মন্ত্রীমন্দল
নিউ দিল্লিদা য়ুনিভর্সেল পোস্তেল য়ুনিয়ন ( য়ু পি য়ু)গী রিজনেল ওফিস অমা লিংখৎপা মন্ত্রীমন্দলনা অয়াবা পীরে, ভারত য়ু.পি.য়ুগা য়ানচে অমা লৈরে
Posted On:
31 MAY 2023 3:37PM by PIB Imphal
নিউ দিল্লিদা য়ুনিভর্সেল পোস্তেল য়ুনিয়ন ( য়ু পি য়ু)গী রিজনেল ওফিস অমা লিংখৎপা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে, ভারতনা য়ু.পি.য়ুগা য়ানচে অমা লৈন্দুনা ভারতনা লমদম অসিদা য়ু.পি.য়ু চাউখৎনবা মতেং পাংনবা অমসুং তেক্নিকেলগী মতেং পীনবা য়ারগনি।
সাউথ-সাউথ অমসুং ত্রাইএঙ্গুলার কোওপরেসন্দা অহেনবা মীৎয়েং থমদুনা মসিগী অয়াবা পীখিবা অসিনা পোস্তেল সেক্তরদা মালেমগী ওইবা ওর্গনাইজেসনশিংদা ভারতনা মরুওইবা থৌদাং অমা লৌবা ঙম্লগনি। লিংখৎকদৌরিবা য়ু.পি.য়ু রিজনেল ওফিস অসিদা ভারতনা ফিল্দ প্রোজেক এক্সপার্ত, স্তাফ অমসুং ওফিস পীগনি। কেপাসিতি বিল্দিং অমসুং ত্রেনিং, থবক ফজনা পাংথোকপা হেনগৎহন্নবা অমসুং মগুন লৈবা পোস্তেল সর্বিস লৈহনব, পোস্তেল তেক্নোলোজি হেনগৎহনবা, ই-কম্মর্স অমসুং ললোন-ইতিক চাউখৎনবা প্রোজেক শেম-শাগনি অমসুং য়ু.পি.য়ুগী মতেংগা লোয়ন্না মসিগী ওফিস অসিনা লমদম অসিদা থবক ওইনা পাংথোক্কনি।
থৌরাং অসিনা ভারতকী দিপ্লোমেতকী থবকশিং পাক-থোক চাউথোকহনগনি অমসুং এসিয়া-পেসিফিক লমদমগী লৈবাকশিংগী লৈনবা মরী মপাঙ্গল কনখৎহনগনি অমসুং মালেমগী পোস্তেল ফোরমশিংদা ভারতকী থৌদাং হেনগৎহনগনি।
******
(Release ID: 1928620)
Visitor Counter : 77
Read this release in:
Assamese
,
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam