ہندوستان کی جی 20 صدارت کے بنیادی توجہ کے طور پر فعال عوامی شرکت کی حوصلہ افزائی کے لئے  وزیر اعظم جناب نریندر مودی کی بصیرت افروز رہنمائی میں وزارت تعلیم سلسلہ وار سرگرمیوں اور پروگراموں کا اہتمام کر رہی ہے،  جس کا مقصد خاص طور پر سیکھنے کے مخلوط عمل کے تناظر میں ‘‘انشورنگ فاؤنڈیشن لٹریسی اینڈ نیومریسی (ایف ایل این)’’ کے تھیم کو فروغ دینا اور اس کی تائید کرنا ہے۔

اس مقصد کے تحت،وزارت تعلیم تمام ریاستوں اور مرکز کے زیر انتظام علاقوں کے ساتھ مل کر ملک بھر میں جن بھاگیداری پروگرام منعقد کر رہی ہے۔ اس کا مقصد بیداری پیدا کرنا اور مختلف ذمہ داران جیسے طلبا، اساتذہ، والدین اور مجموعی طور پر برادری میں جی-20، قومی تعلیمی پالیسی اور ایف ایل این کی بابت میں فخر کا احساس پیدا کرنا ہے۔ اس تناظر  میں یکم سے 15 جون 2023 تک ورکشاپس، نمائشوں، سیمیناروں اور کانفرنسوں سمیت بہت سی سرگرمیوں کا منصوبہ بنایا گیا ہے۔ یہ تقریبات کو پورے ملک میں ریاستی، ضلعی، بلاک، پنچایت اور اسکولی سطح پر بڑے پیمانے پر منظم کی جائیں گی تاکہ زندگی کے تمام شعبوں کے لوگوں کو شامل کیا جاسکے۔

جن بھاگیداری کی مرکزی تقریب یعنی چوتھا ایجوکیشن ورکنگ گروپ (چوتھی ایڈ ڈبلیو جی) مذاکرہ 19 سے 21 جون 2023 کے درمیان پُنے، مہاراشٹر میں ہوگا اور یہ تقریب  22 جون 2023 کو وزارت تعلیم کی میٹنگ کے ساتھ اختتام پذیر ہوگی۔

وزارت کی طرف سے منعقد کی جانے والی تقریبات کا شیڈول حسب ذیل ہے:

• تمام اسکولوں میں جی 20، قومی تعلیمی پالیسی،ایف ایل این کے بارے میں آگاہی کے لیے جن بھاگیداری کے پروگرام - یکم سے 15 جون 2023 تک۔

• پُنے، مہاراشٹر میں 17 سے 22 جون 2023 تک اسکولی تعلیم، اعلیٰ تعلیم اور ہنر کی تعلیم کے میدان میں بہترین طریقوں کی نمائش۔
• فاؤنڈیشن لٹریسی اور نمبریسی پر 17 اور 18 جون 2023 کو  2 روزہ قومی کانفرنس۔
• جن بھاگیداری کا مکمل پروگرام 1.53 کروڑ کی مجموعی شرکت کے ساتھ شاندار طور پر کامیابی سے ہمکنار ہوا۔ شرکاء میں 5.01 لاکھ اسکولوں کے 1.19 کروڑ طلبا اور 13.9 لاکھ اساتذہ اور برادری کے 19.5 لاکھ لوگ نویں دن تک شامل رہے جو نہ صرف بے مثال ہے بلکہ عوام میں اعلیٰ سطح کی دلچسپی اور شراکت کی بھی ترجمانی کرتا ہے۔

***

ش ح۔ ع س۔ ک ا