লেবর অমসুং ইম্প্লোইমেন্ত মন্ত্রালয়
শ্রী ভুপেন্দ্র যাদবনা হায়খি লৈবাক অসিগী শিন্মীশিংদা খুন্নাইগী ঙাক্লৌ অমসুং লৈবাকমচা তাবা থবক ফংহন্নবা থাজবা পীবগা লোয়ন্না প্রধান মন্ত্রী শ্রী নরেন্দ্র মোদীগী লমজিং মখাদা অমৃত কালগী মাইকৈদা চঙশিল্লি
Posted On:
14 JUN 2023 12:14PM by PIB Imphal
লেবর অমসুং ইমপ্লোইমেন্ত অমসুং ইনভাইরোনমেন্ত, ফোরেস্ত অমসুং ক্লাইমেত চেঞ্জগী য়ুনিয়ন মিনিস্তর শ্রী ভুপেন্দ্র যাদবনা জুন ১৩,২০২৩দা জেনেভাদা ১১১শুবা ইন্তরনেসনেল লেবর কনফরেন্সতা প্লেনারি সেসন্দা ৱা ঙাংখ্রে। মহাক্না হায়খি লৈবাক অসিগী শিন্মীশিংদা খুন্নাইগী ঙাক্লৌ অমসুং লৈবাকমচা তাবা থবক ফংহন্নবা থাজবা পীবগা লোয়ন্না প্রধান মন্ত্রী শ্রী নরেন্দ্র মোদীগী লমজিং মখাদা ভারত অমৃত কালগী মাইকৈদা চঙশিল্লি।
শ্রী যাদবনা হায়খি লৈবাক অসিনা জি-০গী প্রসিদেন্ত ওইদুনা, লৈবাকশিংগী মরক্তা স্কিল ৱাৎপগী খুদোংচাদবা লৈরিবশিং অসি য়েংশিন্নবা খুৎলায়শিং পুথোক্নবা তকশিন্নবা ভারতনা পান্দম থম্লি অমসুং লৈবাক অমনা লৈবাক অমগী স্কিলশিং অমসুং মহৈগী থাকশিং শক খঙনবা মাইকৈদা চঙশিন্নবা ভারতনা তকশিল্লি।
য়ুনিয়ন মিনিস্তরনা হায়খি হাজিরা শুবা শিন্মীশিং অমসুং মশানা মশাবু থবক পীজরিবা মীওইশিং য়াওনা শিন্মী খুদিংক্তা খুন্নাইগী ঙাক্লৌ অমা পীনবা তুংকোইনা চৎনবা য়াগদবা শেন-থুমগী থবকশিংগী লম্বীশিং পুথোক্নবা মালেমগী লৈবাকশিংগা পুন্না থবক তৌমিন্ননবা ভারতনা পান্দম থম্লি।
মালেমগী শিন্মীগী মীফমগী নাকলদা শ্রী যাদবনা আই.এল.ওগী দি.জি জিলবার্দকা উনখি। গ্লোবেল স্কিক গেপ, গিগ অমসুং প্লেফোর্ম ইকোনোমি, খু্ন্নাইগী ঙাক্লৌ অমসুং ভারতনা জি-২০গী প্রসিদেন্ত ওইরিঙৈদা তুংকোইনা চৎনবা য়াগদবা শেন-থুম থাদবগী মওংশিংগী মতাংদা খন্নখি।
জেনেভাদা শ্রী যাদবনা অরিয়ানা পার্কতা লৈবা মহাত্মা গান্ধীগী মীতমদা লৈ কত্তুনা মহাক্কী মফমদা ইকায়খুম্নবা উৎখি।
***
(Release ID: 1932242)
Visitor Counter : 102