প্রধান মন্ত্রী, শ্রী নরেন্দ্র মোদীনা ৱর্ল্দ বেঙ্ককী থৌরম – ‘পর্সনেল ওইহনবাঃ ইশাগী লিচৎ শাজৎ হোংদোকপনা ক্লাইমেত চেঞ্জকা মতৌ করম্না মাইয়োক্নগনি’ হায়বসিদা ভিদিও মেসেজকী খুত্থাংদা ৱা ঙাঙখি। প্রধান মন্ত্রীনা থীম অসিগা মহাক মশাগা লৈনবা মরী খঙলদুনা মসিনা মালেমগী ইহৌ অমা ওইরকপসিদা নুংঙাইবা ফাওই হায়খ্রে।

প্রধান মন্ত্রীনা চানাক্যাগী ৱারোল পল্লদুনা অপীকপা থবকশিংগী মরু ওইবদা মিৎয়েং চঙখি অমসুং “গ্রহ অসিগীদমক্তা পাংথোকপা অপীকপা থবক অমখক য়েংলুরগদি মদু থোইদোক্না মশক থোকপা ওইনা উদে। অদুবু, মালেম পুম্বগী মীওই বিলিয়ন্না মদুবু পুন্না পাংথোক্লকপা মতমদা, মদুনা অচৌবা শাফু পীগনি। ঐখোয়গী গ্রহগীদমক্তা অচুম্বা ৱারেপ লৌবা মীওইশিং অসি ঐখোয়গী গ্রহগীদমক্তা লান্থেংনবা মতমদা য়াওম্না মরু ওইরক্কনি। মসি মিসন লাইফকী মরু ওইবা ৱাফম্নি” হায়না হায়খি।

প্রধান মন্ত্রীনা লাইফ মুবমেন্ত হৌদোক্লকপগী মতাংদা ৱা ঙাঙলদুনা, মহাক্না ওক্তোবর 2015গী য়ুনাইতেদ নেসন্স জেনেরেল এসেমব্লীদা লিচৎ শাজত্তা অহোংবা পুরকপগী তঙাই ফদবগী মতাংদা হায়খিবা অমসুং ওক্তোবর 2022দা মহাক অমসুং UNগী জেনেরেল সেক্রেতরীনা মিসন লাইফ হৌদোকখিবগী থৌওংশিং নিংশিংখি। মসিগী মহৈ ওইরিবা CoP-27গী চে-চাং অসিগী ৱাহৌদোক্তা সস্তেনেবল লাইফস্তাইল অমসুং কঞ্জম্পসনগী মতাংদা পল্লি হায়না মহাক্না হায়খি। সরকারনা পাংথোকপা খক্তা নত্তনা মখোয়সু মতেং পাংবা য়াই হায়না মীয়াম্না খঙলকপা মতমদা “মখোয়না পাখৎলিবশিংদু থবক্তা ওইনা পাংথোক্লক্কনি” হায়না প্রধান মন্ত্রীনা হায়খি। মহাক্না ক্লাইমেত চেঞ্জ অসি কনফরেন্স তেবল খক্তদগী লান্থেংনবা য়ারোই, মসিদি য়ুম্থোং খুদিংগী দিন্নর তেবলদগী লান্থেংনগদবনি। ৱারী ৱাতাই অমবু দিসকসন তেবলদগী শান্নবগী চাবা থকপগী তেবলদা হোংলকপা মতমদা মসিনা মীয়ামগী ইহৌ ওইরকই। মীওই অমসুং ইমুং মনুং খুদিংদা মখোয়না পামদুনা পাংথোক্লিবা থবকশিংনা গ্রহ অসিবু মতেং পাংবা ঙম্মি, ইহৌ অসিবু হেন্না চাউথোকহনবা ঙম্মি হায়না খঙনবা তাই।মিসান লাইফ হায়বসিদি ক্লাইমেত চেঞ্জকী মাইয়োক্তা চঙশিল্লিবা লানবু দিমোক্রেতাইজ তৌবনি। নোংমগী পুন্সিদা পাংথোকপা অপীকপা থবক অমা অসিসু মপাঙ্গল য়াম্না লৈ হায়না মীয়াম্না খঙলকপা মতমদা, মদুনা ইনভাইরনমেন্ততা অফবা শাফু পীবা ঙমগনি”।

