യുവജനകാര്യ, കായിക മന്ത്രാലയം
ഖേലോ ഇന്ത്യ യൂണിവേഴ്സിറ്റി ഗെയിംസ് 2022-ന്റെ ലോഗോ, ചിഹ്നം, ജേഴ്സി, ഗാനം എന്നിവ നാളെ പുറത്തിറക്കും
Posted On:
04 MAY 2023 3:27PM by PIB Thiruvananthpuram
ന്യൂ ഡൽഹി: മെയ് 4, 2023
കേന്ദ്ര യുവജനകാര്യ-കായിക മന്ത്രി ശ്രീ അനുരാഗ് സിംഗ് ഠാക്കൂറും ഉത്തർപ്രദേശ് മുഖ്യമന്ത്രി ശ്രീ യോഗി ആദിത്യനാഥും ചേർന്ന് ഖേലോ ഇന്ത്യ യൂണിവേഴ്സിറ്റി ഗെയിംസ് 2022 ന്റെ ലോഗോ, ജേഴ്സി, ചിഹ്നം, ഗാനം എന്നിവ മെയ് 5 ന് ലഖ്‌നൗവിൽ പ്രകാശനം ചെയ്യും. യുവജനകാര്യ, കായിക സഹമന്ത്രി ശ്രീ നിസിത് പ്രമാണിക്കും മറ്റ് വിശിഷ്ട വ്യക്തികളും ചടങ്ങിൽ പങ്കെടുക്കും.
ഖേലോ ഇന്ത്യ യൂണിവേഴ്സിറ്റി ഗെയിംസിന്റെ മൂന്നാം പതിപ്പ് മെയ് 23 മുതൽ ജൂൺ 3 വരെ നടക്കും. മെയ് 25ന് ലഖ്‌നൗവിലെ ബാബു ബനാറസി ദാസ് സർവകലാശാലയിലാണ് ഉദ്ഘാടന ചടങ്ങ്.
KIUG-യുടെ വരാനിരിക്കുന്ന പതിപ്പിൽ രാജ്യത്തുടനീളമുള്ള 200+ സർവകലാശാലകളിൽ നിന്നായി 4700-ലധികം അത്‌ലറ്റുകൾ പങ്കെടുക്കുമെന്ന് പ്രതീക്ഷിക്കുന്നു - മൊത്തം പങ്കാളിത്തം 7000-ലധികം ആയിരിക്കും.
ഈ പതിപ്പിൽ ഉൾപ്പെടുത്തിയിട്ടുള്ള കായിക ഇനങ്ങളുടെ എണ്ണം 21 ആണ് - ഇത് യൂണിവേഴ്സിറ്റി ഗെയിംസിന്റെ ചരിത്രത്തിൽ ഏറ്റവും ഉയർന്ന സംഖ്യയാണ്. തുഴച്ചിൽ മത്സരവും ഈ പ്രാവശ്യം ആദ്യമായി സംഘടിപ്പിക്കുന്നുണ്ട് .
സംസ്ഥാന തലസ്ഥാനമായ ലഖ്‌നൗവിന് പുറമെ വാരാണസി, നോയിഡ, ഗോരഖ്പൂർ എന്നിവിടങ്ങളിലാണ് ഗെയിംസ് നടക്കുന്നത്. ന്യൂ ഡൽഹിയിലെ ഡോ. കർണി സിംഗ് ഷൂട്ടിംഗ് റേഞ്ചിലാണ് ഷൂട്ടിംഗ് മത്സരം സംഘടിപ്പിക്കുന്നത്. ഡിഡി സ്‌പോർട്‌സ്, ഒടിടി പ്ലാറ്റ്‌ഫോമുകളിലും ഗെയിംസ് തത്സമയം സംപ്രേക്ഷണം ചെയ്യും.
(Release ID: 1921936)
Visitor Counter : 186