হন্দক ভারত শীনবা থুংনা কোবিদ-১৯ কেস মশিং হেনগৎলক্লিবা অসি য়েংলগা, প্রধান মন্ত্রীগী প্রিন্সিপাল সেক্রেতরি দোক্তর পি.কে মিশ্রানা লুচিংদুনা অৱাংবা থাক্কী মীফম অমা পাংথোক্তুনা লৈবাক অসিদা হকশেলগী ইনফ্রাস্ত্রকচর অমসুং লোজিস্তিক্স, হিদাক-লাংথক, তিকা থাবগী খোঙজংগী ফিবম য়েংশিন্নবা অমসুং হন্দক কোবিদ-১৯ কেসশিং হেনগৎলক্লিবা অসি থেংন্নবা দরকার ওইবা মরুওইবা থবকশিংগী ফিবম য়েংশিনখ্রে। 

মীফম অদুদা কেবিনেত সেক্রেতরি শ্রী রজিব গৌবা; নিতি অয়োগকী মেম্বর দোক্তর বিনোদ পাউল; ফাইনান্স সেক্রেতরি শ্রী তি.ভি সোমানাথন; হেল্থ অমসুং ফেমিলি ৱেলফিয়ারগী সেক্রেতরি শ্রী রাজেস ভুসন; ফার্মাসিউতিকেলগী সেক্রেতরি শ্রীমতি এস.অপামা; সিবিল এভিএসনগী সেক্রেতরি শ্রী রজিব বন্সাল; অয়ুসকী সেক্রেতরি শ্রী রাজেস কোতেচা; দি.ঐচ.আরগী সেক্রেতরি অমসুং আই.সি.এম.আরগী দি.জি শ্রী রজিব বাহল; বাইওতেক্নোলোজিগী সেক্রতরি শ্রী রাজেস এস গোখালে অমসুং ইনফোর্মেসন অমসুং ব্রোদকাস্তিংগী সেক্রেতরি শ্রী অর্পুবা চন্দ্র শরুক য়াখি।

মালেমগী হৌজিক ওইরবা কোবিদ-১৯গী ফিবমগী মতাংদা হেল্থ অমসুং ফেমিলি ৱেলফিয়ারগী সেক্রেতরি শ্রী রাজেস ভুসন্না পাউদমখি। মহাক্না হায়খি রাজ্য ৮ হায়বদি কেরলা, দিল্লি, মহারাস্ত্রা, হরিয়ানা, উত্তর প্রদেস, তামিল নাদু, কর্নাতকা অমসুং রাজস্থানদা কোবিদ-১৯ কেস মশিং হেনগৎলকপা থেংনরে। লৈবাক অসিদা তেস্ত পাংথোকপগা লোয়ন্না পোজিতিব ওইবগী চাং খঙহৌদনা হেনগৎলক্লে। রাজ্য ৮দা লৈরিবা এক্তিব কেসশিংগী অকুপ্পা মরোলশিং পাউদমখি অমসুং এক্তিব কেসশিংগী চাদা ৯২ য়ুমদা নাইতেল লৈরি হায়না পাউদমখি।

২০২৩দগী হৌনবা তোঙান-তোঙনবা ভেরিয়েন্তশিং জিনোম সিক্বেন্সিং তৌবগী মতাংদসু পাউদমখি অমসুং ভারত্তা শন্দোক্লিবা ভেরিয়েন্তশিংগী মখলগী মতাংদা খঙহনখি। তিকা থাবগী মতাংদা হৌজিক লৈরিবা ফিবম, ফংলিবা হিদাক-লাংথকশিং অমসুং শেম-শারিবা ইনফ্রাস্ত্রকচরগী মতাংসু খন্ন-নৈনখি। প্রধান মন্ত্রীগী পাউতাক মতুংইন্না, ইনফ্রাস্ত্রকচরশিং য়েংশিন্নবা মোক দ্রিল অমা লৈবাক শীনবা থুংনা পাংথোকখ্রে অমসুং মোক দ্রিল অদুগী ফিবম মীফম অদুদা শরুক য়াখিবশিংদা খঙহনখি। মখা তানা, কোবিদ-১৯ তিকা থাবদা তৌখিবা চাদিং অমসুং হিদাক-লাংথকশিং অমসুং ভেক্সিন শানবা মচাকশিং লৈনবা বজেতকী শেনফমগী মতাংদসু অমুক হেন্না য়েংশিনখি।

হেল্থ সেক্রতরিনা হায়খি মদুদি হেল্থ মিনিস্ত্রিদগী মাঙজৌন্না অয়াবা লৌদনা মখোয়গী লৈজবা শেনফম্না তিকা শুংবা কম্পেনিশিংদগী হকথেংন্না কোবিদ তিকাশিং লৈনবা দরকার লৈবা থবকশিং লৌখৎনবা রাজ্যশিংদা মাংজৌন্না পাউতাক পীখ্রে। রাজ্যশিংদা লৈরিবা লনাই হোস্পিতালশিংসু অসিগুম্বা তিকাশিং কম্পেনিশিংদগী লৈবা য়ারগনি। হায়রিবা তিকাশিং অদু হৌজিক চৎনরিবা তিকা থাবগী চৎন-কাংলোনশিংগী মতুংইন্না তিকা কাপ্পা য়াগনি।

অকুপ্পা ৱারোলশিং খঙহনখ্রবা মতুংদা, দোক্তর পি.কে মিশ্রানা হায়খি মচি মচিদা কোবিদ কেস মশিং হেনগৎলক্লিবা অসি য়েংলগা সব-দিস্ত্রিক থাক ফাওবদা হকশেলগী মচাক-মথুমশিং মতিক চানা লৈহনবা তঙাইফদে অমসুং হায়রিবা থবকশিং অসি  রাজ্যশিংগা ৱা তান্দুনা ফংহনগদবনি। হৌজিক ওইরক্লিবা ফিবম অসিদা য়ুম্ফম ওইরগা রাজ্যশিং লমজিংনবা পীরিবা চেকশিনৱাশিং য়েংশিনগদবনি অমসুং মতম মতমগী অনৌবা চেকশিনৱাশিং পীগদবনি।

অনৌবা কেসশিং হেনগৎলক্লিবা মফমশিং মশক খঙদোকপা অসি য়াম্না মরুওই অমসুং রাজ্যশিংনা আই.এল.আই/সারি কেসশিং য়েংশিনগদবনি , কোবিদ-১৯ চাংয়েং তৌনবা সেম্পলশিং মতিক চানা থাগদবনি অমসুং হোল জিনোম সিক্বেন্সিংগী থবক ফগৎহন্নবা মীফম অদুদা শরুক য়াখিবশিংনা ফোঙদোকখি।

দোক্তর পি.কে মিশ্রানা হায়খি মাইকৈ মঙা ফাংবা হৌজিক চৎথরিবা তেস্ত-ত্রেক-ত্রিৎ-ভেক্সিনেসনগী মাইপাক্লবা লাল্লোং মখা চৎথগদবনি অমসুং কোবিদকা চুনবা লমচৎ-শাজৎশিং ঙাক্না চৎকদবনি অমসুং কোবিদকা চুনবা লমচৎ-শাজৎশিংগী মতাংদা মীয়াম ৱাখল তাবা হেনগৎহনগদবনি অমসুং কোমথোক্না লৈতনবা মীয়ামদা চেকশিনৱা থমগদবনি।

কোবিদ-১৯গী ফিবমগী মতাংদা চেকশিন্না মীকুপ-নাহুম শিংনা লৈনবা অমসুং কোবিদ-১৯ শন্দোরকপা থিংনবা দরকার ওইবা থবকশিং লৌখৎনবা মহাক্না ওফিসিএলশিংদা পাউতাক পীখি।

****