প্রধানমন্ত্রীগী লোইশঙ
জি-২০ দিবলপমেন্ত মিনিস্তরশিংগী মীফম মনুংদা ফোঙদোকখিবা প্রধান মন্ত্রীগী ভিদিও মেসেজগী ৱারোল
Posted On:
12 JUN 2023 10:03AM by PIB Imphal
শক্নাইরবশিং, ইবুংঙো অমসুং ইবেম্মাশিং,
গনতন্ত্রগী মমাগী খ্বাইদগী লিরবা সহরদা অদোম অমমমতা ওইনা ঐনা তরাম্না ওকচরি। মসি জি-২০ দিবলপমেন্ত মিনিস্তরশিংগী মীফমগী খ্বাইদগী মতিক চারবা মফম অমনি। চহিচা কয়াদগী কাসি অসি লৌশিং, খন্ন-নৈনবা, মরৈ য়েৎনবা, কলচর অমসুং স্পিরিচুএলিতিগী মফম ওইদুনা লাক্লি। সহর অসি লৈবাক অসিগী মফম কয়াগী মীওইশিং পুনফম অমা ওইরি। কাসিদা জি-২০ দিবলপমেন্ত এজেন্দা য়ৌরকপা অসিদা ঐ অপেনবা পোকই।
শক্নাইরবশিং,
চাউখৎপা হায়বসি গ্লোবেল সাউথকী মরুওইবা ৱাফম্নি। মালেমগী কোবিদ লাইচৎনা মরম ওইদুনা গ্লোবেল সাউথতা অকায়বা কয়া থোকহল্লে। মালেমগী রাজনিতিগী চরাংনবা কয়ানা মরম ওইদুনা চীঞ্জাক, থাউ অমসুং হার ফংদবগী অৱাবা কয়া মায়োক্নরে। ফিবম অসিদা, মীওইবা খুন্নাইগীদমক অদোম্না লৌরিবা ৱারেপশিং অসি শিংথানিঙাইনি। স্তেনেবল দিবলপমেন্ত গোলশিং তুংলোমদা লৈহৌহন্দবা হায়বসি মীয়ামগী অপুনবা থৌদাংনি। মসিগী পান্দম অসি ফংনবা দরকার ওইবা এক্সন প্লানগীদমক গ্লোবেল সাউথনা মালেমদা অকনবা পাউজেল অমা পীগদবনি।
শক্নাইরবশিং,
ঐখোয়গী থবকশিং অপুনবা, খুদিংমক কোনশিনবা, অচুম্বা, তুংকোইনা চৎনবা য়াগদবা ওইগদবনি অমসুং এস.দি.জিশিং ফংনবা শেন থাদবা হেনগৎহন্নবা হোৎনগদবনি অমসুং লৈবাক কয়ানা শেন তোনবগী খুদোংথিবা মায়োক্নরিবা অসি কোক্নবা পাম্বৈশিং থিগদবনি। লায়রবা লৈবাকশিংদা শেন থাদবা ঙম্নবা মালেমগী লৈবাকশিংগী শেন-থুমগী ইন্সতিতুৎশিং অমুক হন্না শেমদোক্কদবনি। ঐখোয়গী ভারত্তা, চাউখৎপা য়ৌদ্রিবা এস্পিরেসনেল দিস্ত্রিক ১০০ হেনবগী মীয়ামগী পুন্সি মহিং ফগৎহন্নবা ঐখোয়না থবকশিং পায়খৎলে। হায়রিবা এস্পিরেসনেল দিস্ত্রিকশিং অসি হৌজিক লৈবাক অসিদা চাউখৎনবা কেতালিস্ত ওইরে অমসুং মসিগী চাউখৎপগী নমুনা অসি জি-২০ দিবলপমেন্ত মিনিস্তরশিংদা ঐনা তকশিল্লি। অদোম্না এজেন্দা ২০৩০দা থবক তৌরিবা মরম্না মসি অদোমগী থবক্তা মরী লৈনগনি।
শক্নাইরবশিং,
