য়ুমলৈ-কৈরৈ মন্ত্রালয়
প্রধান মন্ত্রী, শ্রী নরেন্দ্র মোদীনা লুচিংবা ভারত সরকারনা ০৩.০৫.২০২৩ অমসুং মসিগী মতুং তারকপদা মনিপুর রাজ্যদা থোকখিবা হিংশাগী থৌদোকশিং অদুবু থিজিন্নবা কমিসন্স ওফ ইনক্বাইরী এক্ত, ১৯৫২গী মখাদা কমিসন ওফ ইনক্বাইরী অমা ফম্নবা খঙহনখ্রে
গাউহাতি হাই কোর্তকী হান্নগী চীফ জস্তিস, জস্তিস অজয় লাম্বানা কমিসন অসিগী ময়াই তাংবল লৌরগনি, শ্রী হিমান্সু শেখর দাস, আই.এ.এস. (রিতায়র তৌরবা) অমসুং শ্রী আলোকা প্রভাকর, আই.পি.এস. (রিতায়র)না মেম্বরশিং ওইরগনি
Posted On:
04 JUN 2023 6:11PM by PIB Imphal
প্রধান মন্ত্রী, শ্রী নরেন্দ্র মোদীনা লুচিংবা ভারত সরকারনা ০৩.০৫.২০২৩ অমসুং মসিগী মতুং তারকপদা মনিপুর রাজ্যদা থোকখিবা হিংশাগী থৌদোকশিং অদুবু থিজিন্নবা কমিসন্স ওফ ইনক্বাইরী এক্ত, ১৯৫২গী মখাদা গাউহাতি হাই কোর্তকী হান্নগী চীফ জস্তিস, জস্তিস অজয় লাম্বানা ময়াই তাংবল লৌরগনি, লোইননা শ্রী হিমান্সু শেখর দাস, আই.এ.এস. (রিতায়র তৌরবা) অমসুং শ্রী আলোকা প্রভাকর, আই.পি.এস. (রিতায়র)না মেম্বরশিং ওইবা কমিসন ওফ ইনক্বাইরী অমা ফম্নবা খঙহনখ্রে।
কমিসন অসিনা মনিপুরদা থোকখিবা হিংশা অদুগী মরম অমসুং শন্দোকখিবা অদুগা মরি লৈননা অমসুং মরি লৈনবা ওথোরিতীশিং অমসুং মীওইশিংগী মাইকৈদগী চেকশিলহৌদদুনা শোইখিবা নত্রগা লানখিবা লৈব্রা হায়বগী মতাংদা ইনক্বাইরী অমা চত্থরগনি।
কেন্দ্রগী য়ুমলৈ-কৈরৈ অমসুং কোওপরেশনগী মন্ত্রী, শ্রী অমিত শাহনা ২০২৩গী মে ২৯দগীনা জুন ১ ফাওবা মনিপুর রাজ্য অসিদা চৎখি অমসুং লৈরিবা ফিভম অদুগী মতাংদা য়েংশিল্লবা মতুংদা কমিসন ওফ ইনক্বাইরী শেম্নবা লাউথোকখি।
কমিসন অসিনা অথুবা মতমদা কেন্দ্র সরকারদা মখোয়গী রিপোর্ত পীখৎলগনি অদুবু মসি ক্বাইদগী ইহান হান্না ফম্বা হৌবা নুমিৎ অদুদগী থা তরুক ফাওবগী মনুংদা পীখৎকদবনি। কমিসন অসিগী হেদক্বার্তরস অদু ইম্ফালদা ওইগনি।
***
(Release ID: 1929836)
Visitor Counter : 76
Read this release in:
Telugu
,
Assamese
,
English
,
Urdu
,
Marathi
,
Hindi
,
Bengali
,
Gujarati
,
Odia
,
Tamil
,
Kannada