প্রধানমন্ত্রীগী লোইশঙ
প্রধান মন্ত্রীনা ওস্ত্রেলিয়াগী সীদনীদা ভারত মচাশিংগী ফুরুপকা ৱারি-ৱাতাই শানবা
Posted On:
23 MAY 2023 6:40PM by PIB Imphal
প্রধান মন্ত্রীনা ওস্ত্রেলিয়াগী প্রধান মন্ত্রী, হিস এক্সেলেন্সী শ্রী এন্থোনী অল্বানীজগা লোইননা সীদনীগী কুদোস বেঙ্ক এরেনাদা ২০২৩গী মে ২৩দা ভারত মচাশিংগী ফুরুপকী য়াম্লবা মীতিন অমদা ৱা ঙাংখ্রে অমসুং ৱারি-ৱাতাই শানখ্রে।
মহৈরোইশিং, রিসর্চরশিং, প্রোফেস্নেলশিং অমসুং বিজনেসকী মীওইশিং কয়া অমনা পুল্লবা ইন্দিয়ন দাইপোরানা য়াম্না থৱাই য়াওনা থৌরম অদুদা শরুক য়াখি। ওস্ত্রেলিয়াগী মন্ত্রীশিং, পার্লিয়ামেন্তকী মেম্বরশিং অমসুং অতোপ্পা অঙম-অথৌশিং কয়া অমনা থৌরম অদুদা শরুক য়াখি।
প্রধান মন্ত্রী অনিমক্না পুন্না মশিং য়াম্লবা ভারত মচাশিংগী ফুরুপকী ময়ুম ওইরিবা নোংচুপ সীদনীগী পারামত্তাদা লৈবা হেরিস পার্ক্তা শাগদবা ‘লিতল ইন্দিয়া’ গেতৱৱেগী ফাউন্দেশন স্তোনগী মাইখুম হাংদোকখ্রে।
ৱা ঙাংবা মতমদা, প্রধান মন্ত্রী মোদীনা “অমনা অমবু থাজবা অমসুং অমনা অমবু ইকাইখুম্নবা” হায়বসিনা ভারত অমসুং ওস্ত্রেলিয়াগী মরক্তা পুৱারিদগী লৈরক্লবা য়াম্না নক্নবা মরি অসিগী য়ুমফম্নি হায়না পনখি অমসুং লৈবাক অনি অসিবু পুনশিল্লিবা মচাকশিং অদুবুসু য়াম্না মরু ওইনা পনখি। মহাক্না ওস্ত্রেলিয়াদা লৈরিবা ভারত মচাশিংগী ফুরুপকী থৌদাং অমসুং মাইপাকপা অদুবু থাগৎখি লোইননা মখোয়বু ভারতকী কলচরেল অমসুং ব্রান্দ এম্বেসেদরনি হায়খি।
প্রধান মন্ত্রীনা মালেমগী থাক্তা ভারতনা মাইপাকপা হেনগৎলক্লিবা অসিবু পনখি, অমসুং মালেম অসিনা ভারতকী মাইপাকপগী ৱারিশিংদা পুক্নিং চিংশিনবা হেনগৎলক্লি হায়না মহাক্না হায়খি। ভারত অমসুং ওস্ত্রেলিয়াগী মরক্তা মরি চেৎশিনবা হেনগৎলক্লিবা অসিগী মতাংদা পনখি অমসুং ভারতকী কন্সুলেত অমা ব্রিস্বেনদা হাংদোক্লগনি হায়না লাউথোকখি।
******
(Release ID: 1927107)
Visitor Counter : 87
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam