জল শক্তি মিনিস্ত্রিগী ৱাতর রিছোর্সেস, রিভর দিবলপমেন্ত অমসুং গঙ্গা রিজুবিনেসন দিপার্তমেন্তনা শীন্দুনা জুন ১৭,২০২৩দা নিউ দিল্লিগী বিজ্ঞান ভাবন্দা ৪শুবা নেসনেল ৱাতর এৱার্দশিং য়েন্থোকপগী থৌরম অমা পাংথোক্কনি। থৌরম অদুদা উপ-রাস্ত্রপতি শ্রী জগদিব ধনখারনা চীফ গেস্ত ওইনা শরুক য়াগনি। ৪শুবা নেসনেল ৱাতর এৱার্দশিং পীনবা পুন্না মনা ফংমিন্নবশিং য়াওনা মাইপাক্লবা ৪১ খল্লে। মনা পীনবা খল্লবা কাংলপ ১১গী মনুংদা ‘খ্বাইদগী ফবা রাজ্য’, ‘খ্বাইদগী ফবা জিলা’,  ‘খ্বাইদগী ফবা খুঙ্গংগী পঞ্চায়ত, ‘খ্বাইদগী ফবা সহরগী লোকেল বোদি’, ‘খ্বাইদগী ফবা স্কুল’, ‘খ্বাইদগী ফবা মেদিয়া’, ‘কম্পেস ফজনা শীজিন্নবগী খ্বাইদগী ফবা ইন্সতিতুৎ’, ‘ ঈশিং ফজনা শীজিন্নবা কাংলুপ’, ‘সি.এস.আর থবকশিংদা খ্বাইদগী ফবা উদোগ’ অমসুং ‘খ্বাইদগী ফবা এন.জি.ও’ য়াওরি। তোঙান-তোঙানবা কাংলপশিংদা মনা  ফংলবশিংদা সাইতেসন অমা, ত্রোফি অমসুং শেন পীগনি। অহানবা, অনিশুবা অমসুং অহুমসুবা তারবশিংদা লুপা লাখ ২, লুপা লাখ ১.৫ অমসুং লুপা লাখ ১ পীগনি।

মনা য়েন্থোকপগী থৌরমগী শেম-শারিবশিং হন্না য়েংশিন্নবগী মতাংদা পাংথোকপা মীফম অমা লুচিংখিবা ৱাতর রিছোর্সেস, রিভর দিবলপমেন্ত অমসুং গঙ্গা রিজুবিনেসন দিপার্তমেন্তগী সেক্রেতরি শ্রী পঙ্কজ কুমারনা হায়খি  মনা য়েন্থোকপগী থৌরম অসিনা মনা ফংলবশিং, শরুক য়াবশিং অমসুং তোঙান-তোঙানবা লুপশিং ঈশিং ফংফমশিং ঙাক-শেনবা অমসুং য়েংশিনবগী থবকশিং মখা তানা পুন্না থবক তৌমিন্নবা অমসুং মীয়াম পুক্নিং থৌগৎপা ঙমহনগনি। ঈশিংগী মরুওইবগী মতাংদা মীয়াম পাক-শন্না ৱাখল তাহনবদা হায়রিবা মনাশিং অসিনা মতেং পাংগনি অমসুং ঈশিং শীজিন্নবগী খ্বাইদগী ফবা থবকশিং পাংথোকপা অমসুং পুক্নিং থৌগৎনবা মীয়াম মতেং পাংগনি।

মনা য়েন্থোকপা থৌরম অদুদা মনা ফংলবশিং অমসুং শক্নাইরবশিং/তোঙান-তোঙানবা মিনিস্ত্রিশিং/দিপার্তমেন্তশিং/লুপশিং/রাজ্য সরকারশিংগী ওফিসারশিং য়াওনা চাউরাক্না মীওই ১৫০০ রোম শরুক য়ারবা য়াই। মিনিস্ত্রিগী সেনিয়র ওফিসারশিংনা লুচিংবা কম্মিতিশিংনা মনা য়েন্থোকপা থৌরমশিংগী শেম-শারিবশিং য়েংশিল্লি। মনাশিংগী অকুপ্পা মরোলশিংগীদমক মসিদা নম্বীয়ু: https://pib.gov.in/PressReleasePage.aspx?PRID=1848661

মহৌশাগী লন অমা ওইরিবা ঈশিং ফংহনবা, য়োকশিনবা অমসুং য়েংশিনবগী থবকশিংগী থৌশিলশিং শেম্বা অমসুং থবক পায়খৎপগী থৌদাং জল শক্তি মিনিস্ত্রিনা লৌরি। হায়রিবা থবকশিং অসিদা রাজ্যশিং, জিলাশিং, স্কুলশিং, এন.জি.ওশিং, গ্রাম পঞ্চায়তশিং, অর্বান লোকেল বোদিশিং, ঈশিং শীজিন্নবা এসোসিএসনশিং, ইন্সতিতুসনশিং অমসুং কোর্পোরেতশিং থৱায় য়াওনা শরুক য়ারি। ‘জল সামরিধি ভারত’ অমগী পান্দম ফংনবা লৈবাক শীনবা থুংনা রাজ্যশিং, জিলাশিং, লনাই মীওইশিং, লুপশিংনা পায়খৎলিবা থবকশিং ইকায়খুম্নবা উৎনবা অমসুং তমজনফম ওইরিবা থবকশিং পুক্নিং থৌগৎনবা নেসনেল ৱাতর এৱার্দ লিংখৎখিবনি।

অহানবা নেসনেল ৱাতর এৱার্দশিং ২০১৮দা ৱাতর রিছোর্সেস, রিভর দিবলপমেন্ত অমসুং গঙ্গা রিজুবিনেসন দিপার্তমেন্তনা হৌদোকখি অমসুং নিউ দিল্লিদা ফেব্রুৱারি ২৫,২০১৯দা কাংলুপ ১৪দা মনা ফংলবা ৮২দা মনাশিং য়েন্থোকখি। তুংদা, ২০১৯দা অনিশুবা নেসনেল ৱাতর এৱার্দশিং লাউথোকখি অমসুং নবেম্বর ১১-২২,২০২০দা ভারতকী উপ-রাস্ত্রপতিনা কাংলুপ ১৬তা মাইপাক্লবা ৯৮তা মনাশিং য়েন্থোকখি। অহুমশুবা নেসনেল ৱাতর এৱার্দশিং য়েন্থোকপগী থৌরম মার্চ ২৯,২০২২দা পাংথোকখি অমসুং কাংলুপ ১১দা মনা ৫৭ ভারতকী রাস্ত্রপতিনা য়েন্থোকখি। মরিশুবা নেসনেল ৱাতর এৱার্দশিং জুন ১৭,২০২৩দা নিউ দিল্লিগী বিজ্ঞান ভাবন্দা য়েন্থোক্কনি।

*****