প্রধান মন্ত্রী, শ্রী নরেন্দ্র মোদীগী ‘সহকার সে সমৃদ্ধি’গী মঙলান থুংহন্নবা অমসুং কেন্দ্রগী গৃহ মন্ত্রী অমসুং কোওপরেসনগী মন্ত্রী, শ্রী অমিত শাহগী খোঙথাংশিংগা লোয়ননা কোওপরেতিব সেক্তরদা অনৌবা ফার্মর প্রদ্যুসর ওর্গনাইজেসন (এফ.পি.ও.) ১১০০ শেম্নবা ৱারেপ অমা লৌখ্রে। লৌউ-শিংউ অমসুং লৌমীশিংগী য়াইফ-থৌরাং মন্ত্রালয়না মাগী ‘এফ.পি.ও. ১০,০০০গী ফোর্মেসন অমসুং প্রমোসন’গী স্কিম মখাদা নেস্নেল কোওপরেতিব দিবেলপমেন্ত কোর্পোরেসন (এন.সি.দি.সি.)দা অহেনবা এফ.পি.ও. ১১০০ এল্লোকেৎ তৌনবা পান্দম থম্মি।

এফ.পি.ও. স্কিমগী মখাদা এফ.পি.ও. অমমমদা লুপা লাখ ৩৩গী শেলগী তেংবাং পীখ্রে, মখা তানা ক্লস্তর বেজ বিজিনেস ওর্গনাইজেসনশিং (সি.বি.বি.ও.)দা এফ.পি.ও. অমদা লুপা লাখ ২৫গী শেলগী তেংবাং পীখি।

লৌমী করোর ১৩রোমগী মেম্বর বেজ অমা ওইরিবা প্রাইমারী এগ্রিকলচরেল ক্রেদিৎ সোসাইতীজ (পি.এ.সি.এস.) ওইরিবা অমসুং শোর্ত-তর্ম ক্রেদিৎ অমসুং মরু, হারনচিংবা য়েংন্থোকপগী থবক তৌই। এফ.পি.ও. স্কিমদা পি.এ.সি.এস. ইন্তিগ্রেসন তৌবনা প্রদক্সন ইনপুৎশিংগী সপ্লাইগী লমদা মখোয়গী বিজিনেস; শেংদোকপা, এসেয়িং, সোর্তিং, গ্রেদিং, পেকিং, স্তোরেজ, ত্রান্সপোর্তেসন য়াওনা কলতিবেতর, তিল্লর, হর্বেস্তরনচিংবা অমসুং প্রোসেসিংগুম্বা এগ্রিকলচরেল ইক্বিপমেন্ত পাকথোক চাউথোকহনবা ঙমহনগনি। খোই য়োকপা, চেঙ্গুম থানবনচিংবা শেন্থোক চাউনা লাকপা থবক-থৌরমশিং পি.এ.সি.এস.না পাইখৎলগনি।

থৌশিল অসিনা লৌমীশিংদা মখোয়গী মথৌ তাবা মার্কেৎ লিঙ্কেজ পীদুনা মখোয়গী পোত্থোক্কী রিম্যুনরেতিব প্রাইসশিং ফংহনগনি। মসিনা পি.এ.সি.এস.কী শেন্মীৎলোনগী থবক-থৌরমশিংদা দাইভর্সিফিকেসন তৌবা ঙমহনগনি, মসিনা অনৌবা অমসুং স্তেবল ওইবা শেন্থোক লম্বী পীবা ঙমহল্লি।

লৈবাক অসিদা কোওপরেতিব মুফমেন্ত মপাঙ্গল কনখৎহন্নবা শ্রী অমিত শাহগী লুচিং মখাদা কোর্পোরেসন মন্ত্রালয়না পাইখৎপা তোঙান-তোঙানবা থৌশিলশিংগা লোয়ননা মসিনা মপুং ওইনা কোওপরেতিব সেক্তর অমসুং মরু ওইনা পি.এ.সি.এস.বু মখোয়গী মেম্বরশিংগী রিভেন্যুশিংগী অলতর্নেতিব সোর্সশিং পীবা অমসুং মখোয়বু ভাইএবল, দাইনামিক অমসুং ফাইনান্সিএল্লী সস্তেনেবল ইকনোমিক এন্তীতিশিং ওইহনবা ঙমগনি।

****