কেন্দ্রগী ইনফোর্মেশন অমসুং ব্রোদকাস্তিং মন্ত্রী, শ্রী অনুরাগ থাকুরনা ঙসি মীদিয়া, এনতরতেনমেন্ত অমসুং পব্লিক এৱেয়রনেসকী লমদা ইনফোর্মেশন অমসুং ব্রোদকাস্তিং মন্ত্রালয় অমসুং এমাজোন  ইন্দিয়াগি মরক্তা খুৎশম্নদুনা থবক তৌমিন্নরগনি হায়না লাউথোকখ্রে।

পার্তনরশিপ অসি হৌদোকপা মতমদা ৱা ঙাংবদা শ্রী অনুরাগ থাকুরনা হায়খি মদুদি ভারত অসি য়াম্না লিরবা সিবিলাইজেশন অমা ওইবনা হৌজিক ফাওবা লিথোক্ত্রিবা য়াম্লবা মশিং লাকঙমদ্রবা ৱারি কয়া অমা লৈ। ৱারিশিং অসিগী মখল অসি মতম্না লেপ্পা ঙম্লরোই অমসুং মসিদা স্পিরিচুৱেলিতীদগী হৌরগা  সোফৱেয়র, ইপা-ইপুগী চৎনবীশিংদগী হৌরগা হোংলক্লিবা মতম অসিগী চৎনবীশিং, ফুঙ্গা ৱারিদগী হৌরগা হরাও-কুম্মৈশিং অমসুং খুঙ্গংদগী হৌরগা চাউখৎলক্লিবা ভারতকী মতাংদা য়াওরি। মহাক্না মখা তাখি মদুদি হন্দক্তা ভারতকী কন্তেন্তনা ইন্তর্নেস্নেল ফোরাদা মাইপাকপা পুরকপা ঙম্লে, অমসুং ভারতকী এক্তরশিংনা মপান লমগী ভাবোকশিংগী মরক্তা য়াম্না হেন্না পাম্নবা অমা ওইরক্লি।

মন্ত্রী অসিনা ভারত্তা লৈরিবা এনতরতেনমেন্ত ইন্দস্ত্রীগীদমক্তা অফবা মওংদা কান্নগদবা ফিভম অমা শেমগৎনগীদমক্তা  মন্ত্রালয় লৌখৎলকপা খোংথাংশিং অদু য়েংশিনখি অমসুং হায়খি মদুদি সরকার অসিনা ভারতকী এনতরতেনমেন্ত ইন্দস্ত্রী, মরু ওইনা ও.তি.তি.শিংগুম্বা অনৌবা প্লেতফোর্মশিংগী পাঙ্গলশিং অদুগা লোইন-লোইননা  মখোয়গী খুদোংচাবশিং অদুবু য়ানিংঙি। মন্ত্রালয় অসিনা ওদিয়ো ভিজুৱল সর্বিসশিংবু চেমপিয়ন সর্বিস সেক্তর অমা ওইনা মশক খঙলি অমসুং হন্দক্তা ও.তি.তি. কন্তেন্ত রেগুলেশনগী সেল্ফ-রেগুলেতরী ফ্রেমৱার্ক পুথোরকখ্রে।

এমাজোনগা তৌরিবা পার্তনরশিপ অসিগী মতাংদা ৱা ঙাংলদুনা, শ্রী থাকুরনা হায়খি মদুদি এমাজোন ইন্দিয়াগা তৌরিবা পার্তনরশিপ অসি ৱাফম কয়া অমদা য়াম্না তোপ-তোপ্পা অমা ওই অমসুং লেতর ওফ এনগেজমেন্ত অসিনা ক্রিয়েতিব ইন্দস্ত্রীগী হিরম কয়া অমদা শিন-থুংনা য়াওরি। পার্তনরশিপ অসিনা   ফিলম আমসুং তেলিভিজন ইনস্ততিত্যুত ওফ ইন্দিয়া অমসং সতভজিত রায় ফিলম অমসুং তেলিভিজন ইনস্তিত্যুত ওফ ইন্দিয়াগী মহেরোইশিংগীদমক্তা স্কোলার্শিপশিং, ইন্তর্নশিপশিং, মাস্তরক্লাসশিং অমসুং অতোপ্পা খুদোংচাবা কয়া অমা ফংহন্দুনা ইন্দস্ত্রী অমসুং একাদেমিয়াগী মরক্তা লেরিবা মরি অসিবু হেন্না চেৎশিনহনবদা মতেং পাংলগনি। মসিগী অনৌবা থৌরাং অসিনা ভারতকী মমিং লৈরবা ফিলম ইনস্তিত্যুতশিংদগী থোরকপা হৈ-শিংলবা আর্তিস্তশিংগীদমক্তা থবক ঙাইবগী মতম অদু হন্থহনবদা মতেং পাংলগনি।

