পোর্ত, সিপ্পিং অমদি ৱাতরৱেজ অমসুং অয়ুসকী কেন্দ্র মন্ত্রী শ্রী সর্বনন্দ সোনোৱাল অমদি রিপব্লিক ওফ দি য়ুনিয়ন ওফ ম্যান্মারগী দিপুতী প্রাইম মিনিস্তর অমদি ত্রান্সপোর্ত অমসুং কম্ম্যুনিকেসনগী কেন্দ্র মন্ত্রী এদমিরেল তিন ওং সান অনিনা ঙসি ম্যান্মারগী রখাইন স্তেত্তা লৈবা সিত্বা হিথাংফম শঙ্গাখ্রে‍। থৌরম অদুদা মখোয়না কোলকতাগী স্যামা প্রসাদ মুখর্জী হিথাংফমদগী লমথারকখিবা ভারতকী অহানবা কার্গো জহাজপু তরাম্না ওকখি‍।

সিত্বে হিথাংফম মথৌ তৌবা হৌহনখিবনা নাকল অনিগী অমদি লমদম অসোমগী লল্লোন ইতিক হেনগৎহনবগা লোয়না লোয়ননা ম্যান্মারগী রখাইন স্তেতকী লমদমদুগী শেন্মিৎলোন্দসু চাউনা কান্নবা পীগনি‍। হিথাংফম অসিনা পীরিবা হেন্না পাক চাউবা কন্নেক্তিবিতী অসিনা ইমপ্লোইমেন্তকী খুদোংচাবা লৈহন্দুনা লমদম অদুদা চাউখৎপগী মতিং হেনগৎহনগনি‍।

শঙ্গাবগী থৌরমদুদা ৱা ঙাঙলদুনা, পোর্ত, সিপ্পিং অমদি ৱাতরৱেজকী কেন্দ্র মন্ত্রীনা ভারত অমদি ম্যান্মার, মরুওইনা ম্যান্মারগী রখাইন স্তেতকা লৈনরিবা পুৱারীগী, নাৎকী অমদি শেন্মিৎলোনগী মরীগী মতাঙদা ৱাফম কয়া থমখি‍। সিত্বে হিথাংফম্নচিংবা চাওখৎ থৌরাংগী থবকশিংগী খুত্থাঙদা ম্যান্মারগী মীয়ামদা চাওখৎপা অমদি নুংঙাই য়াইফবা পুরক্নবগীদমক ভারতনা মতম কুইনবগী লেপ্লিবা খোঙফমবুসু মহাক্না অমুক হন্না থম্লমখি‍।

প্রোজেক্ত অসি মিজোরমগা হল্দিয়া/ কোলকতা/ ভারতকী হিথাংফম অমা হেক্তগা ম্যান্মারগী কলাদান তুরেলগী খুত্থাঙদা শম্নহন্নবগী অতোপ্পা পাম্বৈ অমা ওইনা শেমগৎনবা থবক পায়খৎখিবনি‍। প্রোজেক্ত অসিনা মিজোরমদগী পলেত্বা (ম্যান্মার) ফাওবা হায়ৱে/ লম্বীগী ত্রান্সপোর্ত থম্লগা, মদুগী মতুংদগী পলেত্বাদগী সিত্বে (ম্যান্মার) ফাওবনা ইনলেন্দ ৱাতর ত্রান্সপোর্ত (আই.দব্লিউ.তি.)না শম্নহল্লগা, সিত্বেদগী ভারতকী হিথাংফম অমা হেক্তগা সমুদ্রগী সিপ্পিংগী খুত্থাঙদা শম্নহন্নবা মীৎয়েঙ থম্বনি‍। প্রোজেক্ত অসিদা মখাদা পীরিবা শরুকশিংঅয়সি য়াওরি (ইন্দেক্স মেপসু হাপ্লি):

সিত্বে হিথাংফম অসি ভারত লৈঙাক্কী গ্রান্ত ইন এদ তেংবাঙগী মখাদা শেল থাদদুনা কলাদান মল্তি-মোদেল ত্রাঞ্জিৎ ত্রান্সপোর্ত প্রোজেক্ত (কে.এম.তি.তি.পি.)গী শরুক অমা ওইনা শেমগৎপনি‍। মপুং ফানা মথৌ তৌবা হৌরবা মতমদা, কে.এম.তি.তি.পি.গী ঈশিং লম্বী অমদী কংফাল লম্বীগী মচাকশিং অসিনা ভারতকী নোংপোক থংবা সমুদ্র খোঙবালগী লমদমশিংগা অৱাং নোংপোক স্তেতশিংগা সিত্বে হিথাংফমগী খুত্থাঙদা শম্নহনগনি‍।

*****