প্রধানমন্ত্রীগী লোইশঙ
প্রধান মন্ত্রীবু অনৌবা পার্লিয়ামেন্ত হাউসতা সেঙ্গোল খিন্দ্রিঙৈগী মাংওইননা আধীনমশিংনা থৌজানবীবা
“তামিল নাদুনা ভারতকী নেস্নেলিজমগী বেস্ত্যন ওইদুনা লাক্লি ”
“আধীনম অমসুং রাজা জীগী লমজিং-লমতাক মখাদা ঐখোয়গী লিরবা তামিল কলচরদগী থৌজাল ফংলবা লম্বি অমা ঐখোয়না ফংলে- সেঙ্গোলগী কুত্থাংদা শক্তি থাংথবগী লম্বি”
“১৯৪৭দা থিরুবাদুথুরাই আধীনমনা অখন্নবা সেঙ্গোল শেমখি। ঙসিদি য়ুগ অদুগী পিকচরশিং অদুনা তামিল কলচর অমসুং ভারতকী লাইবকপু মোদর্ন দেমোক্রেসী অমা ওইনা লৈরিবা নুংগী ওইবা অচেৎপা মরি অদুগী মতাংদা নিংশিংহল্লি”
“আধীনমগী সেঙ্গোল অসিনা ভারতপু চহি চা কয়া মীনাই ওইরম্বগী খুদম-চাংদম পুম্নমক্তগী নিংখা তমহনবগী অহৌবনি ”
“সেঙ্গোলনা নিংখা তম্লবা ভারতপু মীনাই ওইদ্রঙৈগী মমাংদা লৈরম্বা লৈবাক্কী মতম অদুগা পুনশিনহনখি”
“সেঙ্গোলনা দেমোক্রেসীগী লাইশঙদা মশাগী মতিকচাবা মফম অদু ফংলরে”
Posted On:
27 MAY 2023 10:07PM by PIB Imphal
হয়েং অনৌবা পার্লিয়ামেন্ত হাউসতা সেঙ্গোল খিন্দ্রিঙৈগী মাংওইননা আধীনমশিংনা ঙসি প্রধান মন্ত্রী, শ্রী নরেন্দ্র মোদীবু থৌজাল পীবীখ্রে।
আধীনমশিংদা ৱা ঙাংলদুনা, প্রধান মন্ত্রীনা হায়খি মদুদি প্রধান মন্ত্রীগী লৈফমবু মখোয় ময়াম্না লাকপীদুনা থৌজাল পীনবীবা হায়বসি য়াম্না লাইবক ফবনি। প্রধান মন্ত্রীনা হায়খি মদুদি ভগবান শীবগী শেবোকশিংগা মতম অমুক্তদা ৱারি-ৱাতাই শান্নবা ফংবা হায়বসি ভগবান শীবগী থৌজালননি। মহাক্না হয়েংগী অনৌবা পার্লিয়ামেন্ত হাউস শঙ্গাবদা আধীনমশিংনা শরুক য়ারগনি অমসুং মখোয়গী থৌজাল পীনবীরগনি হায়বসিদা মহাক্না য়াম্না নুংঙাইবা ফোংদোরকখি।
প্রধান মন্ত্রীনা নিংতম লানদা তামিল নাদুনা লৌখিবা থৌদাং অদু পনখি। মহাক্না হায়খি মদুদি তামিল নাদু অসি ভারতকী নেস্নেলিজমগী বেস্ত্যনা ওইদুনা লাকখি। তামিল মীশিংনা মতম চুপ্পদা মা ভারথিগী সেবা অমসুং য়াইফ-থৌরাংগী ৱাখল্লোন লৈখি। তানিংখা তম্লবা মতুংদা তামিলনা লৌখিবা থৌদাংশিং অদুবু নিংথিনা মশক খঙবীদবা অসি লাইবক থিবনি হায়না শ্রী মোদীনা নুংঙাইতবা ফোংদোকখি।হৌজিক্তি মসিগী ৱাফম অসিবু য়াম্না মরু ওইনা লৌই হায়না মহাক্না হায়খি।
