শক্নাইরবশিং অমসুং নুংশিরবা মরুপশিং,

অহানবদা, থৌরম অসি পাংথোকপগীদমক অমসুং থবক অসিদা খোঙলোই অমা ওইনবা ঐখোয়দা চেবাউ পীরকপগীদমক ঐনা জপান সরকার থাগৎনিংই।

সেন্দাই ফ্রেমৱার্ক অমসুং মসিগী মমাঙগী য়োগো ফ্রেমৱার্কনা অমাং-অতা থোকপা হন্থহন্নবা খু্ন্নাই পুম্নমক শরুক য়ানবগী মরুওইবা অদু উৎথোক্লে, অনৌবা অমাং-অতা থোকপা থিংনবা অমসুং হৌজিক থেংনরিবা অমাং-অতাশিং হন্থহন্নবা মরুওইবা থৌদাং লৈঙাক্না পুরি হায়বা নাখৈ শেংলে।

জি-২০ অমসুং জি-৭ অনিমক্না হিরম অসি মরুওইনা লৌবা মরম্না মালেমগী ওইবা থৌশিল শেম্বা মতমদা দিজাস্তর রিক্স রিদক্সনগী ৱাফম অসি মরুওইনা লৌরে।

২১শুবা চহিচাদা, লৈবাকশিংনা দিজাস্তর রিক্স রিদক্সনগী অরুবা ফিবম কয়া মায়োক্নরি। অৱাবশিং কাংলুপ অনি থোক্নবা ঐ ফোঙদোচগে:

অহানবদা, অৱা-অনা তারকপা মতমদা মাঙজৌন্না চেকশিনৱা পীবগী থবকশিং মপাঙ্গল কনখৎহন্নবা লৈঙাক্কী অকক্নবা থৌদাং অসি দরকার ওই অমসুং থোং মান্নবা লম্বী অমদা দিজাস্তর রিক্স রিদক্সনগী দরকার ওইবশিং অপুনবা ওইনা ফংহন্নবা শেন-থুমগী ফিবম অমা শেমগৎপা দরকার ওইরে। অমাং-অতা থোকপা হন্থহন্নবা থবকশিং অমসুং শেম-শাবদা শেন থাদনবা ঐখোয়না মতিক চাবা থবক পায়খৎকদবনি। অসিগুম্বা অরুবা ৱাফমশিংসু ঐখোয়না খন্নগদবনি”

1. অমাং-অতা থোকপা হন্থহন্নবা কমদৌনা রিছোর্সশিং ফজনা শীজিন্নগনি? মসিগীদমক করম্বা মখলগী ইন্সতিতুৎশিংগী থবকশিং, তেক্নিকেলগী থবকশিং অমসুং হৈ-শিংবশিং ঐখোয়না শেমগৎপা মথৌ তাবগে?
2. অকনবা খুদোংথিবশিং থেংন্নবা কমদৌনা ঐখোয়না শেন-থুম থৌরাং তৌরিবগে? কমদৌনা ঐখোয়না খ্বাইদগী খুদোংথিনিঙাই ওইবশিংদা ঐখোয়গী মতেং ফংহনগদগে?
3. প্রোজেকশিং পায়খৎপা মতমদা অমাং-অতা থোকপা হন্থহন্নবা কমদৌনা ঐখোয়না থবক তৌগদগে অমসুং অচৌবা চাউখৎ-থৌরাংগী থবকশিংদা অমাং-অতা থোকপা হন্থহন্নবা কমদৌনা তোখাইবা রিছোর্স শেমগৎকনি?

মসি অরুবা খুদোংচাদবশিংনি অমসুং হায়রিবা খুদোংচাদবশিং অসি মতম শাংনা লৈবাক কয়ানা মায়োক্নদুনা লাক্লি। হায়রিবা অৱাবশিং অসি কোকহন্নবা ঐখোয় পুন্না থবক তৌমিন্নবা অমসুং অমনা অমদগী তম্নবা দরকার ওইরে। মথং চয়োলদা জি-২০ ৱার্কিং গ্রুপ অনিশুবা ওইনা মীফম পাংথোক্কনি অমসুং মখোয়না শেন থাদবগী মতাংদা নোংমা চুপ্না খন্নগনি।

অনিশুবদা, মাঙজৌন্না চেকশিনৱা পীনবা থবকশিংগী মতাংদা লৈঙাক্কী থৌদাংগী মরমদা ঐ করিগুম্বা খর হায়বা পাম্মী। হিরম অসিদা সরকার-লনাই পুন্না থবক তৌমিন্নবা খন্নদুনা লাক্লি। মসিদা লনাই কাংলুপ কয়া শরুক য়ারে।

হায়রিবা অৱাবশিং অসি কোক্নবা অরাইবা পাম্বৈ অমতা লৈতে। ঐখোয়গী অইং-অশাগী ফিবম হোংলকলিবা অসি লৈঙাক্না ফজনা থেংন্নবা হোৎনবা মথক্কী পাম্বৈশিং অসিনা মতেং পাংগনি।

দিজাস্তর রিক্স মেনেজমেন্তগী থবক তৌরিবশিং মখোয়গী থবকশিংগীদমক ঐনা য়াইফ-পাউজেল পীজরি। ঐখোয় ইশামক্কী অমসুং তুংগী মীরোলশিংগীদমক ঐখোয় পুন্না থবক তৌমিন্নরসি।

অদোমবু থাগৎচরি।

***