5 جون، عالمی یوم ماحولیات کے بلڈاپ کے طور پرموسمیاتی تبدیلی کے لئے نوجوانوں کےایکشن کوتحریک دینے کی غرض سے ، ماحولیات، جنگلات اور موسمیاتی تبدیلی کے مرکزی وزیر جناب بھوپیندر یادو نے ’’میری لائف‘‘ (میری زندگی) کے نام سے ایک موبائل ایپلیکیشن کا آغاز کیا۔ یہ ایپ لائف کے تصور سے متاثر ہے، جس کا تصور وزیر اعظم نے سی او پی26 میں کیا تھا، جو بے ہودہ اور فضول خرچی کے بجائے عمداًاستفادہ پر زور دیتا ہے۔

اس موقع پر بات کرتے ہوئے جناب یادو نے کہا کہ یہ ایپ ماحول کے تحفظ میں شہریوں بالخصوص نوجوانوں کی طاقت کا مظاہرہ کرے گا۔ انہوں نے یہ بھی بتایا کہ اس ایپ کے ذریعے، روزمرہ کی زندگی میں سادہ اعمال کا آب و ہوا پر بڑا اثر پڑ سکتا ہے۔ وزیر موصوف نے اپنی امید ظاہر کی کہ پورٹل اور ایپ مل کر لائف کے لیے ایک قومی تحریک چلائیں گے۔

مشن لائف (ماحولیات کےلئےطرز حیات) کا آغاز وزیر اعظم نے 20 اکتوبر 2022 کو کیواڑیا، گجرات میں کیا تھا اور اس کی توجہ لوگوں میں آسان کاموں کے ذریعے رویے میں تبدیلی لانے پر مرکوز ہے۔ ماحولیات، جنگلات اور موسمیاتی تبدیلی کی وزارت قومی سطح پر تال میل اور مشن لائف کے نفاذ کے لیے نوڈل وزارت ہے۔ ان کے نفاذ کی کوششوں کے ایک حصے کے طور پر، وزارت نے مرکزی وزارتوں، ریاستی حکومتوں، اداروں، اور نجی تنظیموں کو متحرک کیا ہے تاکہ وہ اپنی سرگرمیوں کو لائف کے ساتھ ہم آہنگ کریں اور ان پائیدار اقدامات کے بارے میں بیداری پھیلائیں جو افراد انجام دے سکتے ہیں۔ لائف کے بارے میں پورے ہندوستان میں وکالت اور بیداری کو مزید متحرک کرنے کے لیے، فی الحال ایک ماہ طویل بڑے پیمانے پرعوام کومتحرک کرنے کی مہم جاری ہے، جو 5 جون 2023 کو عالمی یوم ماحولیات کی ایک زبردست تقریب میں اختتام پذیر ہوگی۔

وزارت نے لائف کے لیے دو کلی طور پر وقف پورٹل تیار کیے ہیں، تاکہ ایک منظم رپورٹنگ فارمیٹ بنایا جا سکے جو لائف پر ہونے والی پیش رفت کو ٹریک کر سکے۔ مشن لائف پورٹل (missionlife-moefcc.nic.in) کھلی رسائی ہے اور اسے 100+ تخلیقات، ویڈیوز، اور علمی مواد ڈاؤن لوڈ کرنے کے لیے استعمال کیا جا سکتا ہے جسے وزارت نے لائف کے لیے تیار کیا ہے۔ میری لائف پورٹل (merilife.org) وزارتوں اور اداروں کے لیے تیار کیا گیا ہے تاکہ وہ ایونٹ کی رپورٹس اپ لوڈ کر سکیں اور بڑے پیمانے پر  عوامی تحریک کی مہم کی پیش رفت کااحاطہ کرسکیں۔