মন্ত্রী অসিনা ও.তি.তি. প্লেতফোর্মশিংগী কন্তেন্তকী ক্বালিতীগা মরি লৈননা মহাক্কী ৱাখল্লোনসু ফোংদোকখি, মহাক্না ও.তি.তি. প্লেতফোর্মশিং অসিনা ক্রিয়েতিব এক্সপ্রেশনগী মওংদা কুপশিল্লবা লুদবা হৌনা-লোঞ্চৎ খঙদবা থবক, অকামপেতশিং অমসুং তাথি-তাওইনা তৌবগী মতৌশিং অদুবু মখোয়গী প্লেতফোর্মশিং অসিনা শন্দোরক্তবা হায়বসি মখোয়গী মথৌদাংনি হায়না হায়খি।

থৌরম অদুগী ইকাই-খুম্ননিংঙাই ওইরবা মীথুংলেন, শ্রী বরুন ধৱন্না স্ত্রীমিং সর্বিসশিং অসিনা কদাইফাওবা য়ৌশিনবগে হায়বসিগী মতাংদা হায়খি অমসুং ভারতকী সিনিমানা স্ত্রীমিং তৌদুনা হৌজিক্তি মালেমগী স্তেজদা য়ৌখ্রে অমসুং স্ত্রীমিং সর্বিসশিং অসিনা ঙসিদি ইন্দিয়ন কন্তেন্ত অসিবু মমাংদা অমুক্তা য়ৌখিদ্রিবা য়াম্না ঙক্নিংঙাই ওইবা থাক অমদা য়ৌহল্লে হায়না হায়খি। শ্রী ধৱন্না হায়খি মদুদি সত্রীমিং সর্বিসশিং অসিনা লেভেলর অমা মথৌ তৌই অমসুং “হৌজিক ফাওবদা নাথৈদুনা লৈরম্বা অনৌবা এক্তরশিং অমসুং ক্রিয়েতরশিং, তেলেন্তশিং অদু হৌজিক্তি মালেম শিনবা থুংনা ভাবোকশিংগা কনেক্ত তৌবা ঙম্লে।” হায়না হায়খি।

কোলাবোরেশন অসিগী মতাংদা ৱা ঙাংলদুনা, শ্রী ধৱন্না হায়খি মদুদি “ঐখোয়গী ইন্দস্ত্রী অমসুং তেলেন্তপু য়োকখৎপীরিবা অমসুং সপোর্ত তৌবা অসিগুম্বা মখলগী কোলাবোরেশন অসিনা ঐহাকপা অনৌবা আশা অমা পীবীরে অমসুং মালেমগী এনতরতেনমেন্ত স্তেজদা ভারত মচা অমা ওইবগী ৱাহন্থোক অদু করিনো হায়বদু অমুক হন্না নৌহৌননা মশক তাকপগী মাইকৈদা থবক তৌবদা ঐখোয় পুম্নমক্কী মতেং পাংলি।”

আই.আমসুং বি.গী সেক্রেতরী, শ্রী অপুর্বা চন্দ্রনা হায়খি মদুদি এম.আই.বি. অমসুং এমাজোনগী মরক্তা শেম্লিবা পার্তনরশিপ অসিনা নেস্নেল অমসুং ইন্তর্নেস্নেলগী থাক্তা ভারতকী তেলেন্তকীদমক্তা খুদোংচাবা কয়া পুরক্লগনি হায়না হায়খি।

এমাজোন প্রাইম ভীদিও, এসিয়া পেসিফিক্কী ভাইস প্রেসিদেন্ত, এস.ঐচ. গৌরব গান্ধিনা হায়খি মদুদি “আই.আমসুং বি.গী মন্ত্রালয়গা তৌরিবা ঐখোয়গী হোলিস্তিক ওইবা কোলাবোরেশন অসিনা ইন্দস্ত্রী অসিবু চাউখৎহন্নবা পুন্সিগী তাঙ্কক খুদিং অমসুং  পুন্সিনবগী কাচিন-কোয়া খুদিংদা য়েংশিল্লি অমসুং মসিনা শেমগদবা লম্বি অদুগীদমক্তা ঐখোয়না য়াম্না চাউনা থাজবা থম্লি।”

লোইননা থৌরম অদুদা শরুক য়াখিবশিং অদুদা এমাজোন ইন্দিয়াদা পব্লিক পোলিসীগী ভাইস প্রেসিদেন্ত, শ্রী চেতন কৃষ্ণস্বামী, আই.আমসুং বি.গী জোইন্ত সেক্রেতরী, শ্রী বিক্রম সহায় অমসুং মন্ত্রালয় অসিগী অৱাংবা থাক্কী অতোপ্পা ওফিসিয়েলশিং।

