وزیراعظم کا دفتر

سڈنی، آسٹریلیا میں ہندوستانی کمیونٹی کے ساتھ وزیر اعظم کی بات چیت

Posted On: 23 MAY 2023 6:40PM by PIB Delhi

وزیر اعظم نے، آسٹریلیا کے عزت مآب وزیر اعظم جناب انتھونی البانیز کے ساتھ، 23 مئی 2023 کو سڈنی کے قودوس بینک ایرینا میں ہندوستانی کمیونٹی کے ارکان کے ایک بڑے اجتماع سے خطاب کیا اور ان سے بات چیت کی۔

طلباء، محققین، پیشہ ور افراد اور کاروباری افراد پر مشتمل ہندوستانی کمیونٹی کے لوگوں نے اس تقریب میں بڑے جوش و خروش کے ساتھ شرکت کی۔ اس تقریب میں آسٹریلیا کے متعدد وزراء، اراکین پارلیمنٹ اور دیگر معززین نے بھی شرکت کی۔

دونوں وزرائے اعظم نے مشترکہ طور پر ایک ’لٹل انڈیا‘ گیٹ وے کے لیے سنگ بنیاد کی نقاب کشائی کی جو مغربی سڈنی کے پرامٹا کے ہیرس پارک میں تعمیر کیا جائے گا، جہاں ہندوستانی کمیونٹی کے لوگ بڑی تعداد میں رہتے ہیں۔

وزیر اعظم مودی نے اپنے خطاب میں ’’باہمی اعتماد اور باہمی احترام‘‘ کو ہندوستان اور آسٹریلیا کے درمیان قریبی تاریخی تعلقات کی بنیاد کے طور پر اجاگر کیا اور دونوں ممالک کو آپس میں جوڑنے والے متعدد عناصر پر روشنی ڈالی۔ وزیر اعظم نے انہیں ہندوستان کا ثقافتی اور برانڈ ایمبیسیڈر قرار دیتے ہوئے، آسٹریلیا میں ہندوستانی کمیونٹی کے تعاون اور کامیابی کی تعریف کی۔

وزیر اعظم نے عالمی سطح پر ہندوستان کی بڑھتی ہوئی کامیابیوں کا خاکہ پیش کیا اور کہا کہ دنیا ہندوستان کی کامیابی کی کہانیوں میں تیزی سے دلچسپی لے رہی ہے۔ انہوں نے ہندوستان اور آسٹریلیا کے درمیان گہرے تعلقات کو اجاگر کیا اور اعلان کیا کہ برسبین میں ہندوستانی قونصل خانہ کھولا جائے گا۔

*****

ش ح – ق ت – ت ع

U: 5418



(Release ID: 1926757) Visitor Counter : 161


Read this release in: English , Marathi , Hindi , Assamese , Bengali , Manipuri , Punjabi , Gujarati , Odia , Tamil , Telugu , Kannada , Malayalam