ରାଜସ୍ଥାନର ପ୍ରଥମ ବଂଦେ ଭାରତ ଏକ୍ସପ୍ରେସକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି (୧୨-୦୪-୨୦୨୩) ଆଭାସୀ ମାଧ୍ୟମରେ ପତାକା ଦେଖାଇ ଶୁଭାରମ୍ଭ କରାଇଛନ୍ତି ।

ସମବେତ ଜନତାଙ୍କୁ ଉଦବୋଧନ ଦେଇ ଶୌର୍ଯ୍ୟଭୂମି ରାଜସ୍ଥାନର ପ୍ରଥମ ବଂଦେ ଭାରତ ଟ୍ରେନର ପତାକା ଦେଖାଇ ଚଳାଚଳର ଶୁଭାରମ୍ଭ କରିଛନ୍ତି । ଏହା ଜୟପୁର ଓ ଦିଲ୍ଲୀ ମଧ୍ୟରେ ଯାତ୍ରାକୁ ସୁଗମ କରିବା ସହ ରାଜସ୍ଥାନର ପର୍ଯ୍ୟଟନ ଶିଳ୍ପକୁ ମଧ୍ୟ ଅଭିବୃଦ୍ଧିର ସୁଯୋଗ ପ୍ରଦାନ କରିବ । ଏହା ବିଶ୍ୱାସର ସ୍ଥଳ ତୀର୍ଥରାଜ ପୁସ୍କର ଓ ଆଜମେର ସରିଫକୁ ଯାତ୍ରା କରିବାର ବାଟ ଖୋଲିବ ।

ଗତ ଦୁଇମାସ ମଧ୍ୟରେ ପ୍ରଧାନମନ୍ତ୍ରୀ କିପରି ଦେଶରେ ୬ଟି ବଂଦେ ଭାରତ ଟ୍ରେନର ପତାକା ଦେଖାଇ ଯାତ୍ରାରମ୍ଭ କରିଛନ୍ତି ତା’ର ସ୍ମୃତିଚାରଣ କରିଥିଲେ । ସେଗୁଡ଼ିକ ମଧ୍ୟରେ ଦିଲ୍ଲୀ-ଜୟପୁର ବଂଦେ ଭାରତ ଏକ୍ସପ୍ରେସ, ମୁମ୍ବାଇ-ବେଙ୍ଗାଲୁର ବଂଦେ ଭାରତ ଏକ୍ସପ୍ରେସ, ମୁମ୍ବାଇ-ଶିରିଡି ବଂଦେ ଭାରତ ଏକ୍ସପ୍ରେସ, ରାଣୀ କମଳାପତି-ହଜରତ ନିଜାମଉଦ୍ଦିନଙ୍କ ବଂଦେ ଭାରତ ଏକ୍ସପ୍ରେସ, ସିକନ୍ଦରାବାଦ-ତିରୁପତି ବଂଦେ ଭାରତ ଏକ୍ସପ୍ରେସ ଓ ଚେନ୍ନାଇ-କୋଏମ୍ବାଟୁର ଏକ୍ସପ୍ରେସ ଅନ୍ତର୍ଭୁକ୍ତ । ବଂଦେ ଭାରତ ଏକ୍ସପ୍ରେସ ଆରମ୍ଭ ହେବା ପରଠାରୁ ଏ ପର୍ଯ୍ୟନ୍ତ ୬ଠ ଲକ୍ଷ ଯାତ୍ରୀ ଯାତ୍ରା କରିଛନ୍ତି ବୋଲି ପ୍ରଧାନମନ୍ତ୍ରୀ କହିଥିଲେ । “ବଂଦେ ଭାରତ ଏକ୍ସପ୍ରେସର ଗତିରେ ଏହାର ସ୍ୱାତନ୍ତ୍ର୍ୟତା ରହିଛି ଓ ଜନସାଧାରଣଙ୍କ ସମୟ ବଞ୍ଚାଇଛି” ବୋଲି ପ୍ରଧାନମନ୍ତ୍ରୀ କହିଥିଲେ । ଏକ ଅନୁଧ୍ୟାନ ଅନୁସାରେ ପ୍ରଧାନମନ୍ତ୍ରୀ କହିଥିଲେ ଯେ ବଂଦେ ଭାରତ ଏକ୍ସପ୍ରେସରେ ଯାତ୍ରା କରୁଥିବା ଜଣେ ଯାତ୍ରୀ ପ୍ରତ୍ୟେକ ଯାତ୍ରା କାଳରେ ୨୫୦୦ ଘଣ୍ଟା ସଞ୍ଚୟ କରୁଛି । ବଂଦେ ଭାରତ ଏକ୍ସପ୍ରେସ ତିଆରି ବେଳେ ନିର୍ମାଣ କୌଶଳ, ନିରାପତ୍ତା, ଦ୍ରୁତ ଗତି ଓ ସୁନ୍ଦର ପରିପାଟୀକୁ ଆଖି ଆଗରେ ରଖାଯାଇଛି । ନାଗରିକମାନେ ବଂଦେ ଭାରତ ଏକ୍ସପ୍ରେସକୁ ଖୁବ ପସନ୍ଦ କରୁଥିବା ନେଇ ପ୍ରଧାନମନ୍ତ୍ରୀ କହିଥିଲେ ଯେ ଏହି ଏକ୍ସପ୍ରେସ ଟ୍ରେନ ଦେଶର ପ୍ରଥମ ଅର୍ଦ୍ଧ ସ୍ୱୟଂଚାଳିତ ଟ୍ରେନ ଓ ବିଶ୍ୱର ସୁସଂହତ ଓ ଦକ୍ଷ ଟ୍ରେନ । “ବଂଦେ ଭାରତ ହେଉଛି ପ୍ରଥମ ଟ୍ରେନ ଯାହାକି ଭାରତୀୟ ସୁରକ୍ଷା କବଚ ପଦ୍ଧତି ସହ ତୁଳନୀୟ” ବୋଲି ଶ୍ରୀ ମୋଦୀ କହିଥିଲେ । ଏହା ହେଉଛି ପ୍ରଥମ ଟ୍ରେନ ଯାହା ଅତିରିକ୍ତ ଇଞ୍ଜିନ ବିନା ସାୟାଦ୍ରୀ ଘାଟର ଉଚ୍ଚତାକୁ ମଧ୍ୟ ଅତିକ୍ରମ କରିଥିଲା । “ବଂଦେ ଭାରତ ଏକ୍ସପ୍ରେସ ଭାରତ ପ୍ରଥମ ସବୁବେଳେ ପ୍ରଥମ ଉତ୍ସାହକୁ ଜାଣେ” ବୋଲି ସେ କହିଥିଲେ । ବଂଦେ ଭାରତ ବିକାଶ, ଆଧୁନିକତା, ସ୍ଥାୟୀତ୍ୱ ଓ ଆତ୍ମନିର୍ଭର ଭାରତ ସହ ସମକ୍ଷକ ବୋଲି କହି ପ୍ରଧାନମନ୍ତ୍ରୀ ସନ୍ତୋଷ ବ୍ୟକ୍ତ କରିଥିଲେ ।

