য়ুমলৈ-কৈরৈ মন্ত্রালয়
কেন্দ্রগী য়ুমলৈ-কৈরৈ অমসুং কোওপরেশনগী মন্ত্রী, শ্রী অমিত শাহনা পঞ্জাবকী হান্নগী মুখ্য মন্ত্রী, লৈখিদ্রবা শ্রী পার্কাশ সিং বাদলগী ‘অন্তিম অর্দাস’তা শরুক য়াখি অমসুং মহাক্না পঞ্জাবকী শ্রী মুকতার সাহিবতা হৈকৎ-লৈকৎ তমখি।
শ্রী পর্কাশ সিংনা লৈখিদবা অসি পঞ্জাব খক্তা নত্তনা লৈবাক পুম্বগী ওইনা পোলিতিকেল অমসুং সোসিয়েল লীদরশিপতা মহুৎ শিনবা ঙম্লরোইদবা অমাংবা অমনি।
শ্রী বাদলনা লৈখিদবদা, সিখ কম্যুনিতীনা অশেংবা লান্মী অমা মাংখ্রে, লৈবাক অসিনা লৈবাক নিংবা মীশক অমা মাংজখ্রে, লৌমীশিংনা মখোয়বু থৌজানবীবা অমা মাংখ্রে অমসুং পোলিতিক্সকী থাক য়াম্না ৱাংনা থাংগৎলম্বা মীশক অমা মাংজরে।
কেন্দ্রগী য়ুমলৈ-কৈরৈ মন্ত্রীনা হায়খি মদুদি মহাক্না মতম পুম্বদা শ্রী পর্কাশ সিং বাদলগা উনবদগী তমজনিংঙাই ওইবা কয়া অমা তমজখি অমসুং মহাক্না মতম পুম্বদা অশেংবা লম্বি অদু উৎনবা হোৎনৈ, শ্রী বাদলগুম্বা অচৌবা মী অসি নত্তনা কনামত্তনা রাজনিতিগী পুন্সিদা অসিগুম্না য়াম্না শেংবা পাউতাক পীবা ঙম্লোই।
শ্রী পর্কাশ সিং বাদলনা অনৌবা পঞ্জাব অমগী ফাউন্দেশন শেম্লমখি, মহাক্না লৈখিদবদা, ব্রদরহুদকী সর্দার অসিনা ঐখোয়বুসু থাদোক্তুনা চৎখ্রে, মহাক্না মহাক্কী পুন্সি চুপ্পা ইন্দু-সিখ অমত্তা ওইবগী ৱাখল্লোনদা কত্থোকখি।
রাজনিতিদি মাগী মায়োক্তা কয়া অমা থেংনজরবসু, বাদল সাহবনা মতম পুম্বদা মীপুম খুদিংমকপু অমত্তা ওইনবা হোৎনখি, অসিগুম্বা মীশক অসি মীয়ামগী মরক্তা অমসুং
Posted On:
04 MAY 2023 3:58PM by PIB Imphal
কেন্দ্রগী য়ুমলৈ-কৈরৈ অমসুং কোওপরেশনগী মন্ত্রী, শ্রী অমিত শাহনা পঞ্জাবকী হান্নগী মুখ্য মন্ত্রী, লৈখিদ্রবা শ্রী পার্কাশ সিং বাদলগী ‘অন্তিম অর্দাস’তা শরুক য়াখি অমসুং মহাক্না পঞ্জাবকী শ্রী মুকতার সাহিবতা হৈকৎ-লৈকৎ তমখি।
শ্রী অমিত শাহনা হায়খি মদুদি শ্রী পর্কাশ সিংনা লৈখিদবা অসি পঞ্জাব খক্তা নত্তনা লৈবাক পুম্বগী ওইনা পোলিতিকেল অমসুং সোসিয়েল লীদরশিপতা মহুৎ শিনবা ঙম্লরোইদবা অমাংবা অমনি। মহাক্না হায়খি মদুদি শ্রী বাদল সিংনা লৈখিদবদা লৈহৌবা অহাংবা অসিবু মেনশিনবদা য়াম্না ৱানা থোক্কনি। শ্রী শাহনা হায়খি মদুদি শ্রী বাদলনা লৈখিদবা অসিনা সিখ কম্যুনিতীনা অশেংবা লান্মী অমা মাংখ্রে, লৈবাক অসিনা লৈবাক নিংবা মীশক অমা মাংজখ্রে, লৌমীশিংনা মখোয়বু থৌজানবীবা অমা মাংখ্রে অমসুং পোলিতিক্সকী লমদা থাক য়াম্না ৱাংনা থাংগৎলম্বা মীশক অমা মাংজরে।
