ಇತ್ತೀಚೆಗೆ ಭಾರತದಾದ್ಯಂತ ಕೋವಿಡ್‌-19 ಪ್ರಕರಣಗಳ ಸಂಖ್ಯೆಯಲ್ಲಿಹೆಚ್ಚಳವನ್ನು ಗಮನದಲ್ಲಿಟ್ಟುಕೊಂಡು, ಪ್ರಧಾನ ಮಂತ್ರಿ ಅವರ ಪ್ರಧಾನ ಕಾರ್ಯದರ್ಶಿ ಡಾ.ಪಿ.ಕೆ.ಮಿಶ್ರಾ ಅವರು ದೇಶದಲ್ಲಿಕೋವಿಡ್‌ -19 ಪರಿಸ್ಥಿತಿಯನ್ನು ನಿರ್ಣಯಿಸಲು ಉನ್ನತ ಮಟ್ಟದ ಸಭೆಯ ಅಧ್ಯಕ್ಷ ತೆ ವಹಿಸಿದ್ದರು. ದೇಶದಲ್ಲಿಆರೋಗ್ಯ ಮೂಲಸೌಕರ್ಯ ಮತ್ತು ಲಾಜಿಸ್ಟಿಕ್ಸ್‌, ಔಷಧಿಗಳು, ಲಸಿಕಾ ಅಭಿಯಾನದ ಸನ್ನದ್ಧತೆಯ ಸ್ಥಿತಿ ಮತ್ತು ಕೋವಿಡ್‌ -19 ಪ್ರಕರಣಗಳ ಇತ್ತೀಚಿನ ಉಲ್ಬಣಕ್ಕೆ ಪ್ರತಿಕ್ರಿಯೆಯಾಗಿ ಪ್ರಮುಖ ಅಗತ್ಯ ಕ್ರಮಗಳ ಬಗ್ಗೆ ಗಮನ ಹರಿಸಿದರು.

ಸಂಪುಟ ಕಾರ್ಯದರ್ಶಿ ರಾಜೀವ್‌ ಗೌಬಾ;  ನೀತಿ ಆಯೋಗದ ಸದಸ್ಯ ವಿನೋದ್‌ ಪಾಲ್‌; ಹಣಕಾಸು ಕಾರ್ಯದರ್ಶಿ ಶ್ರೀ ಟಿ.ವಿ.ಸೋಮನಾಥನ್‌; ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಕಾರ್ಯದರ್ಶಿ ಶ್ರೀ ರಾಜೇಶ್‌ ಭೂಷಣ್‌, ಔಷದಾಲಯ ಕಾರ್ಯದರ್ಶಿ ಶ್ರೀಮತಿ ಎಸ್‌.ಅಪರ್ಣಾ;  ನಾಗರಿಕ ವಿಮಾನಯಾನ ಕಾರ್ಯದರ್ಶಿ ರಾಜೀವ್‌ ಬನ್ಸಾಲ್‌; ಆಯುಷ್‌ ಕಾರ್ಯದರ್ಶಿ ಶ್ರೀ ರಾಜೇಶ್‌ ಕೊಟೆಚಾ ; ಡಿಎಚ್‌ಆರ್‌  ಮತ್ತು ಡಿಜಿ ಐಸಿಎಂಆರ್‌ ಕಾರ್ಯದರ್ಶಿ ಶ್ರೀ ರಾಜೀವ್‌ ಬಹ್ಲ್‌; ಜೈವಿಕ ತಂತ್ರಜ್ಞಾನ ಕಾರ್ಯದರ್ಶಿ ಶ್ರೀ ರಾಜೇಶ್‌ ಎಸ್‌. ಗೋಖಲೆ ಮತ್ತು ಮಾಹಿತಿ ಮತ್ತು ಪ್ರಸಾರ ಇಲಾಖೆ ಕಾರ್ಯದರ್ಶಿ ಅಪೂರ್ವ ಚಂದ್ರ ಸಭೆಯಲ್ಲಿ ಪಾಲ್ಗೊಂಡಿದ್ದರು.

ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಕಾರ್ಯದರ್ಶಿ ಶ್ರೀ ರಾಜೇಶ್‌ ಭೂಷಣ್‌ ಅವರು ಜಾಗತಿಕ ಕೋವಿಡ್‌-19 ಪರಿಸ್ಥಿತಿಯ ಅವಲೋಕನವನ್ನು ಒದಗಿಸುವ ಸಮಗ್ರ ಪ್ರಸ್ತುತಿಯನ್ನು ನೀಡಿದರು. 8 ರಾಜ್ಯಗಳಲ್ಲಿ(ಕೇರಳ, ದೆಹಲಿ, ಮಹಾರಾಷ್ಟ್ರ, ಹರಿಯಾಣ, ಉತ್ತರ ಪ್ರದೇಶ, ತಮಿಳುನಾಡು, ಕರ್ನಾಟಕ ಮತ್ತು ರಾಜಸ್ಥಾನ) ಹೆಚ್ಚಿನ ಪ್ರಕರಣಗಳು ವರದಿಯಾಗುವುದರೊಂದಿಗೆ ಭಾರತವು ಕೋವಿಡ್‌ -19 ಪ್ರಕರಣಗಳ ಸಂಖ್ಯೆಯಲ್ಲಿ ತ್ವರಿತ ಹೆಚ್ಚಳಕ್ಕೆ ಸಾಕ್ಷಿಯಾಗಿದೆ ಎಂದು ಅವರು ಒತ್ತಿ ಹೇಳಿದರು. ಇದಲ್ಲದೆ ದೇಶದಲ್ಲಿನಡೆಸಲಾಗುತ್ತಿರುವ ಪರೀಕ್ಷೆಗಳ ಸ್ಥಿತಿಯೊಂದಿಗೆ ಸಕಾರಾತ್ಮಕತೆಯ ಹಠಾತ್‌ ಹೆಚ್ಚಳವನ್ನೂ  ಬಿಂಬಿಸಲಾಗಿದೆ. ಈ 8 ರಾಜ್ಯಗಳಲ್ಲಿಸಕ್ರಿಯ ಪ್ರಕರಣಗಳ ವಿವರವಾದ ವಿಶ್ಲೇಷಣೆಯನ್ನು ಪ್ರಸ್ತುತಪಡಿಸಲಾಯಿತು ಮತ್ತು ಸರಿಸುಮಾರು 
ಶೇ. 92ರಷ್ಟು ಪ್ರಕರಣಗಳು ಮನೆ ಪ್ರತ್ಯೇಕತೆಯಲ್ಲಿವೆ ಎಂದು ಬಿಂಬಿಸಲಾಯಿತು.

ಪ್ರಸ್ತುತಿಯು 2023ರ ಜನವರಿಯಿಂದ ವಿವಿಧ ರೂಪಾಂತರಗಳ ಜೀನೋಮ್‌ ಅನುಕ್ರಮದ ಅವಲೋಕನವನ್ನು ಒದಗಿಸಿತು ಮತ್ತು ಭಾರತದಲ್ಲಿಹರಡುತ್ತಿರುವ ರೂಪಾಂತರಗಳ ಪ್ರಮಾಣವನ್ನು ಗಮನಿಸಲಾಯಿತು. ಲಸಿಕೀಕರಣ ಸ್ಥಿತಿಯ ಬಗ್ಗೆಯೂ ಚರ್ಚಿಸಲಾಯಿತು, ನಂತರ ದೇಶಾದ್ಯಂತ ಔಷಧ ಲಭ್ಯತೆ ಮತ್ತು ಮೂಲಸೌಕರ್ಯ ಸನ್ನದ್ಧತೆಯ ಬಗ್ಗೆ ಚರ್ಚೆ ನಡೆಯಿತು. ಗೌರವಾನ್ವಿತ ಪ್ರಧಾನ ಮಂತ್ರಿ ಅವರ ನಿರ್ದೇಶನದಂತೆ, ಕ್ರಿಯಾತ್ಮಕ ಮೂಲಸೌಕರ್ಯಗಳ ಮೌಲ್ಯಮಾಪನಕ್ಕಾಗಿ ರಾಷ್ಟ್ರವ್ಯಾಪಿ ಅಣಕು ಕಾರ್ಯಾಚರಣೆ ನಡೆಸಲಾಯಿತು ಮತ್ತು ಭಾಗವಹಿಸುವವರಿಗೆ ಅಣಕು ಕಾರ್ಯಚರಣೆಯ ಸ್ಥಿತಿಯನ್ನು ಪ್ರಸ್ತುತಪಡಿಸಲಾಯಿತು. ಇದಲ್ಲದೆ, ಕೋವಿಡ್‌ -19 ವ್ಯಾಕ್ಸಿನೇಷನ್‌ ಕಾರ್ಯಕ್ರಮದ ವೆಚ್ಚ ಮತ್ತು ಔಷಧಿಗಳು ಮತ್ತು ಲಸಿಕೆ ಕಚ್ಚಾ ವಸ್ತುಗಳ ಬಜೆಟ್‌ ನಿಬಂಧನೆಗಳನ್ನು ಸಹ ಪರಿಶೀಲಿಸಲಾಯಿತು.

