খুঙ্গং চাউখৎ-থৌরাং মন্ত্রালয়গী সেক্রেতরী, শ্রী শাইলেশ কুমার সিংহনা ঙরাং মিসন অমৃত সরোবরগী থবক্কী খোঙজেল, ফীভম হন্না য়েংশিন্নবা অমসুং ক্বালিতী লৈহন্নবা অৱাংবা থাক্কী মীফম অমদা ময়াই তাংবল লৌখ্রে। রাজ্য/য়ুনিয়ন তেরিতোরী পুম্নমক্কী এদিস্নেল চীফ সেক্রেতরী, প্রিন্সিপল সেক্রেতরী, অমসুং সেক্রেতরী, মিসন অমৃত সরোবরগী স্তেৎ নোদেল ওফিসর, মিসন অসিগী দিস্ত্রিক্ত নোদেল ওফিসরশিংগা লোয়ননা জিলা ৭০০ হেনবগী দি.এম./দি.সি./সি.ই.ও.শিংনা থৌরম অসিদা শরুক য়াখি।

শাবা লোইশিনখ্রবা অমৃত সরোবর পুম্নমক্কী সস্তেনেবিলিতী লৈহন্নবা স্তেকহোল্দর খুদিমক্না ক্বালিতীগী ফাইনেল চেক অমা পাঙথোক্নবা খুঙ্গংগী চাউখৎ-থৌরাংগী সেক্রেতরী মীৎয়েং চংনবা হায়খি। মখা তারদুনা মহাক্না হায়খি ওথোরাইজ ফঙ্কস্নরীশিং অসি জিলাগী তোঙান-তোঙানবা ব্লোক্তগী ওইগদবনি। মহাত্মা গান্ধী এন.আর.ই.জি.এস. ফন্দশিং নত্ত্রগা সোসিএল ওদিৎ তৌবা য়াবা স্কিমগী খুত্থাংদা শাখিবা/নৌনা শেমগৎখিবা অসিগুম্বা শাবা লোইশিনখ্রবা অমৃত সরোবর পুম্নমক্তা সোসিএল ওদিৎ তীম দিপ্লোই তৌগনি। য়েংশিনখ্রবা মফমশিংগী সেম্পেক চেকশিং অসি রাজ্য/য়ু.তি.গী তীমশিংনা তৌগনি। মসিগী মথক্তা খনগৎলবা অমৃত সরোবর য়েংশিন্নবা নেস্নেল লেবেল মোনিতর (এন.এল.এম.) দিপ্লোই তৌগনি। ইন্সপেক্সনগী রিপোর্তিং তৌনবগীদমক এপ অমা দিবেলপ তৌখি।

জুন ১০, ২০২৩ ফাওবদা নোংজু লাক্ত্রিঙৈ মমাংদা শাবা লোইরবা অমৃত সরোবর পুম্নমক্কী ফিজিকেল ইন্সপেক্সন তৌনবগী এক্সন প্লান অমা শেম্নবা মথৌ তাবা থবক রাজ্য/য়ু.তি. পুম্নমক্না পাইখৎকদবনি অমসুং থবক অসিদা অশোই-অরান য়াওবা শেমদোক্কদবনি অমসুং লেপসেস লৈরবদি মতিক চাবা খোঙথাং লৌখৎকদবনি।

মিসন অমৃত সরোবর অসি এপ্রিল ২৪, ২০২২দা প্রধান মন্ত্রীনা জিলা খুদিংদা য়ামদ্রবদা অমৃত সরোবর ৭৫ শানবা/নৌনা শেমগৎতুনা সস্তেনেবল ৱাতর সোর্সশিং পীনবা পান্দমগা লোয়ননা হৌদোকখি। মিসনগী কাংলোনশিং ঙাক্না চৎতুনা অমৃত সরোবর ৫০,০০০ শাবগী নেস্নেল তার্গেৎ ফংবা ঙমখ্রে।

মিসন অসি কেন্দ্রগী মন্ত্রালয়/বিভাগ ৮ মমিং ওইনা পল্লবদা খুঙ্গং চাউখৎ-থৌরাং বিভাগ, লেন্দ রিসোর্সেস বিভাগ, দ্রিঙ্কিং ৱাতর এন্দ সেনিতেসন বিভাগ, ৱাতর রিসোর্সেস বিভাগ, পঞ্চায়তি রাজ মন্ত্রালয়, ফোরেস্ত, এনভাইর্নমেন্ত অমসুং ক্লাইমেৎ চেঞ্জেস মন্ত্রালয় , রেলৱে মন্ত্রালয়, রোদ, ত্রান্সপোর্ত অমসুং হায়ৱেজ মন্ত্রালয়না শরুক য়াদুনা হোল ওফ গভর্নমেন্ত এপ্রোচ অমগা লোয়ননা ইমপ্লিমেন্ত তৌরি। মিসন অসিগী তেক্নিকেল পার্তনর ওইনা ভাস্করাচার্য়া নেস্নেল ইন্সতিত্যুত ওফ স্পেস এপ্লিকেসন এন্দ জিও-ইনফোর্মেতিক্স (বি.আই.এস.এ.জি.-এন.)না মথৌ তৌরি। মহাত্মা গান্ধী এন.আর.ই.জি.এস., XV ফাইনান্স কম্মিসন গ্রান্তস, ৱাতরশেদ দিবেলপমেন্ত কম্পোনেন্তগুম্বা পি.এম.কে.এস.ৱাই. সব স্কিমশিং, রাজ্যশিংগী স্কিমশিংগী মথক্তা হর খেত কো পানি অসিগুম্বা তোঙান-তোঙানবা স্কিমশিংদা নৌনা মীৎয়েং চংদুনা রাজ্যশিং অমসুং জিলাশিংগী খুত্থাংদা মিসন অসিনা থবক তৌরি। মসিদা পনবা য়াবদি মিসন অসিগী খোঙথাংশিংদা মতেং পাংশিন্নবা প্রজাশিং অমসুং নন-গভর্নমেন্ত রিসোর্সশিং মোবিলাইজেসন তৌনবা পুক্নিং থৌগৎখি।

*****