সেন্ত্রেল কাউন্সিল ফোর রিসর্চ ইন আয়ুর্বেদ সাইন্স (CCRAS)কী “আয়ুশ সেক্তরদা মন কী বাতনা পীবা শাফু” হায়বসিদা মিৎয়েং চঙবা অখন্নবা ওফিসিএল রিসর্চ পব্লিকেসন, জর্নেল ওফ রিসর্চ ইন আয়ুর্বেদিক সাইন্সকী অখন্নবা খুৎফোং অমা আয়ুশ মন্ত্রালয়না ফোঙখ্রে। জর্নেল অসিগী অখন্নবা খুৎফোঙ অসি আয়ুশ অমসুং পোর্ত, শিপ্পিং অমসুং ৱাতরৱেজকী মন্ত্রী, শ্রী সর্বানন্দ সোনোৱালনা আয়ুশকী সেক্রেতরী বৈদ্যা রাজেশ কোতেচা অমসুং মন্ত্রালয়গী সেনিয়র ওফিসিএলশিংনা শরুক য়াবা থৌরমদা ফোঙখিবনি।

শ্রী সর্বানন্দ সোনোৱালনা মহাক্কী ৱারোলদা অসুম্না হায়খি, “আয়ুশকী পথাপ্তা মীয়াম্না থাজবা থমনহনবদা প্রধান মন্ত্রীগী “মন কী বাত”কী ৱারী ৱাতাইশিংনা অচৌবা থৌদাং য়াখি। ইনোভেতিব ওইবা অমসুং ৱারী ৱাতাই শাদুনা হীরম অমা লান্থোকপগী তোপ-তোপ্পা মতৌ চেনবা রেদিও প্রোগ্রাম অসিনা মশাগী মফম অমা কনখ্রে অমসুং মসিবু খুন্নাইশিংনা য়াম্না পাম্নরি। জর্নেল অসিগী অখন্নবা খুৎফোং অসিনা ঐখোয়গী পি.এম.গী আয়ুশ সেক্তরগা মরী লৈনবা ৱাখল্লোন কয়াদগী ইথিল লৌই”।

“মন কী বাত”কী চাউরাকপা তাঙ্কক 37তা আয়ুশকী মতাংদা পনখি। প্রধান মন্ত্রীনা মীয়াম্না হকশেল ফবা পুন্সি মহিং অমা হিংসি, য়োগ তৌসি অমসুং আয়ুর্বেদদা য়ুম্ফম ওইবা খুদম শিজিন্নবগা লোয়ননা পুন্সি মহিংদা আয়ুর্বেদগী পুন্সি মহিংসু য়াওহনসি হায়না মীয়ামদা হায়খি। প্রধান মন্ত্রীনা আয়ুশ সেক্তরবু খুমাং চাউশিলহন্নবা হোৎনরিবা কয়া অসিগী মহৈ ওইনা, ভারত খক্তদা নত্তনা মালেম পুম্বদা ভারতকী নাৎকী হিদাক লাংথক্কী পথাপকী কান্নবশিংবু খঙবগী চাং য়াম্না হেনগৎখি।

জর্নেল অসিগী অখন্নবা খুৎফোঙ অসিদা য়াওরিবা ৱাফম কয়া অসিদি প্রধান মন্ত্রী শ্রী নরেন্দ্র মোদীনা মমাংগী চহি 9দা আয়ুশ পথাপকী মতাংদা শাখিবা ৱারী ৱাতাই কয়ানা ইথিল পীবনি। মসিনা আয়ুশ সেক্তরদা “মন কী বাত”না পীবা শাফু অমসুং আয়ুশনা লৈবাক্কী হেল্থ পোলিসী অমসুং হেল্থ ইন্তর্ভেন্সন কয়াগী তঙাই ফদবা য়ুম্বী অমা অমা মতৌ করম্না ওইরক্লিবনো হায়বদা মিৎয়েং চঙলি। শক্নাইরবা অখঙ অহৈ কয়াগী অপুনবা আর্তিকল 24 অসি পোতেন্সিএল এরিয়া 7, হায়বদি, পোলিসী অমসুং পব্লিক হেল্থ; সাইন্স অমসুং ইভিদেন্স; হেল্থ এজুকেসন অমসুং এৱিয়র্নেস; য়োগ অমসুং স্বস্থভ্রৃত্তা (পুন্সি মহিং, শাজেল তৌবা, চিঞ্জাক অমসুং মচি ওইবা চিঞ্জাক); কোরোনাগী মাইয়োক্তা লান্থেংনবা; ইন্দস্ত্রী অমসুং একাদমিয়ানা তেংবাংনবা; অমসুং গ্লোবেলাইজেসন অমসুং ইন্তর্নেস্নেল কোওপরেসনগী মনুং চল্লি।

