কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
ফুদ অমসুং পব্লিক দিস্ত্রিব্যুসন সেক্রেতরীনা গেহু মমল হন্থরকপদা কঞ্জ্যুমরশিংদা কান্নবা ফংহন্নবগীদমক স্তেত ওফিসিএলশিংগা উনখ্রে
হোলসেল/ত্রেদর, রিতেলর, বিগ চেন রিতেলর অমদি প্রোসেসরশিংনা হৌজিক্তি ত্রান্সপেরেন্সী অমদি হেন্না ফবা মওংদা য়েংশিনবগী থৌওং পুরক্নবগীদমক স্তোক লিমিৎ ওর্দরগী মখাদা মখোয়দা লৈরিবা গেহুগী স্তোক ফোঙদোক্লগনি
মরী লৈনবা স্তেকহোল্দর পুম্নমক্না পোর্তেলদা চাং নাইনা মখোয়গী গেহুগী স্তোক্কী ফঈভম লাউথোক্কদবনি অমদি অপদেৎ তৌগদবনি
Posted On:
13 JUN 2023 4:29PM by PIB Imphal
গেহুগী মমল চাং অমদা থম্নবা অমদি কৈথেলদা লায়না ফংহন্নবগী খোঙথাং অমা ওইনা, ফুদ অমসুং পব্লিক দিস্ত্রিব্যুসন সেক্রেতরী, শ্রী সঞ্জীব চোপ্রানা ঙসি ভি.সি.গী খুত্থাঙদা স্তেতশিংগী ফুদ সেক্রেতরীশিংগী উনখ্রে। মীফম অদুদা, ১২.০৬.২০২৩দা থোকখিবা হ্বীৎ স্তোক লিমিৎ ওর্দর অমদি মসি ঙাক্ন চৎপগী মতাঙদা মচা খায়না খন্ন-নৈনখি। মীফম অদু হোলসেল্লর/ত্রেদর, রিতেলর, বিগ চেন রিতেলর অমদি প্রোসেসরশিংদা চৎনগদবা গেহুগী স্তোক লিমিৎকী পথাপ কেন্দ্র লৈঙাক্ন চৎনহনখিবা নুমিৎকী নোংমা চোন্থরগা পাঙথোকপনি। গেহু অমদি চেঙবু ওপন মার্কেৎ সেল স্কীম (দোমেস্তিক) – ও.এম.এস.এস. (দি)গী মখাদা ওফলোদ তৌনবা ফিরেপসু লৌরে। থৌরাংশিং অদু মমল হন্থহন্নবা অমদি পোৎ পৈশিনবা অমদি মমল হেনগৎলক্কনি খন্দুনা পৈশিনবা থিংনবা পান্দমদা পায়খৎপনি।
গেহু ফংহনবদা মওং চুমদবা থৌওং থিংননবা মদি ত্রান্সপেরেন্সী পুরক্নবগীদমক হোলসেল্লর/ত্রেদর, রিতেলর, বিগ চেন রিতেলর অমদি প্রোসেসরশিংদা লৈরিবা গেহুগী স্তোক ফোঙদোকপশিং লৌশিন্নবা স্তেতশিংদা কেন্দ্রনা হায়খ্রে। দিপার্তমেন্ত ওফ ফুদ এন্দ পব্লিক দিস্ত্রিব্যুসনগী পোর্তেল () দা দেতা মেনশিনবদা লায়নবগীদমক স্তোক থাগৎপগা মরী লৈনবা য়ুজর মেনুএল অমসু স্তেত লৈঙাকশিংদা ফংহনখ্রে। করিগুম্বা মখোয়দা লৈরিবা স্তোক অদু পীরিবা লিমিত্তগী হেল্লবদি, হায়রিবা স্তোক অদু নোতিফিকেসন অসি থোকখিবা নুমিত্তগী নুমিৎ ৩০ গী মনুংদা পীরিবা স্তোক লিমিৎকী মনুংদা থমগদবনি।
মরী লৈনবা এন্তিতী পুম্নমক্না স্তোক লিমিৎকী মখা পোন্না হায়রিবা পোর্তেল অসিদা ইরায় নুমিৎ খুদিংগী মখোয়দা লৈরিবা গেংহুগী স্তোক্কী ফীভম লাউথোক্কদবনি অমদি অপদেৎ তৌহন্নবা লোয়ননা ১২.০৬.২০২৩দা থোকখিবা কেন্দ্রগী য়াথং অসিগী মতুং ইন্না স্তোক লিমিৎ মপুং ফানা ইন্দুনা চৎহন্নবগী পাউতাকশিং খুদক্তা থোক্ননবা ৱাফম স্তেত/য়ু.তি.শিংদা থমখ্রে। স্তোক ফোঙদোক্নবগীদমক হায়রিবা এন্তিতীশিং অসিদা মথক্তা পীরিবা পোর্তেল অসিদা চঙবা য়াহনগনি অমদি স্তেত লৈঙাক্কী ওথোরিতীশিংদসু পোর্তেল অসিদা থাগৎলক্লিবা স্তোকশিং য়েংশিন্নবগী চঙবা য়াগনি।
মীফম অদুদা, কেন্দ্রনা ও.এম.এস.এস. (দি)গী মখাদা গেহু (অহানবা তাঙ্কক্তা গেহু এল.এম.তি. ১৫) অমদি চেঙ ওফলোদ তৌনবা লৈঙাক্না লৌরিবা ফিরেপ অমদি মসিনা মরম ওইরগা গেহু অমদি চেঙ লোয়ননা মখোয়দগী পুথোকপা পোত্থোকশিংগী মমল ৱাংখৎলিবা অসি কুমথহল্লক্কনি হায়না পারিবা অসিগী মতাঙদা পাউদমখি। খোঙথাংশিং অসি কঞ্জ্যুমরশিংদা গেহু অমদি চেঙনচিংবা চীঞ্জাকশিং অতাবা মমলদা ফংহন্নবগীদমক লৌখৎপনি।
*****
(Release ID: 1932193)
Visitor Counter : 107