ନାଗରିକମାନଙ୍କ ମୌଳିକ ଆବଶ୍ୟକତା ଭଳି ଗୁରୁତ୍ୱପୂର୍ଣ୍ଣ ବିଷୟକୁ ନେଇ ରେଳବାଇକୁ ମଧ୍ୟ ରାଜନୀତି ଆଡ଼କୁ ଟାଣୁଥିବାରୁ ପ୍ରଧାନମନ୍ତ୍ରୀ କ୍ଷୋଭ ପ୍ରକାଶ କରିଥିଲେ । ସେ କହିଥିଲେ ଯେ ଭାରତ ସ୍ୱାଧୀନତା ବେଳେ ମଧ୍ୟ ଏକ ବିଶାଳ ରେଳ ବ୍ୟବସ୍ଥା ଲାଭ କରିଥିଲା । ମାତ୍ର ସ୍ୱାଧୀନତା ପ୍ରାପ୍ତି ପରେ ରାଜନୀତିକ ସ୍ୱାର୍ଥ ଆଧୁନିକୀକରଣ ଉପରେ ରହିଲା । ରେଳମନ୍ତ୍ରୀ ବାଛିବା ଠାରୁ ଟ୍ରେନର ଘୋଷଣା ଓ ଏପରିକି ନିଯୁକ୍ତି କ୍ଷେତ୍ରରେ ମଧ୍ୟ ରାଜନୀତିର ପ୍ରଚ୍ଛନ୍ନ ହାତ ରହିଲା । ରେଳବାଇରେ ଚାକିରି ଦେବା ଆଳରେ ଜମି ଦଖଲ ହେବା ସହ ଅନେକ ଜଗୁଆଳିବୀହିନ ଫାଟକ ବହୁଦିନ ଧରି ପଡ଼ି ରହିଲା ଓ ସ୍ୱଚ୍ଛତା ଏବଂ ନିରାପତ୍ତା ପ୍ରତି କୌଣସି ଧ୍ୟାନ ଦିଆଗଲା ନାହିଁ । ଯେତେବେଳେ ଜନସାଧାରଣ ୨୦୧୪ରେ ଏକ ମଜବୁତ ଓ ସଂଖ୍ୟାଗରିଷ୍ଠ ସରକାରକୁ ନିର୍ବାଚିତ କଲେ ସେତେବେଳେ ପରିସ୍ଥିତି ଟିକେ ଭଲ ଆଡ଼କୁ ଗତି କଲା । “ଯେତେବେଳେ ରାଜନୀତିକ ଛକା ପଞ୍ଝା ହ୍ରାସ ପାଇଲା ରେଳବାଇ ଶାନ୍ତିର ନିଶ୍ୱାସ ଦେବା ସହ ନୂତନ ଶିଖର ଛୁଇଁବାକୁ ଲାଗିଲା” ବୋଲି ସେ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ସରକାର ରାଜସ୍ଥାନକୁ ନୂତନ ସୁଯୋଗର ଭୂମି ଭଳି ଗଢ଼ିବାକୁ ଚାହୁଁଛନ୍ତି । ପର୍ଯ୍ୟଟନ ଅର୍ଥନୀତିର ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇଥିବା ରାଜସ୍ଥାନରେ ସଂଯୋଗୀକରଣ ଲାଗି କେନ୍ଦ୍ର ସରକାର ଅନେକ ଅଦ୍ଭୁତପୂର୍ବ କାର୍ଯ୍ୟ କରିଛନ୍ତି । ପ୍ରଧାନମନ୍ତ୍ରୀ ଫେବ୍ରୁଆରୀରେ ଲୋକାର୍ପିତ ଦିଲ୍ଲୀ-ମୁମ୍ବାଇ ଏକ୍ସପ୍ରେସ ୱେର ଦିଲ୍ଲୀ-ଦୌସା ଲାଲସଟ ସେକ୍ସନର ଲୋକାର୍ପଣ ବିଷୟରେ ଅବତାରଣା କରିଥିଲେ । ଏହି ସେକ୍ସନ ଯୋଗୁ ଦୌସା, ଅଲୱାର, ଭରତପୁର, ସୱାଇମାଧୋପୁର, ଟୋଙ୍କ, ବୁନ୍ଦୀ ଓ କୋଟା ଜିଲ୍ଲା ଉପକୃତ ହେବେ । ରାଜସ୍ଥାନର ସୀମା ଅଞ୍ଚଳର କେନ୍ଦ୍ର ସରକାର ୧୪୦୦ କିଲୋମିଟର ଦୀର୍ଘ ସଡ଼କ ତିଆରି ପାଇଁ କାର୍ଯ୍ୟ କରୁଥିବା ବେଳେ ରାଜସ୍ଥାନ ରାଜ୍ୟର ୧୦୦୦ କିଲୋମିଟର ସଡ଼କ ନିମନ୍ତେ ପ୍ରସ୍ତାବ ରଖିଛି ।