মসিগী অখন্নবা খুৎফোং অসিদা আয়ুশকী কেন্দ্র মন্ত্রী, শ্রী সর্বানন্দ সোনোৱাল; আয়ুশকী রাজ্য মন্ত্রী, দাঃ মুঞ্জাপারা মহেন্দ্রভাই; আয়ুশ মন্ত্রালয়গী সেক্রেতরী, বৈদ্যা রাজেশ কোতেচা; একাদমিয়া ( NIMHANSকী NMC হান্নগী দাইরেক্তর,দাঃ বি.এন. গঙ্গাধরগুম্বা), ইন্দস্ত্রী (পত্তাঞ্জলীগী অচার্য়া বালকৃষ্ণ, ইমামীগী দাঃ সি.কে. কতিয়ারগুম্বা), রিসর্চ (CSIR-TKDLগী দাঃ ভিস্বজননী সত্তিগেরী) গুম্বা শক্নাইরবা অইবা; ক্লিনিসিয়ন; এক্সপর্ত ( মুম্বাইগী তাতা মেমোরিএল সেন্তরগী দাইরেক্তর, দাঃ রাজেন্দ্র এ. বারৱে); বাইওতেক্নোলোজী এক্সপর্ত (সাবিত্রিভাই ফুলে পুনে য়ুনিভর্সিতী, বাইওতেক্নোলোজীগী প্রোফেসর অমসুং মকোক থোংবা, কলপনা জোশী); ইন্তর্নেস্নেল এক্সপর্ত অমসুং স্তেকহোলদর (জর্মনী, স্বীদেন অমসুং USA)শিংনা খুৎফোং অসিদা তেংবাংখি।

জর্নেল ওফ রিসর্চ ইন আয়ুর্বেদিক সাইন্স (JRAS) অসিদি নই দিল্লীগী সেন্ত্রেল কাউন্সিল ফোর রিসর্চ ইন আয়ুর্বেদিক সাইন্স (CCRAS)কী পীয়রশিংনা রিভিয়ু তৌবা, ওপন এক্সেস ওইবা, UGC-CAREদা য়াওবা ওফিসিএল পব্লিকেসন অমনি। জর্নেল অসি থা মরি খুদিংগী ফোঙই অমসুং নম্থোক্লবা অমসুং ওনলাইনগী মওং অনিমক্তা ফংগনি। মসিদি ইন্তর্দিসিপ্লিনরী হেল্থ সাইন্স য়াওনা আয়ুর্বেদ, য়োগ, নেচ্যুরোপেথী, সিদ্ধ, হোমিওপেথীগী লমদা পাংথোকপা রিসর্চশিং ফোঙবগী মলতিদিসিপ্লিনরী প্লেতফোর্ম অমনি। জর্নেল অসি মালেমগী খ্বাইদগী চাউবা ওপন এক্সেস পব্লিশর অমা ওইদুনা মশাগী পোর্তফোলিওদা মেদিকেল জর্নেল 450+ লৈরবা ৱোলতর্স ক্লুৱর হেল্থকী শরুক অমা ওইরিবা মেদনোনা ফোঙবনি।

*****