কেন্দ্রগী য়ুমলৈ-কৈরৈ মন্ত্রীনা হায়খি মদুদি শ্রী পর্কাশ সিং বাদলনা বাম্না শংলবা চহি ৭০গী পব্লিক্কী পুন্সি অমা হিংখি, বাদল সহব নত্তনা অতোপ্পা কনা অমত্তনা ওপোনেন্ত অমত্তা লেতনা অসিগুম্বা পুন্সি মহিং অসি হিংবা ঙম্লোই। শ্রী শাহনা আয়খি মদুদি মহাক্না মতম পুম্বদা শ্রী পর্কাশ সিং বাদলগা উনবদগী তমজনিংঙাই ওইবা কয়া অমা তমজখি অমসুং মহাক্না মতম পুম্বদা অশেংবা লম্বি অদু উৎনবা হোৎনৈ, শ্রী বাদলগুম্বা অচৌবা মী অসি নত্তনা কনা অমত্তনা রাজনিতিগী পুন্সিদা অসিগুম্না য়াম্না শেংবা পাউতাক পীবা ঙম্লোই।
শ্রী অমিত শাহনা হায়খি মদুদি শ্রী পর্কাশ সিং বাদল অসি পঞ্জাব লেজিস্লেতিব এসেম্বলীগী খ্বাইদগী মতম শাংনা থৌ পুরম্বা মেম্বরনি অমসুং শ্রী বাদলনা পঞ্জাবকি মুখ্য মন্ত্রী ৫রক থৌ পুরম্মি অমসুং অনৌবা পঞ্জাব অমগী ফাউন্দেশন শেম্লমখি। মহাক্না লৈখিদবদা, ব্রদরহুদকী সর্দার অসিনা ঐখোয়বুসু থাদোক্তুনা চৎখ্রে, মহাক্না মহাক্কী পুন্সি চুপ্পা ইন্দু-সিখ অমত্তা ওইবগী ৱাখল্লোনদা কত্থোকখি অমসুং রাজনিতিদা ওপোজিশন কয়া অমা থেংনজরবশু, বাদ সাহবনা মতম পুম্বদা মীপুম খুদিংমকপু অমত্তা ওইনা লৈনবা হোৎনখি। শ্রী শাহনা হায়খি মদুদি অসিগুম্বা মীশক অসি মীয়ামগী মরক্তা অমসুং রাজনিতিগী পুন্সিদা থেংনবা হায়বসি য়াম্না তাংনা থোক্কনি।
কেন্দ্রগী য়ুমলৈ-কৈরৈ অমসুং কোওপরেশন মন্ত্রালয়গী মন্ত্রীনা হায়খি মদুদি ১৯৭০দগী ঙসি ফাওবদা, লৈবাক অসিগীদমক্তা চোংথোক্নবগী খুদোংচাবা অমা হেক লাকপগা বাদল সাহবনা খৈদৌনুংদা লৈথোক্তুনা লৈখিদে। মহাক্না হায়খি মদুদি সর্দার পর্কাশ সিং বাদলনা প্রিন্সিপলশিং অমসুং থাজবা অদুগীদমক্তা লান্থেংনখি অমসুং মহাক্কী পব্লিক লাইবকী শরুক অয়াম্বদি কৈশুমশঙদা লৈনখি। ইমর্জেন্সীগী মনুংদা, শ্রী পর্কাশ সিং বাদলনা দেমোক্রেসীবু ঙাক-শেন্দুনা থম্নবা খোংফম চেৎনা লেপখি, কার্গিল লানবু ওইরো নত্রগা তেররগী মায়োক্তা লান্থেংনবদবু ওইরো, মাইকৈ খুদিংমক্তা, বাদল সাহবনা মতম পুম্বদা লৈবাক অসিগী য়াইফনবগীদমক্তা উকন ওইদুনা খোংফম চেৎনা লেপখি। শ্রী শাহনা হায়খি মদুদি বাদল সাহবনা লৈখিদবা অসি লৈবাক পুম্বগী ওইনা য়াম্না চাউনা মাংজবনি। শ্রী অমিত শাহনা হায়খি মদুদি ঐখোয় পুম্নমক্না শ্রী পর্কাশ সিং বাদলগী পুন্সিদগী পুক্নিং থৌগৎনিংঙাই ওইবা ৱাখল্লোনা অদু লৌগদবনি অমসুং ৱাহেগুরুনা ঐখোয় পুম্নমকপু মহাক্না চৎলম্বা লম্বি অদুদা চৎপা ঙম্নবা পাঙ্গল থৌনা অদু পীনবীবা ওইসনু।
*****
(Release ID: 1923525)
Visitor Counter : 76