ରାଜସ୍ଥାନରେ ସଂଯୋଗୀକରଣ ପ୍ରାଥମିକତା ନେଇ ଶ୍ରୀ ମୋଦୀ କହିଥିଲେ ଯେ ତରଙ୍ଗା ହିଲରୁ ଅମ୍ବାଜୀ ପର୍ଯ୍ୟନ୍ତ ଏକ ରେଳପଥରେ କାମ ଚାଲିଛି । ଶତାବ୍ଦୀ ବ୍ୟାପୀ ଦାବିଥିବା ଏହି କାର୍ଯ୍ୟ ଏବେ ପୂରଣ ହେବାକୁ ଯାଉଛି । ଉଦୟପୁର-ଅହମ୍ମଦାବାଦ ଓସାରିଆ ରେଳପଥ କାର୍ଯ୍ୟ ସମ୍ପୂର୍ଣ୍ଣ ହେବା ସହ ଏହାର ଶତକଡ଼ା ୭୫ ଭାଗର ବିଦୁତକରଣ ମଧ ଶେଷ ହୋଇଛି, ୨୦୧୪ରୁ ରାଜସ୍ଥାନର ରେଳ ବଜେଟ ୧୪ ଗୁଣ ବୃଦ୍ଧି ପାଇଛି । ୨୦୧୪ରେ ଏହା ୭୦୦ କୋଟିରୁ ବୃଦ୍ଧି ପାଇ ଏବେ ୯୫୦୦ କୋଟିରୁ ଅଧିକ ହୋଇଛି । ରେଳପଥ ଦୋହରୀକରଣ ମଧ୍ୟ ଦ୍ୱିଗୁଣିତ ହୋଇଛି । ପ୍ରଶସ୍ତୀକରଣ ଓ ଦୋହରୀକରଣ ଯୋଗୁ ଡୁଙ୍ଗରପୁର, ଉଦୟପୁର, ଚିତୋଡ଼ଗଡ଼, ପାଲୀ ଓ ସିରୋହୀ ଭଳି ଆଦିବାସୀ ଅଞ୍ଚଳର ସୁବିଧା ହୋଇଛି । ଅମୃତ ଭାରତ ରେଳ ଯୋଜନା ଅଧିନରେ ଅନେକ ଷ୍ଟେସନକୁ ଉନ୍ନୀତ କରାଯାଉଛି ।

