প্রধান মন্ত্রী, শ্রী নরেন্দ্র মোদীনা নই দিল্লীগী প্রগতি মাইদানগী ইন্তর্নেস্নেল একজিবিশন অমসুং কনভেন্সন সেন্তরদা খ্বাইদগী অহানবা নেস্নেল ত্রেনিং কনক্লেব হৌদোকখ্রে।

প্রধান মন্ত্রীনা থমখিবা ৱারোল অদুদা মহাক্কী য়াম্লবা পোলিতিকেল অমসুং এদমিনিস্ত্রেতিব এক্সপরিয়েন্স অদুদগী অতেনবা নুংঙাইরবা থৌদোকশিং অমসুং ৱারি কয়া অমনা পিক থন্না বাওরি। মহাক্না ৱা ঙাংবা মতমদা অসিগুম্বা খুদমশিং অসি পীদুনা, মহাক্না সরকারগী থবক্কী সর্বিস ওরিয়েন্তেশন, মীচম প্রজা অনিংবা-অপাম্বশিংবু নিংবা থুংহনবা হায়বসি ইশাগীনি হায়না খনবা, হৈরার্কী থুগাইবগী তঙাইফদবা অমসুং ওর্গনাইজেশন অসিদা লেরিবা মীপুম খুদিংমক্কী এক্সপরিবেন্স অদুবু শিজিন্নবা, জন ভাগিদারিগী মরু ওইবা, সীস্তেম অসিবু ফগৎহন্নবা অমসুং ইন্নোভেত তৌনিংবগী ঈথিলগী মতাংদা মরু ওইবা থমদুনা ঙাংখি। ত্রেনিং ওদভুলশিং অসি সরকারগী ওফিসিয়েলশিংদা ফাওহন্নবা অসিগুম্বা এসপেক্তশিং অসিবু মাইওন চুমগদবনি অমসুং দেবেলপ তৌগদবনি হায়না মহাক্না মখা তারকখি।  

মহাক্না মমাংদা সি.এম. ওইরিঙৈ অমসুং পি.এম. ওইরবা মতুংদা মহাক্কী এক্সপরিয়েন্সশিং অদুগী মতাংদা খন্নরদুনা, প্রধান মন্ত্রীনা পল্লকখি মদুদি সরকার অসিনা কৈদৌনুংদা হৈথোই-শিংথোইরবা, পুকচেল শেংবা অমসুং থবক্তা কত্থোক্লবা ওফিসিয়েলশিংগী অৱাৎপা লৈখিদে। মহাক্না হায়খি মদুদি আর্মীগী ইনস্তিত্যুশন্না মীয়ামগী মফমদা অমকপা লৈত্রবা শক্তম অমগী থাজবা পীরিবা অদুগুম্না সরকারগী কর্মচারিশিংনা সরকারগী সীস্তেমদা মীয়ামগী থজববু মখাতানা হেনগৎহনবা হায়বসি মখোয়গী মথৌদাংনি।

প্রধান মন্ত্রীনা হায়খি মদুদি ত্রেনিং অসিনা মপুং ফাবা সরকার অমগী ৱাখল্লোন পোকহনগদবনি, অদুগা ওফিসিয়েলশিং অদুগী পোতেন্সিয়েল হেনগৎহন্নবা হোৎনবা য়াবা পুম্নমক হোৎনগদবনি হায়নসু হায়রকখি। মহাক্না ত্রেনিং ইনস্তিত্যুশনশিংদা পোস্তিং থাববু শাজাই পীবগী পোস্তিং অমা ওইনা উরম্বা হান্নগী অরিবা এপ্রোচ অদুগী মতাংদশু পনখি। মহাক্না হায়খি মদুদি ত্রেনিং ইনস্তিত্যুতশিং অসি দিকেদ কয়া অমা সরকারগী থবক তৌরিবা কর্মচারিশিংবু শেমগৎলিবা খ্বাইদগী মরুওইবা মফমশিংগী মনুংদা অমনি হায়না হায়খি।

প্রধান মন্ত্রীনা ভর্তিকেল সাইলোশিংগী অমসুং হৈরার্কীগী য়োৎলহিং থাংবা অদুগী মতাংদশু খন্নখি, মহাক্না হায়রিবশিং অসিবু নমথদুনা হৈরার্কী য়েংদনা, এক্সপরিয়েন্স লৈবশিং অদুবু ওইনা থিনবা হায়খি।

প্রধান মন্ত্রীনা ত্রেনিংনা সরকারগী কর্মচারি খুদিংমক্তা জন ভাগিদারিগী মরু ওইবশিং অসি ফাওহনগদবনি হায়না হায়খি। মহাক্না মীয়ামদা মসিগী মতাংদা খঙহল্লদুনা, মহাক্না স্বচছ ভারত মিসন, এস্পিরেস্নেল দিস্ত্রিক্তশিংগী প্রোগ্রাম, অমৃত সরোৱর অমসুং মালেম অসিদা দিজিতেল পেমেমন্তকী লমদা ভারতনা মপুং ওইনা শরুক য়াবা ঙম্লিবা অসি জন ভাগিদারিনা মরম ওইরগনি হায়না হায়খি।

প্রধান মন্ত্রীনা হায়খি মদুদি ত্রেনিং আয়বসি থাক খুদিংমক্কীনি অমসুং মীপুম খুদিংমক্কীনি অমসুং মসিগী মতাংদা, আই.জি.ও.তি. কর্ময়োগি প্লেতফোর্মনা লেং মান্নবা প্লেয়িং ফীল্দ অমা পুরক্লে, মরমদি মসিনা মিপুম খুদিংমক্কী ত্রেনিং তৌবগী খুদোংচাবা পীরি। মহাক্না হায়খি মদুদি আই.জি.ও.তি. কর্ময়োগি রেজিস্ত্রেশন তৌবা বুজরশিংগী মশিং লাখ ১০ হেনকিবা অসিনা তাক্লিবসি শীস্তেম অসিদা লৈরিবা মীশিংনা খঙশিনবা-তমশিনবা পাম্লি হায়বনি। মহাক্না মখা তারকখি মদুদি কর্ময়োগি মিসন অসিগগী পান্দমদি সরকারগী কর্মচারিশিংগী ওরিয়েন্তেশন, মাইন্দসেত অমসুং এপ্রোচ অদুবু ফগৎহনবনি, মসিনা মখোয়বু অপেনবা ফাওহনগনি অমসুং হরাওহনগনি, অমসুং ফগৎলকপা অসিনা মরম ওইরগা, গোবর্নেন্স সীস্তেমবু য়াম্না ওরিং চুম্না ফগৎহল্লগনি

মহাক্না কনক্লেব অসিদা শরুক য়ারিবা পার্তিসিপেন্ত পুম্নমক্তা নোংমা চুপ্না পাংথোকপা খন্ন-নৈনবগী থৌরম অসিগীদমক্তা য়াইফ-পাউজেল পীখি অমসুং লৈবাক অসিদা ত্রেনিং ইনফ্রাস্ত্রকচর ফগৎহনবদা মতেং পাংগদবা থবক ওইনা পাংথোকপা য়াবা ইনপুৎশিং পুথোরক্নবা পাউতাক কয়া পীখি। মহাক্না কনক্লেব অসিবু তাঙ্কক নাইনা শিনবা য়ানবা ইনস্তিতভস্নেল মেকানিজম অমা পুথোরক্নবশু হায়খি।

*****