প্রধান মন্ত্রী পল্লকখি মদুদি নিংখা তম্বা মতমদা শক্তি খুৎশিন্নবা খুদমগা মরি লৈননা ৱাহং কয়া থোরকখি অমসুং মসিগী মরি লৈননা তোঙান-তোঙানবা চৎনবীশিং লৈ। “মতম অদুদা আধীনম অমসুং রাজা জীগী লমজিং লমতাক মখাদা ঐখোয়না ঐখোয়গী শেংলবা অরিবা তামিল কলচরদগী থৌজাল ফংলবা লম্বি অমা ফংখি – সেঙ্গোলগী খুত্থাংদা শক্তি খুৎশিন্নবগী লম্বি”, হায়না মহাক্না হায়খি। সেঙ্গোল অসিনা মসি পাইরিবা মীশক অদুগী মথক্তা লৈবাক অসিগী য়াইফ-থৌরাংগী চাউরবা থৌদাং লৈ হায়বসি নিংশিংহল্লি অমসুং মহাক্না মথৌদাংদগী কৈদৌনুংদা হিক্তোক্লোই। ১৯৪৭গী মতম অদুদা থিরুবাদুথুরাই আধীনমনা অখন্নবা সেঙ্গোল অমা শেমখি। “ঙসিদি মতম অদুগী পিকচরশিং অদুনা তামিল কলচর অমসুং মোদর্ন দেমোক্রেসী অমা ওইনা ভারতকী লাইবক্কা লৈনরিবা নুংগী ওইবা অচেৎপা মরি অদুগী তাংদা নিংশিংহল্লি। ঙসিদি মসিগী অচেপা মরিগী ৱারি অসি পুৱারিগী লমাইদগী থোরক্লি”, হায়না প্রধান মন্ত্রীনা হায়খি। মসিনা ঐখোয়দা মতম অদুদা থৌকখিবা থৌদোকশিং অদুগী শক্তম অমা উৎলি। ঐখোয়না মসিগী শেংলবা সেঙ্গোল অসিবু করম্না লৌরম্বগে হায়বদুগী মতাংদশু খঙহল্লে হায়না মহাক্না মখা তারকখি।
প্রধান মন্ত্রীনা মরু ওইনা রাজা জী অমসুং আধীনমশিংগী তুংগী উবা ঙম্বা অদুবু কোক নোন্দুনা ইকাইখুম্নখি অমসুং চহি চা কয়া মীনাই ওইরম্বগী খুদমশিং অদুদগী নিংখা তমহনখিবা সেঙ্গোল অদুগী মতাংদা পনখি। প্রধান মন্ত্রীনা পনখি মদুদি সেঙ্গোল অসিনা মীনাই ওইদ্রঙৈগী মমাংদা লৈরম্বা লৈবাক্কী মতম অদুগা নিংখা তম্বা লৈবাক অমা ওইরবা লৈবাক অসিগী মতমগা অমত্তা ওইনা পুনশিন্নহল্লি অমসুংলৈবাক অসিনা ১৯৪৭দা নিংখা তম্বা মতমদা শক্তি খুৎশিন্নখিবা অদুবু মশক তাক্লি। সেঙ্গোলগী য়াম্না মরু ওইবা অমনা, সেঙ্গোল অসিনা ভারতকী হৌখ্রবা ফিদম্নিংঙাই ওইরবা মতমশিং অমসুং চৎনবীশিংবু নিংখা তম্লবা ভারতকী তুংদা লাক্কদবা মতমশিং অদুগা শম্নহল্লি। প্রধান মন্ত্রীনা শেংলবা সেঙ্গোল অসিবু মতিক চানা ইকাইখুম্নবীদবা অমসুং প্রয়াগরাজতা লৈরিবা আনন্দ ভৱনদা চৈশু অমগুম্না ময়ামদা উত্থোক্না থমখিবা অদুগীদমক্তা য়াম্না নুংঙাইতবা ফোংদোকখি। হৌজিক পাইরিবা সরকার আসিননি সেঙ্গোল অসিবু আনন্দ ভাৱনদগী পুথোরক্লিবসিমসিগা লোইননা অনৌবা পার্লিয়ামেন্ত হাউসতা সেঙ্গোল খিনবা মতমদা ভারতকী নিংতম্বগী অহানবা মিৎকুপ অদুবু অমুক হন্না হিংগৎহন্নবগী খুদোংচাবা ফংলে হায়না প্রধান মন্ত্রীনা হায়খি।