প্রধান মন্ত্রী শ্রী নরেন্দ্র মোদীগী মীৎয়েদা লমজিংদুনা ভারতকী জি20 প্রসিদেন্সীগী সেন্ত্রেল ফোকসতা মীয়াম্না এক্তিব ওইনা শরুক য়াবা পুক্নিং থৌগৎনবগীদমক এজুকেসন মন্ত্রালয়না অখন্ননা ব্লেন্দেদ লর্নিংগী কন্তেক্সতা “এন্স্যুরিং ফাউন্দেসন লিতরেসী এন্দ ন্যুমরেসী (এফ.এল.এন.)”গী থীমবু প্রমোতিং অমসুং এন্দোর্সিংদা পান্দম থম্দুনা এক্তিবিতীশিং অমসুং প্রেগ্রামশিংগী পরিং অমা শিন-লাংলি।

পান্দম অসিগী তুংইন্না এজুকেসন মন্ত্রালয়না রাজ্য অমসুং য়ু.তি. পুম্নমক্কা চৎমিন্নদুনা জি-20, নেস্নেল এজুকেসন পোলিসী অমসুং এফ.এল.সি.গী মরমদা মহৈরোইশিং, ওজাশিং, মমা-মপাশিং অমসুং কম্যুনিতীগুম্বা তোঙান তোঙানবা স্তেকহোল্দরশিংগী মরক্তা এৱারনেস পীনবা অমসুং প্রাইদকী সেন্স অমা জেনরেত তৌনবা লৈবাক পুম্বদা জনভাগিদারি থৌরমশিং পাংথোক্লি। মসিগী মনুং চন্না ২০২৩গী জুন ১দগী ১৫ ফাওবা ৱার্কশোপশিং, একজিবিসনশিং, সেমিনারশিং অমসুং কনফরেন্সশিং যাওনা এক্তিবিতী কয়া অমা প্লান তৌরি। কাংলুপ খুদিংগী মীওইশিংবু মসিদা শরুক য়াহনবা ঙমহন্নবা থৌরমশিং অসি লৈবাক পুম্বদা রাজ্য, জিলা, ব্লোক, পঞ্চায়ত অমসুং স্কুলগী থাক্তা পাক শন্না শিন-লাংগনি।

জনভাগিদারী থৌরম অসি ২০২৩গী জুন ১৯দগী ২১ ফাওবগী মরক্তা মহারাস্ত্রগী পুনেদা মরুওইবা থৌরম হায়বদি ৪শুবা এজুকেসন ৱার্কিং গ্রুপকী খন্ন-নৈনবদা মকোক চিংগনি অমদি ২০২৩গী জুন ২২দা এজুকেসন মিনিস্ত্রিয়েল মীফমগা লোয়ননা লোইশিনগনি।

মন্ত্রালয়না শিন-লাংলিবা থৌরমশিংগী স্কেদ্যুল মখাদা লৈরে:

• স্কুল পুম্নমক্তা জি-20, এন.ই.পি. অমসুং এফ.এল.সি.গী মরমদা এৱারনেসতা জনভাগিদারী থৌরম – ২০২৩গী জুন ১দগী ১৫ ফাওবা।

● স্কুল এজুকেসন, হায়র এজুকেসন অমসুং স্কিল এজুকেসনগী লমদা খ্বাইদগী ফবা প্রেক্তিসশিং উৎনবা একজিবিসন মহারাস্ত্রগী পুনেদা জুন ১৭দগী ২২ ফাওবা।

• ২০২৩গী জুন ১৭ অমসুং ১৮দা ফাউন্দেসন লিতরেসী এন্দ ন্যুমরেসীদা নুমিৎ ২গী নেস্নেল কনফরেন্স।

জন ভাগিদারীগী প্রোগ্রাম পুম্বা চাউনা মায় পাকপা অমা ওইরে, অমদি স্কুল লাখ ৫.০১দগী মহৈরোই করোর ১.১৯ অমসুং ওজা লাখ ১৩.৯, কম্যুনিতীদগী মীওই লাখ ১৯.৫ য়াওনা মীওই করোর ১.৫৩না নুমিৎ ৯ ফাওবদা শরুক য়াখ্রে, মদু মমাংদা অমুক্তা ওইখিদ্রিবা খক্তা নত্তনা মীয়ামগী মরক্তা অৱাংবা থাক্কী ইন্তরেস্ত অমসুং এঙ্গেজমেন্তসু মমী তারি।

*****