য়ুথ এফিয়ার্স অমসুং স্পোর্তসকী কেন্দ্র মন্ত্রী শ্রী অনুরাগ সিংহ থাকুরনা মে ৫দা লখনৌগী গোমতি নগরদা লৈবা ইন্দিরা গান্ধী প্রতিস্থানদা খেলো ইন্দিয়া য়ুনিবর্সিতী গেম্স ২০২২ (কে.আই.য়ু.জি. ২০২১)গী লোগো, মাস্কোত, জর্সী অমসুং এন্থেম হৌদোক্লগনি।

খেলো ইন্দিয়া য়ুনিবর্সিতী গেম্সকী ৩শুবা এদিসন অসি মে ২৩দগী জুন ৩ ফাওবা পাংথোক্লগনি; হৌদোকপগী থৌরমনা লখনৌগী বাবু বনারসি দাস য়ুনিবর্সিতীদা মে ২৫দা মতম লেপ্লে। 

উত্তর প্রদেশকী মুখ্য মন্ত্রী শ্রী য়োগি অদিত্যনাথ, য়ুথ এফিয়ার্স অমসুং স্পোর্তসকী রাজ্য মন্ত্রী শ্রী নিসিথ প্রামনিক, উত্তর প্রদেশকী স্পোর্তস মিনিস্তর শ্রী গিরিশ চন্দ্র য়াদবনা অতোপ্পা শক্নাইরবশিংগা লোয়ননা হৌদোকপগী থৌরমদা শরুক য়াগনি।

কে.আই.য়ু.জি.গী পাংথোক্কদৌরিবা এদিসন অসিদা লৈবাক্কী তোঙান তোঙানবা মফমশিংদা লৈরিবা য়ুনিবর্সিতী ২০০ হেনবদগী এথেলেত ৪৭০০ হেনবনা শরুক য়াদুনা অপুনবা শরুক য়াবা ৭০০০ হেল্লবা য়াই। এদিসন অসিদা পাংথোক্কদবা স্পোর্তস দিসিপ্লিনগী মশিং অসি ২১ ওইদুনা য়ুনিবর্সিতী গেম্সকী পুৱারীদা হৌজিক ফাওবগী খ্বাইদগী ৱাংবসু ওইরি। অহানবা ওইনা রোৱিংসু মনুং চলহল্লে।

গেম্স অসি রাজ্যগী কোনুং লখনৌগী মথক্তা বরানাসি, নোইদা অমসুং গোরখপুরদা পাংথোক্কনি। শুতিং কম্পিতিসন্না নই দিল্লীগী দা. কার্নি সিংহ শুতিং রেঞ্জদা পাংথোক্কনি। অহানবা ওইনা রোৱিংগুম্বা ৱাতর স্পোর্তসসু খেলো ইন্দিয়া য়ুনিবর্সিতী গেম্সকী শরুক অমা ওইরগনি। ইন্দিজেনস স্পোর্তস দিসিপ্লিন অনি হায়বদি মালাখম্ব অমসুং য়োগাসন অসি কর্নাতকাদা পাংথোকখিবা খেলো ইন্দিয়া য়ুনিবর্সিতী গেম্সকী হৌখিবা এদিসনগী শরুক ওইখি অমদি এদিসন অসিগীসু শরুক ওইগনি। গেম্স অসি দি.দি. স্পোর্তস অমসুং ও.তি.তি. প্লেতফোর্মশিংদসু লাইব তেলেকাস্ত তৌগনি।

***