அருணாச்சலப் பிரதேசத்தின் வளர்ச்சிக்கான மக்களின் எதிர்வினைக்கு பதிலளித்த பிரதமர் திரு நரேந்திர மோடி, "அருணாச்சலப் பிரதேச மக்கள் விதிவிலக்கானவர்கள். அவர்கள் தேசபக்தியில் அசைக்க முடியாதவர்கள். இந்த சிறந்த மாநிலத்திற்காக உழைத்து அதன் மேன்மையை உணர உதவுவது ஒரு மரியாதை" என்றார்.

மத்திய அரசு மற்றும் அருணாச்சலப் பிரதேச அரசு ஆகியவற்றின் கூட்டு முயற்சியில், 254 4-ஜி மொபைல் கோபுரங்கள் ஏப்ரல் 22, 2023 அன்று மத்திய தகவல் தொடர்பு, ரயில்வே மற்றும் தகவல் தொடர்புத் துறை அமைச்சர் திரு.அஷ்வினி வைஷ்ணவ் முன்னிலையில் நாட்டுக்கு அர்ப்பணிக்கப்பட்டது. மத்திய சட்டம் மற்றும் நீதித்துறை அமைச்சர் திரு. கிரண் ரிஜிஜு, அருணாச்சல பிரதேச முதல்வர் திரு பெமா காண்டு, மத்திய தகவல் தொடர்பு இணை அமைச்சர் திரு.தேவுசின் சவுகான் மற்றும் அருணாச்சல துணை முதல்வர் திரு.சௌனா மெய்ன் மற்றும் மூத்த அதிகாரிகள் நிகழ்ச்சியில் பங்கேற்றனர்.

இந்த கோபுரங்கள் 336 கிராமங்களை உள்ளடக்கியது. அருணாச்சல பிரதேசத்தில் ஆயிரக்கணக்கான மக்கள் இதனால் பயனடைவர். பல துறைகளில் பல்வேறு டிஜிட்டல் சேவைகளை உறுதி செய்யும் குடியிருப்பாளர்களுக்கு அதிவேக நெட்வொர்க் இணைப்பை பயனாளிகள் பெற முடியும். கல்வி, சுகாதாரம், இ-வர்த்தகம் மற்றும் விவசாயம் போன்றவை சமூக-பொருளாதார வளர்ச்சிக்கு வழிவகுக்கும்.

பாரத் நெட் திட்டத்தின் கீழ் 1,310-க்கும் மேற்பட்ட கிராம பஞ்சாயத்துகள் கண்ணாடி இழையால் இணைக்கப்பட்டுள்ளன. மேலும் 1,156-க்கும் மேற்பட்ட கோபுரங்கள் டிஜிட்டல் சேர்க்கையை கொண்டு வர திட்டமிடப்பட்டுள்ளது. 5G சேவைகள் சமீபத்தில் இட்டாநகரில் தொடங்கப்பட்டுள்ளது. விரைவில்  மற்ற பகுதிகளுக்கும் விரிவுபடுத்தப்படும்.

அருணாச்சலப் பிரதேசத்தின் துணை முதல்வர் திரு.சௌனா மெய்ன், கடந்த 8 ஆண்டுகளில், இந்திய அரசின் முயற்சிகள் ரயில்வே, சாலை மற்றும் தொலைத்தொடர்பு ஆகியவற்றில் சிறந்த இணைப்பைக் கொண்டு வந்துள்ளது என்று பாராட்டினார்.

அனைத்து சவால்களையும் சமாளித்து இணைப்பைக் கொண்டுவருவதற்கான முயற்சிகளைப் பாராட்டிய மத்திய தகவல் தொடர்புத் துறை இணையமைச்சர் திரு.தேவுசின் சவுகான், இட்டாநகரில் தேசிய அஞ்சல் மையத்தை உருவாக்குதல் மற்றும் மாநிலத்தில் அஞ்சல் இணைப்பைக் கொண்டுவருவதற்கான பல்வேறு முயற்சிகள் குறித்தும் பேசினார்.