“সেঙ্গোলনা দেমোক্রেসীগী লাইশঙদা মতিক চাবা মফম ফংলরে” হায়না প্রধান মন্ত্রীনা হায়খি।ভারতকী ফজরবা চৎনবীগী খুদম ওইরিবা সেঙ্গোল অসিবু অনৌবা পার্লিয়ামেন্ত খিল্লগনি হায়না মহাক্না নুংঙাইবা ফোংদোকখি। মহাক্না পনখি মদুদি সেঙ্গোল অসিনা ঐখোয়বু মতম পুম্বদা কর্তব্য পাথতা চৎনবা অমসুং মীয়ামগীদমক্তা থবক তৌনবা নিংশিনহল্লগনি।
প্রধান মন্ত্রীনা হায়খি মদুদি আধীনমগী ফজরবা পুক্নিং থৌগৎনিংঙাই ওইবা চৎনবী অসি য়াম্না শেংবা হিংবা পুন্সি মহিং অমগী খুদম্নি। মখোয়গী শাইভিতে চৎনবী অদুবু পল্লদুনা প্রধান মন্ত্রীনা মখোয়গী ফিলোসোফীদা এক ভারত শ্রেস্থ ভারতকী ৱাখল্লোন অদুবু প্রধান মন্ত্রীনা থাগৎখি। আধীনমশিংগী মমিংশিংগী মমিংশিংনশু মসিগী ৱাখল্লোনশিং অসিবু ফোংদোকই, মরমদি অঅসিগী শেংলবা মমিংশিং অসিদা খরা অমনা কৈলাশপু পল্লি হায়না মহাক্না হায়খি। য়াম্না মমিং লৈরবা শাইভিতে সন্ত তিরুমুলার অসি শিব ভক্তি শন্দোক্নবা কৈলাশতগী লাকপনি হায়না হায়নৈ। অসুম্না, প্রধান মন্ত্রীনা উজেন, কেদর্নাথ অমসুং গৌরিকুন্দবু য়াম্না নুল্লুকপগা লোইননা পল্লম্বা তামিল নাদুদগী অফাওবা সন্তশিং অদুবু নিংশিংখি।
বারানসিদগী পার্লিয়ামেন্তকী মেম্বর অমা ওইনা, প্রধান মন্ত্রীনা তমিল নাদুদগী কাশিদা চৎখিবা অমসুং বনারসকী কেদর ঘাত্তা কেদরেশ্বর তেম্পল লিংখৎখিবা ধর্মপুরান আধিনমগী স্বামী কুমারাগুরুপারাগী মতাংদা পনখি। মহাক্না মখাতানা পনখি মদুদি তামিল নাদুগী থিরুপ্পানন্দলদা লৈবা কাশি মথ অসিশু কাশি মমিং লৌরগা থোনখিবনি। ইঅসিগী মথ অসিগী মরমদা য়াম্না নুংঙাইরবা ৱাফমশিং অদুবু পল্লদুনা প্রধান মন্ত্রীনা খঙহনখি মদুদি থিরুপ্পানন্দলগী কাশি মথনা লাই খুরুম্বা লাক্লিবশিংদা বেঙ্কিং সর্বিস পীরম্মি, মসিদা কনাগুম্বা অমনা তামিল নাদুগী কাশি মথতা শেল থম্বা য়াই অমসুং কাশিদা সার্তিফিকেত উত্তুনা শেল লৌথোকপা য়াই। “অসুম্না শাইব সিদধান্ত চৎপশিং শিববু নিংবগী লাইনিং অসিবু শন্দোকপদা নত্তনা ঐখোয় পুম্নমকপু হেন্না নকশিন্নহন্নবগী মাইকৈদশুং থবক তৌখি”, হায়না প্রধান মন্ত্রীনা হায়খি।
