প্রধানমন্ত্রীগী লোইশঙ
পি.এম.না কেরালাগী ত্রিসুরদা লৈবা শ্রী সীতারাম স্বামী মন্দিরদা পাঙথোকপা থৌরমদা ৱা ঙাংখ্রে
“সিম্বলদা ভারত অসি ময়েক শেংনা উজরবসু মাগী লৌশিং অমসুং ৱাখল্লোন্দা হিংলি। ভারতনা মুৎনাইদ্রবা লম্বীদা চৎনবা মাগী খোঙচৎতা হিংলি”
“ঐখোয়গী মন্দিরশিং অমসুং তীর্থ য়াত্রাশিংনা চহিচা কয়াদগী ঐখোয়গী খুন্নাইগী ভেল্যু অমসুং চাউখৎনবগী খুদমশিং ওইদুনা লাকখি”
Posted On:
25 APR 2023 9:31PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও মেসেসকী থোংদা ত্রিসুরদা শ্রী সীতারাম স্বামী মন্দিরগী থৌরম অমদা ৱা ঙাংখ্রে। মহাক্না ত্রিসুর পুরম কুহ্মৈগী য়াইফরবা থৌরমদা মীপুম খুদিংমক্তা য়াইফ-পাউজেল পীখ্রে।
প্রধান মন্ত্রীনা স্পিরিচুএলিতী, ফিলোসোফী অমসুং কুহ্মৈশিংগা লোয়ননা নাৎ, চৎনবী অমসুং কলা চাউখৎলিবা কেরালাগী কলচরেল কেপিতেল ওইনা ত্রিসুরনা কল্লিবা মফম অসিবু শকখঙখি। প্রধান মন্ত্রীনা ত্রিসুরনা মাগী হেরিতেজ অমসুং আইদেন্তিতী অসি হিংহন্দুনা থম্মি অমসুং শ্রী সীতারাম স্বামী মন্দিরনা মাইকৈ অসিদা মরু ওইবা সেন্তর অমা ওইনা মথৌ তৌরি।
প্রধান মন্ত্রীনা মন্দির অসি পাকথোক চাউথোকপদা নুংঙাইবা ফোঙদোকখি অমসুং ভগবান শ্রী সীতারম অমসুং ভগবান আয়াপ্পা অমদি ভগবান শিবতা সনানা য়োম্বা গর্ভা গৃহ কত্থোকখি হায়নসু ফোঙদোকখি। মহাক্না ফুত ৫৫ ৱাংবা ভগবান হনুমানগী মীতম অমা খিনখিবগীদমক থাগৎখি অমসুং কুমভাভিশেকমগীদমক মীয়ামদা য়াইফ পাউজেল পীখি।
কল্যানগী ইমুং অমসুং শ্রী তি.এস. কল্যানরামন্না শরুক তমখিবা অদুবু থাগৎখি অমসুং মন্দিরগী মতাংদা মহাক্না মমাংদা উনখিবা অমসুং খন্ন-নৈনখিবা অদু নীংশিংখি। প্রধান মন্ত্রীনা থৌরম অসিদা মঙোন্দা ফাওবা স্পিরিচুএলগী ওইবা নুংঙাইবা অদু ফোঙদোকখি।
প্রধান মন্ত্রীনা হায়খি ত্রিসুর অমসুং শ্রী সীতারাম স্বামী মন্দিরনা লাইনীংগী খ্বাইদগী ৱাংবা থাক ওইবা খক্তা নত্তনা ভারতকী ৱাখল তাবা মতৌ অমসুং থৱায়গী মমিসু ওইরি। শ্রী মোদীনা মেদিবেল মতমদা লোইলম শন্দোকপা লাকখিবা মতম অদু নীংশিংখি। প্রধান মন্ত্রীনা হায়খি লোইলমগী মীওইশিং অসিনা মন্দিরশিং থুগাইবা মতমদা মখোয়না খঙখি মদুদি ভারত অসি সিম্বল ওইনা ময়েক শেংনা লৈরবসু মাগী লৌশিং অমসুং ৱাখল্লোন্দা হিংই। ভারতনা মুৎনাইদ্রবা লম্বী ফংনবা হোৎনখি হায়না মহাক্না মখা তাখি। “ভারতকী থৱায়না শ্রী সীতারাম স্বামী অমসুং ভগবান আয়াপ্পাগী মওংদা মাগী অমর অদু তাক্লি। মতম অদুগী মন্দিরশিং অদুনা ‘এক ভারত শ্রেস্থা ভারত’কী ৱাখল্লোন অসি চহি লিশিং কয়াগী অমর ওইরবা ৱাখল্লোন অমনি তাকখি। ঙসি আজাদী কা অমৃত কাল অসিদা ঐখোয়না ঐখোয়গী হেরিতেজকী চাউথোকচবা পোক্নবা ৱাশক লৌদুনা ৱাখল্লোন অসি মাংদা পুখৎলি”।
শ্রী সীতারাম স্বামী মন্দিরনা অরিবা ভারতকী ফজবা অমসুং মতিক-ময়াই ঙাক্তুনা থম্বদা নুংঙাইবা ফোঙদোক্লদুনা প্রধান মন্ত্রীনা হায়খি, “ঐখোয়গূ মন্দিরশিং অমসুং তীর্থ য়াত্রাগী মফমশিংনা চহিচা কয়াদগী ঐখোয়গী খুন্নাইগী ভেল্যুশিং অমসুং চাউখৎপগী মতৌগী খুদমশিং ওইদুনা লাকখি”। মন্দির অসিগী খুত্থাংদা মীয়ামগী য়াইফনবা থৌরম কয়াগী মতাংদা পল্লদুনা প্রধান মন্ত্রীনা হায়খি খুন্নাইদগী রিসোর্সশিং ফংলিবা মফমদা সিস্তেম অমা লৈহন্দুনা সর্ভিস পীরি। মহাক্না মন্দির কম্মিতিদা খোঙথাংশিং অসিদা, শ্রী অন্ন অভিয়ান, স্বচ্ছতা অভিয়ান নত্ত্রগা মহৌশাগী লৌউ-পথাপকী পব্লিক এৱের্নেস পীবা ওইরবসু লৈবাক্কীদমক হেন্না ফিরেপ লৌনবা হায়খি। ৱারোল পীবা লোইশিনবদা প্রধান মন্ত্রীনা শ্রী শ্রী সীতারম স্বামীজীগী থৌজালশিং মীপুম খুদিংমক্তা পীবীদুনা লৈবাক্কী পান্দমশিং অমসুং ফিরেপশিং থুংহন্নবা থবক মাইপাকহনগনি হায়না থাজবা ফোঙদোকখি।
***
(Release ID: 1919854)
Visitor Counter : 104
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam