প্রধানমন্ত্রীগী লোইশঙ
পাপুৱা নিউ গিনিদা প্রধান মন্ত্রীনা আই.তি.ই.সি স্কোলারশিংগা উনখ্রে
Posted On:
22 MAY 2023 2:14PM by PIB Imphal
ফোরম ফোর ইন্দিয়া-পেসিফিক আইলেন্দস কোওরেসন (ফিপিক)গী ৩শুবা মীফম শরুক য়ানবা পোর্ত মোরেস্বেগী খোঙচত্তা লৈরিবা প্রধান মন্ত্রী শ্রী নরেন্দ্র মোদীনা মে ২২,২০২৩দা পেসিফিক ইথৎ লৈবাকশিংদা লৈরিবা ইন্দিয়ান তেক্নিকেল এন্দ ইকোনোমিক কোওরেসন(আই তি ই সি)গী এলুম্নিশিংগা ৱারি শানখ্রে। এলুম্নি অদুদা আই.তি.ই.সিগী মখাদা ভারত্তা ত্রেনিং তৌখিবা সরকারগী সেনিয়র ওফিসিএলশিং, শীনফমশিংদা মাঙজিল থারিবা মীওইশিং অমসুং মীয়ামগী লুচিংবশিং য়াওখি। মখোয়না ভারত্তগী ফংখিবা লৌশিং শীজিন্নদুনা মখোয়গী খুন্নাইশিংগী য়াইফনবা মতেং পাংখি।
মখোয় মশাগী ওইনা মাইপাকপগীদমক প্রধান মন্ত্রী মোদীনা এলুম্নি থাগৎপা ফোঙদোকখি। লৈবাক ঙাকপা, ক্লাইমেত চেঞ্জ, দিজিতেল পব্লিক গুদস অমসুং স্তেনেবল দিবলপমেন্তগী হিরমশিংদা লৈবাকশিংগী মীওই কয়া ত্রেনিং পীদুনা মখোয়গী পান্দমশিং ফংনবা ভারতনা লৌখিবা থৌদাং প্রধান মন্ত্রীনা ফোঙদোকখি। কেপাসিতি বিল্দিংগী মতাংদা ভারতনা মতেং পাংলিবশিং মহাক্না অমুক হন্না নিংশিংখি।২০১৫দা পাংথোকখিবা ইকোন কোনবা ফিপিক মীফম মতুংদা, লৈবাক কয়াগী ওফিসিএল ১০০ হেন্না ভারতনা ত্রেনিং পীখ্রে। লৌউ-শিংউ অমসুং মরী লৈনবা হিরমশিংদা মখোয় মতেং পাংনবা হায়রিবা লৈবাকশিং অসিদা ভারতনা মতম শাংনা অখঙ-অহৈশিং থাদুনা লাক্লি।
*****
(Release ID: 1926556)
Visitor Counter : 108
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Tamil
,
Telugu
,
Kannada
,
Malayalam