প্রধান মন্ত্রীনা মীনাই নাইথাং ওইরম্বগী চহি চামাগী মতুংদফাওবা তামিল কলচরবু হান্নগুম্না হিংহন্দুনা থম্বদা আধীনমগুম্বা য়াম্না ফজরবা চৎনবী অসিগী থৌদাং অদুবু য়াম্না মরু ওই হায়না পনখি। মহাক্না মসিবু নিংথিনা ঙাকশেন্দুনা থম্লকপা নমহৎপীরবা অমসুং শোত্থরবা খুনাইগী মীশিংবুশু মসিদা শরুক য়ারি হায়না হায়খি। “নখোয়গী ইনস্তিত্যুশনশিংনা লৈবাক অসিগীদমক্তা লৌখিবা থৌদাংশিংগী মতাংদা য়াম্না ফিদম্নিংঙাই ওইরবা পুৱারি লৈ। হৌজিক অসি মসিগী চৎনবীশিং অসিবু মাং লোমদা পুখৎনবগী মতমনি অমসুং লাক্কদবা মীরোলশিংগীদমক্তা থবক তৌনবা পুক্নিং থৌগৎপা মতমনি”, হায়না প্রধান মন্ত্রীনা হায়খি।
মথংগী চহি ২৫গীদমক্তা থমখিবা পান্দমশিং অদুবু পল্লদুনা প্রধান মন্ত্রীনা হায়খি মদুদি, ঐখোয়গী পান্দম অসি ঐখোয়না চহি ১০০ শুবা মতমদা য়াম্না লিংবা, মরোমদোম লেপচবা ঙম্বা, ইনক্লুসিব ওইবা অমসুং চাউখৎলবা ভারত অমা শেমগৎপনি। প্রধান মন্ত্রীনা মরু ওইনা পনখি মদুদি লৈবাক অসিনা ২০৪৭গী পান্দমগা লোইননআ মাং লোমদা কাখৎলকপা মতম অসিদা আধীনমশিংগী য়াম্না মরু ওইবা থৌদাংলৈ। ইরৈচা মিলিয়ন কয়া অমনা ১৯৪৭দা আধীনমশিংনা লৌখিবা থৌদাংশিং অদু অমুক হন্না খঙহল্লরে। “নখোয়গী ওর্গনাইজেশনশিংনা মতম চুপ্পা সর্বিসকী ভেল্যুশিং অদুবু ঙাক্না চৎখি।নখোয়না মী অমনা অমবু মরি শম্নহন্নবগী য়াম্না ফজরবা খুদম অমা পীদুনা মখোয়গী মরক্রতা ইক্বালিতীগী ৱাখল্লোন অমা পোকহল্লে”, হায়না মহাক্না মখা তাখি।
ৱা ঙাংবা অদুবু লোইশিল্লদুনা প্রধান মন্ত্রীনা পনখি মদুদি ভারতকী পাঙ্গল অসি অমত্তা ওইবগী শক্তম অদুগী মখা পোল্লি। মহাক্না লৈবাক অসিগী চাউখৎ-থৌরাংদা অপনবা পীবা অমসুং শিংনবা কয়া লৈহনবশিংদা চেকশিন্নবা হায়খি। “ভারতকী চাউখৎ-থৌরাংদা অকাইবা পীবশিংনা ঐখোয়গী অপুনবগী শক্তমবু থুগাইনবা হোৎনগনি। অদুবু লৈবাক অসিনা নখোয়গী ইনস্তিত্যুশনশিং অদুদগী ফংলকপা স্পিরিচুৱেলিতী অমসুং সোসিয়েল স্ত্রেন্থকা লোইননা শিংনবা খুদিংমক মায়োক্নগনি হায়না ঐহাক্না থাজৈ”, হায়রদুনা মহাক্না ৱারোইশিন তাখি।
*****
(Release ID: 1927977)
Visitor Counter : 101
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam