وزیراعظم کا دفتر

وزیر اعظم 18 مئی کو اڈیشہ میں 8000 کروڑ روپے سے زیادہ کی لاگت کے ریلوے کے کئی پروجیکٹوں کا سنگ بنیاد رکھیں گے اور انہیں وقف کریں گے


وزیر اعظم پوری اور ہوڑہ کے درمیان وندے بھارت ایکسپریس کو ہری جھنڈی دکھائیں گے

وزیر اعظم اوڈیشہ میں ریل نیٹ ورک کے 100 فی صد برقی کاری کو قوم کے نام وقف کریں گے

وزیر اعظم پوری اور کٹک ریلوے اسٹیشنوں کے از سرِ نو فروغ کا سنگ بنیاد رکھیں گے

Posted On: 17 MAY 2023 5:28PM by PIB Delhi

وزیر اعظم جناب نریندر مودی 18 مئی کو تقریباً 12:30 بجے اڈیشہ میں 8000 کروڑ روپے سے زیادہ کی لاگت کے ریلوے کے کئی پروجیکٹوں کا ویڈیو کانفرنسنگ کے ذریعےسنگ بنیاد رکھیں گے اور انہیں وقف کریں گے۔

اس تقریب کے دوران وزیر اعظم پوری اور ہوڑہ کے درمیان وندے بھارت ایکسپریس کو بھی ہری جھنڈی بھی دکھائیں گے۔ یہ ٹرین اڈیشہ کے کھردا، کٹک، جج پور، بھدرک، بالاسور اضلاع اور مغربی بنگال کے پچھمی مدنی پور، پوربی مدنی پور اضلاع سے گزرے گی۔ یہ ٹرین ریل مسافروں کو تیز، آرام دہ اور آسان سفر کا تجربہ فراہم کرے گی، سیاحت کو فروغ دے گی اور خطے میں اقتصادی ترقی کو آگے بڑھائے گی۔وزیر اعظم پوری اور کٹک ریلوے اسٹیشنوں کی تعمیر نو کا سنگ بنیاد رکھیں گے۔از سرِ نو بحال اسٹیشنوں میں ریل کے مسافروں کو عالمی معیار کا تجربہ فراہم کرنے والی تمام جدید سہولیات ہوں گی۔

وزیر اعظم اوڈیشہ میں ریل نیٹ ورک کی 100 فی صد برقی کاری کو قوم کے نام وقف کریں گے۔ اس سے آپریٹنگ اور دیکھ بھال کی لاگت میں کمی آئے گی اور درآمد شدہ خام تیل پر انحصار کم ہوگا۔

وزیر اعظم سنبل پور- تتلا گڑھ ریل لائن کو ڈبل کرنے؛ انگول- سکندا کے درمیان ایک نئی براڈ گیج ریل لائن اور منوہر پور- راوڑکیلا- جھارسوگوڑا-جمگا کو جوڑنے والی تیسری لائن کے علاوہ بچّھوپالی-جھرتربھا کے درمیان نئی براڈ گیج لائن بچھانے  کا کام بھی قوم کے نام وقف کریں گے۔ اس سے اوڈیشہ میں اسٹیل، پاور اور کان کنی کے شعبوں میں تیز رفتار صنعتی ترقی کے نتیجے میں ٹریفک کی بڑھتی ہوئی مانگ پوری ہوگی اور ریل کے ان سیکشنوں پر مسافروں کی ٹریفک کا دباؤ کم کرنے میں بھی مدد ملے گی۔

******

 

U.No:5239

ش ح۔رف۔س ا



(Release ID: 1924983) Visitor Counter : 143


Read this release in: Kannada , English , Marathi , Hindi , Bengali , Assamese , Manipuri , Punjabi , Gujarati , Odia , Tamil , Telugu , Malayalam