এজুকেসন অমদি স্কিল দিভেলপমেন্ত এন্দ ওন্ত্রিপ্রিন্যুরসিপ (এম.এস.দি.ই.)গী কেন্দ্র মন্ত্রী, শ্রী ধর্মেন্দ্র প্রধান্না ঙসি নই দিল্লীদা লৈবা ফ্যুচর স্কিল্স ফোমদা ভারতকী ইন্দস্ত্রিএল ত্রেনিং ইনস্তিত্যুৎ (আই.তি.আই.)শিংদা তম্লিবা মহৈরোয়শিংগী এমপ্লোইএবিলিতী স্কিল্স করিকুলমগী দিজিতেল ভর্জন ফোঙখ্রে‍। ফ্যুচর স্কিল্স ফোরম অসি ক্বেস্ত এলাইন্স, এসেঞ্চর, সিস্কো অমদি জে.পি. মোর্গন্না পুনশিন্দুনা শেম্বা ফ্যুচর রাইত স্কিল্স নেতৱর্ক (এফ.আর.এস.এন.)গী থৌরাং অমনি‍। মসিনা নহাশিংবু তুংগীদমক মরুওইবা স্কিলশিং ফংহন্নবগীদমক লৈঙাক্কী স্কিল ত্রেনিং ইনস্তিত্যুসনশিং, সিভিল সোসাইতী ওর্গনাইজেসনশিং, ইন্দস্ত্রী অমদি কোর্পোরেৎ সোসিএল রেস্পোঞ্জিবিলিতী পার্ত্রনশিংবু পুনশিল্লি‍।

থৌরম অদুদা ৱা ঙাঙলদুনা, শ্রী প্রধান্না থবক ফংবা য়াবগী মতিং হেনগৎহনবদা, ভারতকী তুংলমচৎ শেম্বদা অমদি ২১শুবা চহিচাগী শিন্মীশিং শেমগৎপদা স্কিলিংগী অওনবা পুরকপা ঙম্বা মতিক্কী মরমদা ৱাফম কয়া থমখি‍। ভারতনা নীংতম্বগী চহি ১০০ মপুং ফারকপা, চৎলিবা চহিচাসিগী মথংগী ক্বার্তরদা, ভারতনা খ্বায়দগী চাউবা শেন্মিৎলোন ওইরগনি‍। দিজিতেল পেমেন্ততগী হৌরগা ভেক্সিনেসন ফাওবদা, ঐখোয়না পুন্সিগী হীরম খুদিংদা তেক্নোলোজীবু কোনশিন্দুনা খুমাঙ চাওশিন্না চৎলি অমদি ময়াম মরক্তগী খ্বায়দগী ফবা পোত্থোকশিং অমদি সর্ভিসশিং পুথোক্লি‍। থবক মফমগী মওং মতৌ খোঙলৈ থুনা হোংলক্লিবা অমদি অনৌবা চৎলিবা খোঙচৎশিবু হোংদোকপা ঙম্বা তেক্নোলোজীশিং মথক থংবা মীওই খরখক্তা তাশিন্দুনা লৈরক্ত্রবা তেক্নোলোজীগী মতম অসিদা, ঐখোয়গী দিমোগ্রাফীগী অশেংবা মতিং ফুদোকহন্নবগী পাম্বৈ স্কিল দিভেলপমেন্তনা ওইগনি হায়না মহাক্না মখা তাখি‍।

তুংলমচৎকী থবক্কা চুনবা ৱর্কফোর্স শেমগৎনবা অমদি খুন্নাইগী কান্ননবগীদমক স্কিলিং ইকোসিস্তেম মপাঙ্গল কলহন্নবা লোয়ন-লোয়ননা এ.আই., আই.ও.তি.নচিংবা অচৌবা তেক্নোলোজীশিং শীজিন্ননবা পাম্বৈশিং খন্ন-নৈনবগীদমক ইন্দস্ত্রী লুচিংবশিংনা পুনশিল্লকপদা মহাক্না নুংঙাইবা ফোঙদোকখি‍। প্রধান মন্ত্রী শ্রী নরেন্দ্র মোদীনা লম্বী য়াৎখিবগুম্না, ভারতকী কেপাসিতীনা মালেম পুম্বদসু কান্নহনগনি‍। নেস্নেল এজুকেসন পোলিসী (এন.ই.পি.)না শেল তান্না তান্না মহৈ তম্নবগী খুদোংচাবসু শেম্লে, হায়না মহাক্না মখা তাখি‍।

দিজিতেল লেসনশিং অসিদা ফাইনেন্সিএল অমদি দিজিতেল লিতরেসী, দাইভর্সিতী অমদি ইনক্লুজন, করিয়র শেম্বা, পান্দম য়াৎপা অমদি ওন্ত্রপ্রিন্যুরসিপকী মোদ্যুলশিং য়াওরি‍। হায়রিবশিং অসি সেপ্তেম্বর ২০২২দা এম.এস.দি.ই.না পুথোকখিবা অপগ্রেদ তৌরবা ই.এস. করিকুলম অসিদগী লৌথোকপনি‍।

মতম অমা হেক্তদা, মফম অমা হেক্তদগী তম্বা য়াহন্নবগী মথৌ তাবশিং ফংহন্নবা পান্দমদা শেম্লিবা মোদ্যুলশিং অসি ভারত লৈঙাক্কী ভারত স্কিল্স পোর্তেল লোয়ন-লোয়ননা অতৈ ফম্পাকশিংদগী লর্নর মিলিয়ন ২.৫না য়েংবা য়াগনি‍। ইন্দস্ত্রীশিংদগী এক্সতিব কন্ত্রিব্যুসনগা লোয়ননা শেমগৎলিবা করিকুলম অসিদা বাইত-সাইজকী গেমিফাইদ তৌরবা মওংগী মোদ্যুল ১২ য়াওরি অমদি লেসন খুদিংমক লর্নরশিংনা মখোয়না তম্লিবা অদি চাং য়েংজবা য়ানবগীদমক শেম শারবা এসেসমেন্তশিংনা মতুং ইল্লি‍। মোদ্যুলশিং অসিদা ইল্লিবা ৱারী লীবগী মওং মতৌ অসিনা তম্লিবা মীওইশিংনা লৌশিনবা ঙমগদবা ফীভমশিং পীদুনা মখোয়না তশেং তশেংবা পুন্সিদা পানশিনবা য়াগদবা মওং ওইহল্লি‍। কন্সত্রিক্তিব ফীদবেক সিস্তেম অসিনা অকক্নবা, মতম চাবা, থবক ওইনা তৌবা য়াবা ফীদবেক ফংহন্দুনা তমশিনবগী মহৈ হেন্না ফগৎহল্লি‍।

দিজিতেল লেসনশিং অসি তাকপি তম্বিরিবশিংবু মপাঙ্গল হাপ্তুনা ২১শুবা চহিচাগী ক্লাসরুমশিংবু চিংদুনা পুবা ঙমহনগদবা, ব্লেন্দেদ লর্নিংগুম্বা অনৌবা মওংগী পেদাগোজিকেল মোদেলশিং ইন্দস্ত্রিএল ত্রেনিং ইনস্তিত্যুৎ (আই.তি.আই.)শিংদা পুথোকপদা মরুওইবা থৌদাং লৌগনি‍।

*****