ಕೇಂದ್ರ ಆರೋಗ್ಯ ಸಚಿವಾಲಯದ ಯಾವುದೇ ಪೂರ್ವಾನುಮತಿಯಿಲ್ಲದೆ ತಯಾರಕರಿಂದ ನೇರವಾಗಿ ಅಗತ್ಯ ಕೋವಿಡ್‌ ಲಸಿಕೆ ಪ್ರಮಾಣಗಳನ್ನು ಸಂಗ್ರಹಿಸಲು ಕ್ರಮಗಳನ್ನು ತೆಗೆದುಕೊಳ್ಳಬಹುದು ಎಂದು ರಾಜ್ಯಗಳಿಗೆ ಈಗಾಗಲೇ ಸೂಚಿಸಲಾಗಿದೆ ಎಂದು ಆರೋಗ್ಯ ಕಾರ್ಯದರ್ಶಿ ಮಾಹಿತಿ ನೀಡಿದರು. ರಾಜ್ಯಗಳಲ್ಲಿರುವ ಖಾಸಗಿ ಆಸ್ಪತ್ರೆಗಳು ಸಹ ಅಂತಹ ಲಸಿಕೆಗಳನ್ನು ತಯಾರಕರಿಂದ ನೇರವಾಗಿ ಖರೀದಿಸಬಹುದು. ಈ ಲಸಿಕೆಗಳನ್ನು ಒಮ್ಮೆ ಸಂಗ್ರಹಿಸಿದ ನಂತರ ಅಸ್ತಿತ್ವದಲ್ಲಿರುವ ಕೋವಿಡ್‌ ಲಸಿಕಾ ಮಾರ್ಗಸೂಚಿಗಳ ಪ್ರಕಾರ ನೀಡಬಹುದು.

ವಿವರವಾದ ಪ್ರಸ್ತುತಿಯ ನಂತರ, ಡಾ. ಪಿ.ಕೆ. ಮಿಶ್ರಾ ಅವರು, ಸ್ಥಳೀಯ ಉಲ್ಬಣಗಳನ್ನು ನಿರ್ವಹಿಸಲು ಉಪ-ಜಿಲ್ಲಾ ಮಟ್ಟದಲ್ಲಿಸಾಕಷ್ಟು ಆರೋಗ್ಯ ಮೂಲಸೌಕರ್ಯಗಳು ಲಭ್ಯವಿರುವುದು ಅತ್ಯಗತ್ಯ ಮತ್ತು ರಾಜ್ಯಗಳೊಂದಿಗೆ ಸಮಾಲೋಚಿಸಿ ಅದನ್ನು ಖಚಿತಪಡಿಸಿಕೊಳ್ಳಬಹುದು ಎಂದು ಒತ್ತಿ ಹೇಳಿದರು. ವಿಕಸನಗೊಳ್ಳುತ್ತಿರುವ ಸನ್ನಿವೇಶದ ಆಧಾರದ ಮೇಲೆ ರಾಜ್ಯಗಳಿಗೆ ಮಾರ್ಗದರ್ಶನ ನೀಡುವ ಸಲಹೆಗಳನ್ನು ಮೌಲ್ಯಮಾಪನ ಮಾಡಬೇಕು ಮತ್ತು ಅದಕ್ಕೆ ಅನುಗುಣವಾಗಿ ನವೀಕರಿಸಬೇಕು ಎಂದು ಅವರು ಒತ್ತಾಯಿಸಿದರು.