অদোমগী মাঙদা তারিবা মরুওইবা ৱাফম অমদি তেদা ফংদবগী খেন্নবা হেনগৎলপা অসিনি। ৱাহন্থোক লৈবা থৌশিল শেম্বা, লন-থুম য়েন্থোক্নবা অমসুং মপুংফানা সরকারগী থবকশিং মীয়ামদা ফংহনবদা মগুন লৈবা দেতা অসি য়াম্না মরুওই। মীওই খুদিংমক্তা তেক্নোলোজিগী কান্নবা ফংহনবা হায়বসি দেতা ফংদবগী খেন্নবা লৈরিবা অসি মেনশিন্নবা মরুওইবা খুৎলায় অমনি। ভারত্তা, দিজিতেলাইজেসন্না অওনবা অমা পুরক্তুনা মীয়াম শক্তি পীনবা, দেতা লাইনা ফংনবা অমসুং পুম্নমক কোশিন্নবা খুৎলায় অমা ওইনা তেক্নোলোজি শীজিন্নরে। মরুপ ওইরিবা লৈবাকশিংদা ভারতকী হৈজবশিং পীনবা ভারতকী অনিংবা লৈরি অমসুং মসিনা চাউখৎলক্লিবা লৈবাকশিংদা চাউখৎনবা দেতা শীজিন্নবা হেনগৎহনবদা অচৌবা অহোংবা অমা পুরকপা উবা ফংগনি হায়না ঐনা থাজবা থম্লি।
শক্নাইরবশিং,
ভারত্তা, ঐখোয়না তুরেলশিং, উ পাম্বীশিং, চীঙজাওশিং অমসুং মহৌশাগী পোৎলম খুদিংমক ইকায়খুম্নবা উৎলি। গ্রহ অসি য়োকখৎপা পুন্সি মহিং অমা মমাংঙৈদগী হৌনা ভারতনা চৎনদুনা লাক্লি। হৌখিবা চহিদা ঐনা য়ু.এন সেক্রেতরি-জেনেরেলগা লোয়ন্না মিসন লাইফ হৌদোকখ্রে অমসুং মসিগী কাংলুপ অসি অৱাংবা থাক্কী ফিবমশিং শেম্নবা থবক তৌরিবা অসিদা ঐ হরাওই। মসিনা ক্লাইমেত এক্সন্দা শিংথাবা য়ানা মতেং পাংগনি।
শক্নাইরবশিং,
এ.দি.জিশিং ফংনবা নুপা-নুপী থোং মান্নবা অমসুং নুপীশিংদা শক্তি পীবগী মরুওই। ভারতনা নুপীশিংদা শক্তি পীবা খক নত্তনা নুপীনা মাঙজিল থাদুনা চাউখৎপগী থবক পায়খৎলি। নুপীশিংনা চাউখৎ-থৌরাংগী পান্দমশিং শেম্লি অমসুং চাউখৎপা অমসুং অহোংবা পুরক্নবগী এজেন্তশিংসু ওইরি। নুপীশিংনা মাঙজিল থাদুনা চাউখৎনবা অহোংবা পুরক্কদবা এক্সন প্লান অমা থবক ওইনা মীয়াম্না পায়খৎনবা ঐনা তকশিল্লি।
শক্নাইরবশিং,
মুৎপা নাইদ্রবা ভারতকী চৎনবীশিংনা কাসিগী থৌনা হাপ্লি। শক্নাইরবশিংনা মীফমশিং পাংথোকফমশিংদা মখোয়গী মতম পুম্নমক লৈরোইদবনি অমসুং কাসিগী ফজবা য়েংগদবনি। অদোমগী অনিংবশিং থুংনবা গঙ্গা আর্তি শরুক য়ানবা অমসুং সর্নাথ য়েংনবা ঐনা থাজবা থম্লি। এজেন্দা ২০৩০ ফংনবা অমসুং গ্লোবেল সাউথকী অনিংবশিং থুংনবা মাইপাক্না খন্ন-নৈনবশিং পাংথোক্নবা ঐনা য়াইফ-পাউজেল পীজরি। অদোমবু থাগৎচরি।
***
(Release ID: 1931653)
Visitor Counter : 145
Read this release in:
Gujarati
,
English
,
Urdu
,
Marathi
,
Hindi
,
Nepali
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam