কেন্দ্রগী হকশেল অমসুং য়াইফ য়ুম্বাল মন্ত্রীনা মালেমগী হকশেল নুমিত্তা নই দিল্লীদা ৱাকাথোনগী থৌরম শীন লাঙখ্রে। কেন্দ্রগী হকশেল মন্ত্রী, দাঃ মনশুখ মন্দাবিয়া অমসুং হকশেল অমসুং য়াইফ য়ুম্বালগী রাজ্য মন্ত্রী, দাঃ ভারতী প্রবীন পাৱারনা ৱাকাথোন অসিবু লমজিংখি। থৌরম অসিদি ‘হেল্থ ফোর ওল’ হায়বা থীমগী মখাদা পাংথোকপনি। ৱাকাথোন অসিগী পান্দমদি লৌনগন্দবা লাইনা (এন.সি.দি.)দগী ঙাকথোক্নবখক নত্তনা ৱাখল নুংঙাইনা লৈহনবদসু তেংবাংনবগীদমক্তা হকশেল ফনা লৈবা হৈনবীগী মতাংদা মীয়ামদা খঙহনবনি। থৌরম অসি কর্তব্যা পথকী বিজয় চোক্তগী হৌখি অমসুং নির্মান ভবন য়ৌনবগীদমক্তা ইন্দিয়া গেত ফাওদুনা চৎখি। থৱাই য়াওবা মীওই 350 হেনবনা মসিদা শরুক য়াখি, হকশেল ফবা হায়বা পান্দমগীদমক্তা মখোঙনা চৎখি। হাইপর্তেন্সন, দাইবিতিজ, ৱাখল লাইনা অমসুং কেন্সরগুম্বা পুন্সি মহিংগা মরী লৈনবা লাইনা/হকশেলগী শিংনবা কয়াদগী ঙাকথোক্নবা হকশেল ফবা পুন্সি মহিং অমা হিংলসি হায়না মীয়াম্না ৱাশক লৌখি।

কেন্দ্রগী হকশেল মন্ত্রী, দাঃ মনশুখ মন্দাবিয়ানা মহাক্কী ত্বীত অমদা ইকায় খুম্ননিংঙাই ওইরবা প্রধান মন্ত্রীনা হকশেল ফবা ভারত অমগী মতাংদা তৌখিবা ত্বীত অমগী মতাংদা পনখি।

"It is health that is real wealth, not pieces of gold & silver." - Mahatma Gandhi

On #WorldHealthDay, we reiterate our commitment towards building a healthier India.

Take a look at how PM @NarendraModi Ji's Govt has been working relentlessly towards ensuring Health For All 👇 pic.twitter.com/6UAB57A00O

— Dr Mansukh Mandaviya (@mansukhmandviya) April 7, 2023

দাঃ মনশুখ মন্দাবিয়ানা থৌরম অসিদা ৱা ঙাঙবদা মীয়াম পুম্নমক্না থৌরম অসিদা শরুক য়াবগীদমক্তা থাগৎপা ফোংদোকখি। মহাক্না হায়খি, “ইশাগীখক নত্তনা পুম্নমক্কী চাউখৎ থৌরাংগীদমক্তা খনবা বাসুদৈবা কুতুম্বাকম হায়বসি ভারতকী ৱাখল্লোন ওইদুনা লাক্লি। ঐখোয়না ৱাখল্লোন অসি কোবিদকী ইরাং মরক্তা ভারতনা মালেমগী লৈবাকশিংগী মফমদা শেন্দোং অমসুং কান্নবা থিদনা ভেক্সিন অমসুং হিদাক লাংথক পীদুনা তেংবাংখিবা মতমদা উবা ফংখি। স্তেকহোলদর খুদিংগী তেংবাং পীবদা ভারতনা মমাং থাদুনা লৈখি অমসুং ভারতনা মসিগুম্বা ইথিল অসিগা লোয়ননা মশাগী মীয়াম অমসুং মালেমগী হকশেলগীদমক্তা থবক তৌরি”। 

দাঃ মন্দাবিয়ানা লৈবাক্কী চাউখৎ-থৌরাংদা হকশেলনা লৌরিবা মরু ওইবা থৌদাংগী মতাংদা পল্লদুনা অসুম্না হায়খি, “প্রধান মন্ত্রী শ্রী নরেন্দ্র মোদীগী লুচিং মখাদা, ভারতনা হকশেলগা চাউখৎ থৌরাংগা মরী লৈনহল্লে। ঐখোয়গী মশা মউ ফবা মীয়াম্না হকশেল ফবা খুন্নাই অমা শেম্বা ঙমগনি, অমসুং মদুগী মতুং ইন্না, চাউখৎপা লৈবাক অমা শেম্বা ঙমগনি। নিংতম্বগী অমৃত মহোতসবকী মতমসিদা মীয়াম পুম্বনা চাউখৎপা অমসুং হকশেল ফবা ভারত অমগীদমক্তা থবক তৌমিন্নরসি হায়না ঐহাক্না থমজরি”।