ಇದಲ್ಲದೆ, ಹೊಸ ಅಲೆಬುಗ್ಗೆಗಳನ್ನು (ಹಾಟ್‌ಸ್ಪಾಟ್‌) ಗುರುತಿಸುವತ್ತ ಗಮನ ಹರಿಸುವುದು ನಿರ್ಣಾಯಕವಾಗಿದೆ ಮತ್ತು ರಾಜ್ಯಗಳು ಐಎಲ್‌ಐ / ಎಸ್‌ಎಆರ್‌ಐ ಪ್ರಕರಣಗಳ ಪ್ರವೃತ್ತಿಗಳನ್ನು ಮೇಲ್ವಿಚಾರಣೆ ಮಾಡಬೇಕು, ಕೋವಿಡ್‌ -19 ಪರೀಕ್ಷೆಗೆ ಸಾಕಷ್ಟು ಮಾದರಿಗಳನ್ನು ಕಳುಹಿಸಬೇಕು ಮತ್ತು ಸಂಪೂರ್ಣ ಜೀನೋಮ್‌ ಅನುಕ್ರಮವನ್ನು ಹೆಚ್ಚಿಸಬೇಕು ಎಂದು ಭಾಗವಹಿಸಿದವರು ಚರ್ಚಿಸಿದರು.

ಡಾ.ಪಿ.ಕೆ.ಮಿಶ್ರಾ ಅವರು, ಪರೀಕ್ಷೆ-ಪತ್ತೆ-ಚಿಕಿತ್ಸೆ-ಲಸಿಕೆ ಮತ್ತು ಕೋವಿಡ್‌ ಸೂಕ್ತ ನಡವಳಿಕೆಯ ಅನುಸರಣೆಯ 5 ಪಟ್ಟು ಕಾರ್ಯತಂತ್ರವನ್ನು ಜಾರಿಗೆ ತರುವುದನ್ನು ಮುಂದುವರಿಸಬೇಕು ಮತ್ತು ಕೋವಿಡ್‌ ಸೂಕ್ತ ನಡವಳಿಕೆಯ ಬಗ್ಗೆ ಸಮುದಾಯದಲ್ಲಿ ಜಾಗೃತಿ ಮೂಡಿಸಲು ಮತ್ತು ಸಂತೃಪ್ತಿಯ ವಿರುದ್ಧ ನಾಗರಿಕರನ್ನು ಎಚ್ಚರಿಸಲು ಅಷ್ಟೇ ನಿರ್ಣಾಯಕ ಎಂದು ಪ್ರತಿಪಾದಿಸಿದರು.

ಕೋವಿಡ್‌ -19 ಪರಿಸ್ಥಿತಿಯ ಬಗ್ಗೆ ಕಟ್ಟುನಿಟ್ಟಾದ ಜಾಗರೂಕತೆಯನ್ನು ಕಾಪಾಡಿಕೊಳ್ಳಲು ಮತ್ತು ಕೋವಿಡ್‌ -19 ಹರಡುವುದನ್ನು ತಡೆಯಲು ಅಗತ್ಯ ಕ್ರಮಗಳನ್ನು ತೆಗೆದುಕೊಳ್ಳುವಂತೆ ಅವರು ಅಧಿಕಾರಿಗಳಿಗೆ ಸಲಹೆ ನೀಡಿದರು.

****