ঙাকশেল মন্ত্রালয়

জুন ৫ অমসুং জুন ৬, ২০২৩দা নিউ দিল্লিদা রক্ষা মন্ত্রী শ্রী রাজনাথ সিংহনা য়ু.এস অমসুং জর্মনিগী মহাক্কা ফম মান্নবা লুচিংবশিংগা নাকল অনিগী ৱারি শানগনি


লৈবাক অনিগা ঙাক-শেনগী মতেং পাংনবা হেনগৎহন্নবা মীৎয়েং চঙগনি

Posted On: 03 JUN 2023 10:02AM by PIB Imphal

রক্ষা মন্ত্রী শ্রী রাজনাথ সিংহনা নিউ দিল্লিদা য়ু.এসকী দিফেন্স সেক্রেতরি লোইদ অস্তিন অমসুং জর্মনিগী দিফেন্স মিনিস্তর বোরিস পিস্তোরিয়সকা ৱারি শানরগনি। জুন ৫,২০২৩দা রক্ষা মন্ত্রী শ্রী রাজনাথ সিংহনা য়ু.এস দিফেন্স সেক্রেতরিগা ৱারি শানগনি অমসুং জুন ৬,২০২৩দা জর্মনিগী দিফেন্স মিনিস্তরগা ৱারি শানগনি। মীফম অনি অসিদা ঙাক-শেনগী লম অমসুং উদোগকী লমদা মতেং পাংনবা হেনগৎহন্নবা ৱাফমশিং খন্নগনি হায়রি।

নুমিৎ নিনিগী খোঙচত্তা শিঙ্গাপুরদগী জুন ৪দা য়ু.এস দিফেন্স সেক্রেতরি থুংলগনি। মসি সেক্রেতরি অস্তিনগী অনিশুবা ভারত খোঙচৎনি, মমাংদা মার্চ ২০২১দা মহাক ভারত্তা লাক্লম্লে।

জর্মনিগী দিফেন্স মিনিস্তরগী নুমিৎ ৪গী ভারত খোঙচৎ জুন ৫দগী হৌরগনি। মহাক ইন্দোনেসিয়াদগী থুংলগনি। মহাক্না রক্ষা মন্ত্রী শ্রী রাজনাথ সিংহনা উনবগী মথক্তা, নিউ দিল্লিদা ইন্নোবেসন ফোর দিফেন্স এক্সলেন্স(আইদেক্স)না শীনবা থৌরম অমদা বোরিস পিস্তোরিয়সনা দিফেন্সকী স্তার্দ-অপস খরগা উনগনি। জুন ৭দা মহাক মুম্বাইদা চৎকনি অমসুং ৱেস্তর্ন নেভেল কমান্দগী হেদক্বাতরস অমসুং মাজাগাউন দোগ সিববিল্দরস লিমিতেদতা মহাক চৎকনি।

***



(Release ID: 1929852) Visitor Counter : 72