নন-তয়ার ১ সহরশিং অমসুং ভারতকী খুঙ্গংশিংদা লৈরিবা নুপী মহৈরোয়শিং/অখঙ-অহৈশিং/খুন্নাইগী থবক তৌরিবশিং/ওজাশিংগী থা অনিগী (০৩/০৭/২০২৩-৩১/০৮/২০২৩) ইনতর্নশিপ প্রোগ্রাম অমগী ৱুমেন অমসুং চাইল্দ দিবলপমেন্ত মিনিস্ত্রিনা এপ্লিকেসনশিং কৌরি। ইনতর্নশিপ প্রোগ্রাম অসি শরুক য়ানিংবা কেন্দিদেতশিং অদু য়ুনিভর্সিতি অমা/একাদেমিক/নন-একাদেমিক অমগা পুন্না থবক তৌমিন্নবা ওইগদবনি।

অতেনবা মতম খরা পুন্না থবক তৌমিন্নদুনা মিনিস্ত্রিগী থৌশিলশিং অমসুং থবকশিং নুপী মহৈরোয়শিং/অখঙ-অহৈশিং/খুন্নাইগী থবক তৌরিবশিং/ওজাশিং ( ইনতর্নশিং)দা খঙহনবা হায়বসি থৌরম অসিগী পান্দম্নি। মিনিস্ত্রিনা পায়খৎলিবা থবকশিংদা মীৎয়েং থমদুনা ইনতর্নশিংনা পাইলোত প্রোজেকশিং/মাইক্রো স্তদিশিং পায়খৎপা য়াগনি। নুপীশিং অমসুং অঙাংশিংগা মরী লৈনবা তোঙান-তোঙানবা ৱাফমশিং মখোয়না পুখৎলক্নবা অমসুং অকক্নবা থৌরমশিং অমসুং থৌশিলশিং ইনতর্নশিংদা খঙহনবা হায়বসি প্রোগ্রাম অসিগী মরুওইবা পান্দম্নি।

চহি ২১-৪০ ফাওবগী মনুংদা লৈবা কেন্দিদেতশিংনা গুগল ফোর্মগী খুৎথাংদা মখোয়গী এপ্লিকেসনশিং থাজিল্লকপা য়াগনি।

(https://docs.google.com/forms/d/1UWK5W_07pRxL8yekBy6DbjAg2-25Vd_WJwfnc4nReTU/viewform?edit_requested=true).

ফোর্ম লৌশিনবা ২০/০৫/২০২৩, পুং ০০:০০দগী হৌরে অমসুং এপ্লিকেসনশিং লৌশিনবগী অরোইবা মতম ২৯/০৫/২০২৩গী পুং ২৩:৫৯ নি। থবক অসিগীদমক শেমখিবা সেলেক্সন কম্মিতিনা রিকমেন্দ তৌরকপশিংদা য়ুম্ফম ওইরগা ইনতর্নশিং খনগনি। মিনিস্ত্রিগী ৱেবসাইদকী ‘What’s New’ গী মখাদা রিকমেন্দ তৌরবা কেন্দিদেতশিংগী মমিং ফংগনি। ইনতর্নশিপ প্রোগ্রামগী অমুক্ত খনখ্রবা কেন্দিদেতশিং অমুক হন্না এপ্লাই তৌবা য়ারোই।

খল্লবা ইনতর্নশিং থা অমদা লুপা ২০,০০০ গী স্তাইপেন্দ পীগনি অমসুং মিনিস্ত্রিনা পাংথোকপা ত্রেনিং প্রোগ্রাম শরুক য়ানবা চৎথোক-চৎশিনগী (দিলক্স/এ.সি বস/৩ তয়ার এ.সি ত্রেন) শেনফম পুথোক্কনি। দিল্লিদা মখোয়গী প্রোগ্রাম মনুংদা ইনতর্নশিংগী হোস্তেলগী খুদোংচাবশিং পীগনি। হোস্তেলগী খুদোংচাবা অদু কা অমদা মী অহুম লৈগনি অমসুং বাতরুম, তেবল, চৌক্রি লৈগনি অদুগা মোনপাক য়াওরোই।

হোস্তেলগী খুদোংচাবা অদু থৌরম হৌগদবা নুমিৎ নিনি ৱাৎলিঙৈদগী ফংগনি অমসুং থৌরম লোইরবা মতুং নুমিৎ নিনি ফাওবা চোন্থবা য়াগনি। ইনতর্নশিপ প্রোগ্রাম মাই পাক্না লোইরবা মতুংদা ইনতর্নশিংদা সর্তিফিকেদশিং পীগনি।

ইনতর্নশিপ প্রোগ্রামগী অকুপ্পা মরোলশিং মিনিস্ত্রিগী ৱেবসাইত্তা ফংগনি : https://wcd.nic.in/schemes/internship-scheme

মখা তাবা অকুপ্পা মরোলশিংগীদমক কেন্দিদেত অমনা ওফিস মতমগী অয়ুক পুং ১০দগী নুংথিল পুং ৫ ফাওবা ই-মেল আই.দি ( <mwcd-research[at]gov[dot]in)দা পাউ ফাউনবা য়াগনি।

ফোর্মগা লোয়ন্না অকুপ্পা মরোলশিং ৱুমেন অমসুং চাইল্দ দিবলপমেন্ত মিনিস্ত্রিগী ৱেবসাইত্তা উবা ফংগনি।

(https://wcd.nic.in/sites/default/files/Internship%20Advertisment%20July-Aug.pdf)

****