হকশেল অমসুং য়াইফ য়ুম্বালগী কেন্দ্রগী রাজ্য মন্ত্রী, দাঃ ভারতী প্রবীন পাৱারনা হায়খি, “ৱাকাথোন, য়োগ নত্ত্রগা অতোপ্পা হকচাং শাজেল ওইরো, ঐখোয়গী নহাশিংনা মসিগুম্বা ফিজিকেলগী থৌওংশিংবু মশাগী পুন্সিগী শরুক ওইহল্লি”। হকশেল ফবা মীওই অমনা মশাগী ইমুংদা অফবা থৌদাং পাংথোকপদগী হেন্দোক্তুনা খুন্নাইদসু তেংবাংই হায়বা ৱাফম অসিদগী ‘হেল্থ ফোর ওল’ হায়বা ৱাখল্লোন অসি লাকপনি হায়না মহাক্না হায়খি। লৈবাক অসিনা ইকায় খুম্ননিংঙাই ওইরবা প্রধান মন্ত্রীগী মখাদা ফিত ইন্দিয়াগী অচেৎপা ৱাশক অমা লৌখি, মসিদা লিচৎ শাজত্তা অহোংবা পুরকপা অমসুং মশা-মউ খিং-খিং লাওনা হিংবা পুন্সি মহিং অমবুসু পুক্নিং থৌগৎলি হায়না মহাক্না পনখি।

মালেমগী হকশেল নুমিৎ অসিনা মীয়ামদা হকশেল ফবগী মরু ওইবশিং খঙহনবগী পান্দম থম্লি। সাইকল থৌবা য়াম্না পামজবগীদমক্তা “গ্রীন এম.পি.” হায়নসু খঙনবা দাঃ মনশুখ মন্দাবিয়ানা হকশেল ফবা পুন্সি মহিং অমা হিংসি হায়না মীয়ামদা ৱারোল অসি মতম খুদিংগী হায়দুনা পুক্নিং থৌগত্তুনা লাক্লিবনি।

লৈবাক অসিদা মী শিবগী 63% হেনবদি এন.সি.দি.না থোকহনবনি হায়বসি খঙনরবা ৱাফম্নি অমসুং মসিগা হিদাক মনা শিজিন্নবা (মৈখু থোকপা অমসুং থোক্তবা), য়ু থকপা, দাইতরী হেবিত ফত্তবা, হকচাং শাজেল মতিক চানা তৌদবা অমসুং এয়র পোল্ল্যুসনগুম্বা লিচৎ শাজত্তা অহোংবা পুরকপা থৌওংশিংগা অমুক মরী লৈনৈ।

এন.সি.দি. লৈরকপগী মরু ওইবা মরম অমদি হকচাং শাজেল মতিক চানা তৌদবা অসিনি। নেস্নেল এন.সি.দি. মোনিতরিং সর্ভে (এন.এন.এম.এস.) (2017-18)গী মতুং ইন্না, ভারত মচা 41.3%দি থোইদোক্না লেং ওত্তে। কা হেন্না লেং ওতপা অমসুং শাজেল তৌবনা এন.সি.দি. হন্থহনবতা নত্তনা হাইপর্তেন্সন, দাইবিতিজ, কেন্সর, কার্দিওভেস্ক্যুলর লাইনাশিংসু হন্থহল্লি, অদুগা ৱাখল ফনা লৈহল্লি, দিমেন্সিয়া নাবগী চাংসু তপথহল্লি।

এম.ও.ঐচ.এফ.দবল্যু.গী জোইন্ত সেক্রেতরী, শ্রী বিশাল চাউহান, দবল্যু.ঐচ.ও. সাউথ ইস্ত এসিয়া রিজনগী রিজনেল দাইরেক্তর, দাঃ পুনম খেত্রপাল সিংহ, দবল্যু.ঐচ.ও.গী মীহুত, দাঃ রোদেরিকো ঐচ. ওফ্রিন, মন্ত্রালয়গী সেনিয়র ওফিসর, দাক্তর, নর্স, স্তাফ অমসুং সফদর্জং হোস্পিতাল, রাম মনোহর লোহিয়া (আর.এম.এল.) অমসুং লেদী হার্দিঞ্জ মেদিকেল কোলেজকুম্বা কেন্দ্র সরকারগী হোস্পিতালশিংগী মহৈরোইশিংনা ৱাকাথোন অদুদা শরুক য়াখি।

****