10 دنوں میں، پورے ہندوستان میں 1,00,000 سے زیادہ لائف سے متعلق پروگرام  رونما ہوئے ہیں اور 1.7 ملین سے زیادہ افراد کو سیارےکے حق میں عمل کرنے کے لیے متحرک کیا گیا ہے۔ ان میں صفائی مہم، سائیکل ریلیاں، شجرکاری مہم،لائف میراتھن، پلاسٹک جمع کرنے کی مہم، کمپوسٹنگ ورکشاپس، اورلائف سے متعلق عہد لینا شامل ہیں۔ بہت سے اسکول اور کالج ثقافتی مقابلے بھی کروا رہے ہیں جیسے اسٹریٹ ڈرامے، مضامین، پینٹنگز اور یوتھ پارلیمنٹس۔

میری لائف ایپ کاآغاز ، ماحولیات، جنگلات اور موسمیاتی تبدیلی کی وزارت کی سکریٹری محترمہ لینا نندن، جناب سی پی گوئل، ڈائرکٹر جنرل آف فاریسٹ اور اسپیشل سکریٹری اور دھواراکھا سری رام، چیف آف جن یو، یوتھ ڈیولپمنٹ ،اور پارٹنرشپس، یونیسیف انڈیا   کی موجودگی میں کیا گیا۔

میری لائف ایپ مشن لائف پر ہونے والی پیشرفت کو ٹریک کرنے کا ایک منظم طریقہ بنانے میں مدد کرے گا۔ کامیاب سائن اپ پر، صارفین کو مندرجہ ذیل 5 تھیمز یعنی توانائی بچائیں، پانی کی بچت کریں، پلاسٹک کا واحد استعمال کم کریں، پائیدار خوراک کے نظام کو اپنائیں اور صحت مند طرز زندگی کو اپنائیں، کے تحت لائف سے متعلق  کئی کاموں میں حصہ لینے کے لیے رہنمائی کی جائے گی ۔ ایک گیمیفائیڈ تجربے کے ذریعہ، ایپ لوگوں کو 5 کے بدلے 5 چیلنج ۔ 5 جون تک فائیو لائف ایکشن لیں، پر ابھارتی ہے- یہ ایپ گوگل پلے اسٹور پر دستیاب ہے۔

5 جون 2023 کو عالمی یوم ماحولیات کے موقع پر بڑے پیمانے پرعوام کو متحرک کرنےکی مہم کا اختتام ہوگا۔ اس سال کا تھیم پلاسٹک کی آلودگی کا حل ہے، یہ ایک ایسا موضوع ہے جو مشن لائیف کے 7 موضوعات میں سے ایک:’’ایک بار استعمال ہونے والی پلاسٹک کی اشیاء کے استعمال کو کم کرنا‘‘ کے مطابق ہے ۔

آسام میں کربی قبائل کے طلباء کو مشن لائف کے بارے میں حساس بناتےہوئے

کونڈاویڈو، آندھرا پردیش میں پلاسٹک جمع کرنے کی مہم

جموں و کشمیر کے نگریمل پورہ گاؤں میں صفائی مہم کا انعقاد

سہارنپور، اتر پردیش میں مشن لائف سائیکل ریلی

لیہہ مین مارکیٹ، لداخ میں مشن لائف کے تحت آگاہی اور ایکشن مہم

کیرالہ کے کوزی کوڈ ضلع میں ساحل کی صفائی کی مہم کا اہتمام کیا گیا۔

رائے پور، چھتیس گڑھ میں لائف پلیج زون سیٹ اپ

گنگٹوک، سکم میں مشن لائف بیداری مہم کا اہتمام کیا گیا۔

نئی دہلی میں لائف پر موقع پر پینٹنگ مقابلہ

سیکر، راجستھان میں لائیف ورکشاپ کا انعقاد

لدھیانہ، پنجاب میں پوسٹر بنانے کا مقابلہ

علاقائی میوزیم آف نیچرل ہسٹری، بھونیشور کے زائرین لائف کا عہد لے رہے ہیں۔

**********

ش ح۔ ا ک ۔ ف ر

U. No.5135