রী গোয়লনা ময়াই তাংবল লৌদুনা ঙরাং নুমিদাং নই দিল্লীদা দি.পি.আই.আই.তি. অমসুংমরি লৈনবা মন্ত্রালয় নিপালগা লোইননা পি.এম. গতিশক্তিগী মতাংদা মীফম অমা পাংথোকখ্রে। মন্ত্রী অসিনা ভারতকী ইনফ্রাস্ত্রকচর অমসুং ইকোনোমিক গ্রোথ লৈহন্নবা ইন্তিগ্রেতেদ প্লেতফোর্মগী মতিক অদুবু মপুং ফানা শিজিন্ননবা মসিদা শরুক য়ারিবা মন্ত্রালয়শিং/দিপার্তমেন্তশিংদা মমরু ওইবা থমখি।

শ্রী গোয়লনা হায়খি মদুদি এগ্রিকলচর সেক্তর পি.এম. গতি শক্তিগী ইন্তিগ্রেতেদ ফ্রেমৱার্ক অমসুং নেস্নেল মাস্তর প্লান (এন.এম.পি.)দগী দেতা শিজিন্নদুনা লৌউ-শিংউবা য়াবা মফমশিংদা কোওপরেতিবশিং অমসুং স্তার্ত-অপশিংনা কমন ফেসিলিতীশিং লিংখত্তুনা এগ্রিকলচর সেক্তরবু সুপোর্ত তৌগদবনি। মন্ত্রী অসিনা মরু ওইনা পনখি মদুদি পি.এম. গতি শক্তিগী মখাদা লৈবা এরিয়া দেবেলপমেন্ত এপ্রোচপু নিতি আয়োগকী এস্পিরেস্নেল দিস্ত্রিক্তশিংগা লোইননা থবক তৌনবগীদমক্তা শিজিন্নবা য়াগনি।

দিপার্তমেন্ত ফোর প্রোমোশন ওফ ইন্দস্ত্রী অমসুং ইন্তর্নেল ত্রেদ (দি.পি.আই.আই.তি.)দগী সেনিয়র ওফিসিয়েলশিং খক্তা নত্তনা, মীফম অদুদা এম./ও. রোদ ত্রান্সপোর্ত অমসুং হাইৱেজ, এম./ও. রেলৱেজ, এম./ও. পোর্ত, শিপ্পিং অমসুং ৱাতরৱেজ, এম./ও. সিভিল এভিয়েশন, এম./ও. পাৱর, এম./ও. পেত্রোলিয়ম অমসুং নেচরেল গ্যাস, দিপার্তমেন্ত ওফ তেলিকম্যুনিকেশন (দি.ও.তি.), এম./ও. ন্যু অমসুং রিন্যুৱেবল ইনর্জী, ভাস্করাচার্য়া নেস্নেল ইনস্তিত্যুত ফোর স্পেস এপ্লিকেশন্স এন্দ জিও-ইনফোর্মেতিক্স (বি.আই.এস.এ.জি.-এন.) অমসুং নেস্নেল ইন্দস্ত্রিয়েল কোরিদোর দেবেলপমেন্ত কোর্পোরেশন (এন.আই.সি.দি.সি.)দগী মীহুৎশিংনা শরুক য়াখি।

দি.পি.আই.আই.তি.গী স্পেসিয়েল সেক্রেতরী, সুকুমারি সুমিতা দাউরানা এন.এম.পি.গী দেতা ক্বালিতী ফগৎহনবা, দেতা লেয়রশিং স্তেন্দার্দাইজেশন তৌবা অমসুং হেন্না ফবা থৌরাং তৌনবগীদমক্তা ক্বালিতী ইমপ্রুবমেন্ত প্লান (ক্যু.আই.পি.) মেকানিজমগী মতাংদা পি.এম. গতিশক্তিগী খুমাং চাউশিল্লিবা অদু উৎখি। সোসিয়েল সেক্তর প্লানিংগীদমক্তা এন.এম.পি. শিজিন্নববু পুক্নিং থৌগৎলদুনা, লৈবাক অসিগী সোসিয়ো ইকোনোমিক দেবেলপমেন্ত হেনগৎহন্নবা পি.এম. গতিশক্তিদা হান্নদগী য়াওরিবা সোসিয়েল সেক্তর দিপার্তমেন্ত/মন্ত্রালয় তরামরি অদুগী মথক্তা  অনৌবা মন্ত্রালয় মঙা হাপচিন্নবা ৱাফম থাংগৎলকখ্রে। দোমেস্তিক লোজিস্তিক্স ইকোসীস্তেম ফগৎহনবগী মথক্তা, দি.পি.আই.আই.তি.না এক্সিম লোজিস্তিক্স ফগৎহন্নবগী মাইকৈদা খুমাং চাউশিন্না থবক তৌরি। অতোপ্পা মরি লৈনবা দিপার্তমেন্তশিং/মন্ত্রালয়শিংগা লোইননা এক্সিম লোজিস্তিক্স গ্রুপ অমা শেমখ্রে। ৱার্ল্দ বেঙ্ক রিপোর্তকী লোজিস্তিক্স পর্ফোর্মেন্স ইন্দেক্স (এল.পি.আই.) পেরামিতরশিং খুদিংমক্তা লৈবাক অসিগী পর্ফোর্মেন্স ফগৎহন্নবগীদমক্তা এক্সন প্লান অমা শেম্লগনি অমসুং য়াম্না থুনমক থবক ওইনা পাংথোক্লগনি। জি.এস.তি.এন. দেতা য়াওবা য়ুনিফাইদ লোজিসত্তিক্স ইন্তরফেস প্লেতফোর্ম (য়ু.এল.আই.পি.) ইন্তিগ্রেত তৌদুনা কার্গোগী এন্দ-তু-এন্দ মল্তি-মোদল ত্রেকিং লৈহন্নবা থবকশিংশু পাইখৎখ্রে। হেন্না পাকশন্না খঙহন্নবা অমসুং শিজিন্নবা হৌহন্নবগীদমক্তা, রাজ্যগী থাক্তা লৈবা ওফিসিয়েলশিংগী কেপাসিতী বিল্দিংগীদমক্তা সেন্ত্রেল ত্রেনিং ইনস্তিত্যুতশিংদা পি.এম.গতিশক্তিগী মতাংদা ত্রেনিং মোদ্যুলশিংগী কুত্থাংদা থৌরাং তৌখ্রে।

ইনফ্রাস্ত্রকচরবু গ্রোথ ইঞ্জিন অমা ওইনা খন্দুনা অমসুং ইনফ্রাস্ত্রকচর দেবেলপমেন্তকীদমক্তা ‘হোল ওফ গোবর্নমেন্ত’ এপ্রোচকী তঙাইফদবা লৈবনা, পি.এম. গতিশক্তি নেস্নেল মাস্তর প্লান (এন.এম.পি.) অসি ২০২১গী ওক্তোবরদা লোঞ্চ তৌখি।

***