 அருணாச்சல பிரதேச முதல்வர் பெமா காண்டு, இன்று வரலாற்றுச் சிறப்புமிக்க நாள் என குறிப்பிட்டுள்ளார். 2014-ம் ஆண்டு முதல் அருணாச்சலப் பிரதேசத்தில் உள்கட்டமைப்பு மேம்படுத்தப்பட்டுள்ளதாகவும், அதன் விளைவாக மாற்றம் ஏற்பட்டுள்ளதாகவும் அவர் குறிப்பிட்டுள்ளார். டிஜிட்டல் உள்ளடக்கம் ஊழலை அகற்ற உதவியது. 100% இ-அலுவலகம் பயன்படுத்தப்பட்டு வருவதாகவும், அருணாச்சல பிரதேச சட்டசபை இ-விதான் திட்டத்தை செயல்படுத்தியதாகவும் அவர் குறிப்பிட்டார். அருணாச்சலப் பிரதேசம் சூரியன் உதிக்கும் நிலம் என்று மட்டும் குறிப்பிடப்படாமல், உதயமாகும் வளர்ச்சியின் நிலமாகவும் குறிப்பிடப்படுகிறது என்றும் பெருமிதம் தெரிவித்தார்..

மத்திய சட்டம் மற்றும் நீதித்துறை அமைச்சர் திரு.கிரண் ரிஜிஜு, அனைத்து திட்டங்களையும் செயல்படுத்துவதற்கு மத்திய மற்றும் மாநில அரசு அதிகாரிகளின் ஒத்துழைப்பை வலியுறுத்தினார். மற்றொரு திட்டத்தின் ஒரு பகுதியாக, அதாவது 4-ஜி செறிவூட்டல் திட்டத்தின் ஒரு பகுதியாக, 2,424  4 - ஜி  தளங்கள் நிறுவப்பட உள்ளன. துடிப்பான கிராமத் திட்டம் மற்றும் எல்லைப்புற நெடுஞ்சாலை ஆகியவை குடிமக்களின் விரிவான வளர்ச்சி மற்றும் வாழ்க்கையை மாற்றும் என்றார். மாநில அரசின் முயற்சிகளைப் பாராட்டிய அவர், மார்ச், 2024க்குள் அனைத்து கிராமங்களும் இணைக்கப்படுவதற்கான பணிகளை மேற்கொள்ள வேண்டும் என்றும் வலியுறுத்தினார். 2047-க்குள் இந்தியாவை வளர்ந்த நாடாக மாற்றும் நோக்கத்தை அடைய எல்லைப் பகுதிகள் பெரும் பங்களிப்பை அளிக்கும் என்றும் அவர் குறிப்பிட்டார்.

மத்திய தகவல் தொடர்பு, ரயில்வே மற்றும் தகவல் தொழில்நுட்பத் துறை அமைச்சர் திரு.அஷ்வினி வைஷ்ணவ் தனது உரையில், கடினமான நிலப்பரப்பில் இந்த கோபுரங்களை நிறுவுவது ஒருங்கிணைந்த முயற்சிக்கான உதாரணம் என்று தெரிவித்தார். தவாங்கில் 12,600 அடி உயரத்தில் கோபுரத்தை நிறுவியதற்கான உதாரணத்தை மேற்கோள் காட்டி, கடினமான நிலப்பரப்பின் சவால்களை சமாளிப்பது குறித்து அவர் விளக்கினார். இந்த சாதனைக்காக பாதுகாப்புப் படைகள், மாவட்ட நிர்வாகம், சேவை வழங்குநர்கள், மத்திய மற்றும் மாநில அரசு அதிகாரிகளுக்கு நன்றி தெரிவித்தார்.

அருணாச்சல பிரதேசத்தில் உள்ள ஒவ்வொரு தொலைதூர கிராமத்திற்கும் மற்றும் ஒவ்வொரு நபருக்கும் உலகத்தரம் வாய்ந்த இணைப்பை வழங்குவதற்காக, "அனைவரும் ஒன்றிணைவோம் அனைவருக்குமான வளர்ச்சி அனைவருக்குமான நம்பிக்கை அனைவருக்குமான முயற்சி"  ஆகியவற்றின் படி இந்திய அரசு இடைவிடாது உழைத்து வருகிறது.

***

CR/CJL/DL