ପର୍ଯ୍ୟଟକମାନଙ୍କ ହିତକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ କହିଥିଲେ ଯେ ସରକାର ବିଭିନ୍ନ ପ୍ରକାର ସର୍କିଟ ଟ୍ରେନ ଚଳାଚଳ ବ୍ୟବସ୍ଥା କରିଛନ୍ତି । ସେ ଭାରତ ଗୌରବ ସର୍କିଟ ଟ୍ରେନର ଉଦାହରଣ ଦେଇଥିଲେ ଯାହାକି ୭୦ ଥର ଯାତ୍ରା କରି ୧୫ ହଜାରରୁ ଅଧିକ ଯାତ୍ରୀ ପରିବହନ କରିଛି । “ସେ ଅଯୋଧ୍ୟା-କାଶୀ ହେଉ ବା ଦକ୍ଷିଣ ଦର୍ଶନ, ଦ୍ୱାରକା ଦର୍ଶନ ବା ଶିଖ୍ ତୀର୍ଥଯାତ୍ରା ସ୍ଥଳୀ ଭାରତ ଗୌରବ ସର୍କିଟ ଟ୍ରେନ ଏପରି ଅନେକ ସ୍ଥାନକୁ ଯାତ୍ରା କରୁଛି” ବୋଲି ପ୍ରଧାନମନ୍ତ୍ରୀ କହିଥିଲେ । ସାମାଜିକ ଗଣମାଧ୍ୟମରେ ମିଳୁଥିବା ଯାତ୍ରା ସମ୍ପର୍କିତ ମତାମତ ଅନୁସାରେ ଏହି ଟ୍ରେନଗୁଡ଼ିକ ଏକ ଭାରତ ଶ୍ରେଷ୍ଠ ଭାରତ ଉତ୍ସାହକୁ ମଜବୁତ କରୁଛି ।

ଗୋଟିଏ ଷ୍ଟେସନ, ଗୋଟିଏ ସାମଗ୍ରୀ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ଭାରତୀୟ ରେଳବାଇ ଆଉ ଏକ ଉଦ୍ୟମ କରି ରାଜସ୍ଥାନର ଜିନିଷପତ୍ର ଦେଶର ଅନ୍ୟାନ୍ୟ ସ୍ଥାନରେ ପହଞ୍ଚାଇବାରେ ସାହାଯ୍ୟ କରୁଛି । ଭାରତୀୟ ରେଳବାଇ ୭୦ଟି ଗୋଟିଏ ଷ୍ଟେସନ, ଗୋଟିଏ ସାମଗ୍ରୀ ମଣ୍ଡପ ଜରିଆରେ ଜାୟପୁରୀ ରେଜେଇ, ସଙ୍ଗାନେରୀ ବ୍ଲକ ଛାପା ବିଛଣା ଚାଦର, ଗୋଲାପ ଦ୍ରବ୍ୟ ଓ ଅନ୍ୟାନ୍ୟ ହସ୍ତ କଳାକୃତି ଏହିସବୁ ମଣ୍ଡପରେ ବିକ୍ରି ହେଉଛି। ବଜାରରେ ନିଜ ସାମଗ୍ରୀ ପହଞ୍ଚାଇବା ପାଇଁ ରାଜସ୍ଥାନ ଚାଷୀମାନେ ଏହି ନୂତନ ମାଧ୍ୟମ ପାଇଛନ୍ତି । ବକ୍ତବ୍ୟ ଶେଷ କରି ପ୍ରଧାନମନ୍ତ୍ରୀ ଏହା ବିକାଶରେ ସମସ୍ତଙ୍କ ସହଯୋଗର ଉଦାହରଣ ବୋଲି କହିଥିଲେ । ଯେତେବେଳେ ରେଳ ଭଳି ଶିଳ୍ପୀ ଓ ହସ୍ତତନ୍ତ କାରିଗର ସଂଯୋଗୀକରଣ ଭିତ୍ତିଭୂମି ମଜବୁତ ସେତେବେଳେ ଦେଶ ମଧ୍ୟ ମଜବୁତ । ଦେଶର ସାଧାରଣ ନାଗରିକ, ଗରୀବ ଓ ମଧ୍ୟବିତ୍ତ ଶ୍ରେଣୀ ଏଥିରେ ଉପକୃତ ହୁଅନ୍ତି ।” ଏତିକି କହି ପ୍ରଧାନମନ୍ତ୍ରୀ ଅଭିଭାଷଣ ଶେଷ କରିବା ସହ ରାଜସ୍ଥାନ ବିକାଶରେ ଆଧୁନିକ ବଂଦେ ଭାରତ ଟ୍ରେନ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ବୋଲି ବିଶ୍ୱାସ ପ୍ରକଟ କରିଥିଲେ ।

ପୃଷ୍ଠଭୂମି-

ଉଦଘାଟନୀ ଟ୍ରେନ ଜୟପୁର ଓ ଦିଲ୍ଲୀ ଛାଉଣୀ ଷ୍ଟେସନ ମଧ୍ୟରେ ଯାତ୍ରା କରିବ । ବଂଦେ ଭାରତ ଏକ୍ସପ୍ରେସର ନିୟମିତ ଯାତ୍ରା ଏପ୍ରିଲ ୧୩, ୨୦୨୩ରୁ ଆରମ୍ଭ ହୋଇ ଏହା ଆଜମେର, ଦିଲ୍ଲୀ ଛାଉଣୀ ଯାଏ ଜୟପୁର, ଅଲୱାର ଓ ଗୁଡଗାଓଁରେ ରହଣୀ ସହ ଯାତ୍ରା କରିବ ।

ନୂନତ ବଂଦେ ଭାରତ ଏକ୍ସପ୍ରେସ ଆଜମେରରୁ ଦିଲ୍ଲୀ ଛାଉଣୀ ପହଂଚିବା ପାଇଁ ୫ ଘଣ୍ଟା ୧୫ ମିନିଟ ନେବ । ବର୍ତ୍ତମାନ ଏହି ପଥରେ ଦ୍ରୁତତମ ଟ୍ରେନ ଶତାବ୍ଦୀ ଏକ୍ସପ୍ରେସ ୬ ଘଣ୍ଟା ୧୫ ମିନିଟ ନେଉଛି । ଏହି ନୂତନ ବଂଦେ ଭାରତ ଏକ୍ସପ୍ରେସ ଯୋଗୁ ଏକ ଘଣ୍ଟା ସମୟ ଯାତ୍ରା ଅବଧି ହ୍ରାସ ପାଇବ ।

ଆଜମେର-ଦିଲ୍ଲୀ ଛାଉଣୀ ବଂଦେ ଭାରତ ଏକ୍ସପ୍ରେସ ବିଶ୍ୱର ପ୍ରଥମ ସେମି ହାଇସ୍ପିଡ ପାସେଞ୍ଜର ଟ୍ରେନ ଓଇଆଇସି ଟେରିଟୋରୀରେ ହେବ । ଏହି ଟ୍ରେନ ରାଜସ୍ଥାନର ପ୍ରମୁଖ ପର୍ଯ୍ୟଟନସ୍ଥଳୀ ପୁସ୍କର, ଆଜମେର ସରିଫ ଦରଘା ଇତ୍ୟାଦି ସହ ସଂଯୋଗ କରିବା ସହ ଅଞ୍ଚଳର ସାମାଜିକ ଆର୍ଥିକ ବିକାଶରେ ମଧ୍ୟ ସହାୟକ ହେବ ।

SM/MB