শ্রী মোদীনা মহাক্না খল্লিবশিং অসিবু ভারত্তগী লৌবা খুদম অমগী খুত্থাংদা তাকখি অদুগা অসুম্না হায়খি, “মীয়ামগী ইহৌ অমসুং লিচৎ শাজত্তা অহোংবা পুরকপা হায়বা হীরম অসিগী মতাংদা ভারতকী মীয়াম্না মমাংগী চহি খরদা থবক য়াম্না পাংথোকখ্রে”। মহাক্না সেক্স রেসিও ফগৎলকপা, লু-নানবগী অচৌবা দ্রাইব পাংথোকপা, LED বল্ব শিজিন্নবা অমসুং মসিনা মরম ওইরগা চহি খুদিংগী কার্বন্দাইওক্সাইদ ইমিসন চাউরাকপা মিলিয়ন তন 39 থিংবগী খুদম পীখি। লৌ উনবা লবুক চাউরাকপা হেক্ত্যার লাখ অমমুক্কী মফম্বু মাইক্রো ইরিগেসনগী মখাদা পুরক্তুনা ঈশিং কনবা অসিসু খুদম অমনি।

লোকেল বোদীশিংবু ইনভাইরনমেন্ত ফ্রেনলী ওইহনবা, ঈশিং য়োকশিনবা, ফত্ত-হৌদী অমসুং ই-ৱেস্ত পুথোকপা হন্থহনবা, হকশেল ফবা পুন্সি মহিং হিংবা, নেচরেল ফার্মিং পাংথোকপা, মিল্লেত খুমাং চাউশিলহনবনচিংবা হীরম কয়াদা সরকারনা মিসন লাইফকী মখাদা থবক তৌই হায়না শ্রী মোদীনা পাউদমখি।

হায়রিবা হোৎনজমনশিং অসিনা ইং 2030 ফাওবদা  ইনর্জীগী য়ুনিৎ বিলিয়ন কুন্নিথোই হেনবা, ঈশিংগী লিতর ত্রিলিয়ন মাপন কনবা ঙমগনি, ফত্ত হৌদীবুনা মিলিয়ন তন চহুম হুম্ফুতরা মঙা হন্থহনগনি, ই-ৱেস্তকী চাউরাকপা মিলিয়ন তন অমা রিসাইকল তৌগনি অমসুং অহেনবা দোল্লর মিলিয়ন চাম্মা হুম্ফুতরাগী শেনফম কনবা ঙমহনগনি হায়না মহাক্না হায়খি। “মখা তারকপদা, মসিনা চিঞ্জাক তন বিলিয়ন তরামঙাগী চিঞ্জাক মাঙহনগদবসু ঐখোয়দা কনবদা তেংবাংগনি। চাং অসি কয়া য়াম্না চাউই খঙনবা ঐহাক চাংয়েংনবগী থৌওং অমা হায়জগে। মালেমগী ইং 2020গী পাইমারী মহৈ-মরোং পুথোকপগী চাং অসি চাউরাক্না বিলিয়ন তন মাপ্লনি হায়না FAOনা হায়খি’, হায়না মহাক্না শন্দোক্না তাকখি।

মালেমগী লৈবাকশিংবু পুক্নিং থৌগৎপদা মালেমগী ইন্সতিত্যুসনশিংনা অচৌবা থৌদাং য়াগদবা অমা লৈ হায়না প্রধান মন্ত্রী মোদীনা মিৎয়েং চঙখি। ৱর্ল্দ বেঙ্ক গ্রুপ্না অপুনবা ফাইনানশিংগী শেয়র অমা ওইনা ক্লাইমেত ফাইনান্সপু 26%দগী 35%দা হেনগৎকনি হায়না থমখিবা ৱাহৌদোক অদুদা মিৎয়েং চঙলদুনা, মসিগুম্বা ক্লাইমেত ফাইনান্সকী অয়াম্বা মিৎয়েং অসিদি অয়াম্বা মতমদা পাংথোক্নবা হীরমশিংদা চঙনৈ হায়না মহাক্না হায়খি। “লিচৎ শাজৎকা মরী লৈনবা খোঙথাংগীদমক্তা মতিক চানা শেল থাদবগী থৌওং শেম্বা তাই।  লিচৎ শাজৎকা মরী লৈনবা খোঙথাংগীদমক্তা ৱর্ল্দ বেঙ্কনা উৎলিবা তেংবাং অসিনা হীরম কয়াদা কান্নবা পীবা য়াই”, হায়রদুনা মহাক্কী ৱারোল লোইশিনখি।

My remarks at the @WorldBank programme on ‘Making it Personal: How Behavioral Change Can Tackle Climate Change’. https://t.co/D7sWj3Huz2

— Narendra Modi (@narendramodi) April 15, 2023

***