প্রধান মন্ত্রী, শ্রী নরেন্দ্র মোদীগী লুচিং মখাদা, ভারত সরকারনা লৈবাক শিনবা থুংনা প্রাইমরী এগ্রিকলচরেল ক্রেদিৎ সোসাইতীজ (পি.এ.সি.এস.) ২০০০দা প্রধান মন্ত্রী ভার্তিয়া জন ঔশধি কেন্দ্রশিং আংদোক্নবগী অয়াবা পীনবা ৱারেপ লৌখ্রে। ৱারেপ অসি ঙসি নই দিল্লীদা কেন্দ্রগী হোম অমসুং কোওপরেশন মন্ত্রী, অমিত শাহগা কেমিকেলস অমসুং ফর্তিলাইজর্সকী মন্ত্রী, শ্রী মন্সুখ এস. মান্দৱিয়াগা ফমখিবা মীফম অমদা লৌখিবনি। প্রধান মন্ত্রী ভার্তিয়া জন ঔশাধি কেন্দ্রশিং হাংদোক্নবা লৈবাক শিনবা থুংনা পি.এ.সি.এস. ২০০০ মশক খঙদোক্লগনি, হন্দক্কী চহি অসিগী ওগস্ত ফাওবদা জন ঔশধি কেন্দ্র ১০০০ অমা হাংদোক্লগনি অমসুং ১০০০ অমনা হন্দক্কী চই অসিগী দিসেম্বর ফাওবদা হাংদোক্লগনি। মসিগী য়াম্না মরু ওইবা ৱারেপ অসিনা পি.এ.সি.এস.শিংগী ইনকম এনগৎহনবা অমসুং থবক ফংনবগী কুদোংচাবশিং লৈহনবদা নত্তনা মীয়ামদা, মরু ওইনা কুঙ্গংগী লমশিংদা লৈরিবা মীশিংদা অহোংবা মমলদা ইদাক-লাংথকশিংশু ফংহল্লগনি। কোওপরেশন মন্ত্রালয়গী সেক্রেতরী, দিপার্তমেন্ত ওফ কেমিকেলস অমসুং ফর্তিলাইজর্সকী সেক্রেতরী অমসুংকোওপরেশন মন্ত্রালয় অমসুং দিপার্তমেন্ত ওফ কেমিকেলস অমসুং ফর্তিলাইজর্সকী অতোপ্পা সেনিয়র ওফিসরশিংশু মীফম অদুদা শরুক য়াখি।

হৌজিক ফাওবদা প্রধান মন্ত্রী ভার্তিয়া জন ঔশধি কেন্দ্র ৯৪০০ হেন্না লৈবাক শিনবা থুংনা হাংদোকখ্রে। মসিগী জন ঔসধি কেন্দ্রশিং অসিদা হিদাক মখল ১৮০০ অমসুং অতোপ্পা মেদিকেল দিভাইস ২৮৫ ফংলি। প্রধান মন্ত্রী ভার্তিয়া জন ঔশধি কেন্দ্রশিং অসিদা ফংলিবা হিদাক-লাংথকশিং অসি ব্রান্দেদকী হিদাক-লাংথকশিংগা মমল চাংদম্নবদা ৫০%দগীনা ৯০% হন্থৈ। প্রধান মন্ত্রী জন ঔশধি কেন্দ্র হাংদোক্নবগীদমক্তা ইন্দিভিজুৱল ‌এপ্লিকেন্তশিং অদুগী এলিজিবিলিতী ক্রাইতরিয়া অসি দি. ফার্মা/বি. ফার্মা ওইগদবনি। ওর্গনাইজেশন, এন.জি.ও., চেরিতেবল ওর্গনাইজেশন অমসুং ওসপিতাল অমহেক্তনা বি. ফার্মা/ দ. ফার্মা দিগ্রী ওল্দরশিং এপোইন্ত তৌদুনা মসিগীদমক্তা এপ্লাই তৌবা য়াগনি।

প্রধান মন্ত্রী ভার্তিয়া জন ঔশধি কেন্দ্র আংদোক্নবগীদমক্তা ইশাগী নত্রগা ভরাদা ৱাইবা স্ব্যার ফীত ১২০গী মফম অমা লৈগদবনি।  জন ঔশধি কেন্দ্রগী এপ্লিকেশন ফী অসি লুপা লিশিং ৫০০০নি। নুপী এন্ত্রপ্রেনরশিং, দিৱ্যাং, সেদ্যুল কাস্তশিং, সেদ্যুল ত্রাইবশিং অমসুং এক্স-সর্বিসমেন্না স্পেসিবেল কেতেগোরীগী মনুং চল্লি। এস্পিরেস্নেল দিস্ত্রিক্তশিং, হিমালবান মাউন্তেন রিজন, নোর্থ ইস্তকী রাজ্যশিং অমসুং আইলেন্দশিংনা স্পেসিবেল এরিয়াসিংগী মনুং চল্লি। স্পেসিবেল কেতেগোরি অমসুং স্পেসিয়েল এরিয়াশিংদগী এপ্লিকেন্তশিংগীদমক্তা এপ্লিকেশন ফী অসি পীরোই।

প্রধান মন্ত্রী ভার্তিয়া জন ঔশধি কেন্দ্রগী ইন্সেন্তিব অসি লুপা লাখ ৫নি (থা অমগী লৈখিবা অদুগী ১৫% নত্রগা খ্বাইদগী বাম্লবদা থা খুদিংগী লুপা ১৫,০০০)। স্পেসিবেল কেতেগোরিশিং অমসুং এরিবাশিংগীদমক্তা আই.তি. অমসুং ইনফ্রাদা চংখিবা শেল অদুগীদমক্তা অমুক্তংগী ওইবা লাখ ২গী অহেনবা ইন্সেন্তিবশু পীরি।

***