কোলাবোরেশন অদুগী মরমদা

লেতর ওফ এনগেজমেন্ত (এল.ও.ই.)না মরম ওইরগা মন্ত্রালয়গী মখাদা লৈবা তোঙান-তোঙানবা ওর্গনাইজেশন অমসুং এমাজোনগী তোঙান-তোঙানবা ব্রাঞ্চ কয়া অমগী মরক্তা মল্তিদাইমেনস্নেল পার্তনরশিপকী মাইকেদা থবক তৌরি। মসিদা নেস্নেল ফিলম দেবেলপমেন্ত কোর্পোরেশন (এন.এফ.দি.সি.), প্রসার ভার্তি, পব্লিকেশন্স দিবিজন, অমসুং সরকারগী মাইকৈদগী ফিলম এন্দ তেলিবিজন ইনস্তিত্যুত ওফ ইন্দিয়া (এফ.তি.আই.আই.)গী মীদিয়া ত্রেনিং ইনস্তিত্যুশন্স অমসুং সত্যজিত রায় ফিলম এন্দ তেলিবিজন ইনস্তিত্যুত (এস.আর.এফ.তি.আই.) য়াওরি। এমাজোনগী মাইকেদগী, এল.ও.ই.দা এমাজোন প্রাইম ভীদিও, এলেক্সা, এমাজোন ম্যুজিক, এমাজোন ই-মার্কেতপ্লেস, অমসুং আই.এম.দি.বি.সু শরুক য়ারি।

পব্লিক এৱেয়রনেস অমসুং ভারতকী কলচরেল হেরিতেজ উৎথোকপা

এমাজোনগা তৌখিবা লেতর ওফ এনগেজমেন্ততা এমাজোন ই-কমর্স ৱেবসাইত্তা ভারতকি কলচরগী মতাংদা পব্লিকেশন দিবিজনগী লাইরিকশিংগী অখন্নবা কেতলোক্কী খুত্থাংদা ভারতকী হেরিতেজপু য়োকখৎপগী মতাংদা অমসুং এমাজোন ম্যুজিক অমসুং এলেক্সাদা ভারতকী ইশৈ-নোংমাই য়োকখৎপগী মতাংদসু য়াওরি।

ইকাইখুম্নরবা রাস্ত্রপতি অমসুং ইকাইখুম্নরবা প্রধান মন্ত্রীনা ঙাংখিবা ৱাশিং, জাতিগী ওইনা মরু ওইবা থৌদোকশিং অমসুং মীয়ামগী অমসুং মীয়ামগী অপাম্বগী মতুং ইন্না চত্থখিবা কেম্পেনশিংগা মরি লৈনবা কন্তেন্ত, অমসুং নুংতিগী থোকপা পাউগী বুলেতিনশিং অদু এলেক্সা অমসুং এমাজোন ম্যুজিক্কী খু্ত্থাংদা মীয়ামদা খঙহল্লগনি।

ভারতকী তেলেন্ত য়োকখৎপা

তেলেন্ত দেবেলপমেন্ত কমপোনেন্তকী শরুক অমা ওইনা, এমাজোন প্রাইম ভীদিও (এ.পি.ভি.)না স্কোলারশিপশিং স্পোন্সর তৌবা, ইন্তর্নশিপ প্রোগ্রামশিং থম্বা, অমসুং এফ.তি.আই.আই. অমসুং এস.আর.এফ.তি.আই.গী মহৈরোইশিংগীদমক্তা থবক্কী খুদোংচাবশিং পীরগনি। এ.পি.ভি.না এন.এফ.দি.সি.গা পার্তনরশিপ তৌদুনা স্কিল বিল্দিং এক্তিবিতীশিং পাইখৎলগনি, মীদিয়া অমসুং এনতরতেনমেন্ত ইন্দস্ত্রীগীদমক্তা একাদেমিক ইনস্তিত্যুশনশিংদা ভারত অমসুং ইন্তর্নেস্নেল ফিলম পার্সোনেলিতীশিংনা মাস্তরক্লাসশিং পাংথোক্লগনি, অমসুং ‘৭৫ ক্রিয়েতিব মাইন্দস ওফ তুমোরো’ প্রোগ্রামগী মাইপাক্লবশিং তেলেন্ত য়োকখৎনবগীদমক্তা অনৌবা থৌরাংশিং হৌদোক্লগনি

ভারতকী তলেন্তপু মালেমগী মমাংদা মশক খঙবা হেনগৎহন্নবগীদমক্তা এমাজোননা ক্রিয়েতিব ইন্দস্ত্রীগীদমক্তা গ্লোবল দেতাবেজ অমা ওইরিবা আই.এম.দি.বি.দা ভারতকী আর্তিস্তশিংগী মতাংদা ই-পাউশিং কোম্না ফংবা হেনগৎহন্নবা এন.এফ.দি.সি.গা লোইননা থবক তৌরগনি।

গ্লোবল স্তেজতা ভারতকী কন্তেন্ত উৎথোকপা

মন্ত্রালয়গা কোলাবোরেশনগী শরুক অমা ওইনা, ইনতর্নেস্নেল ফিলম ফেস্তিবল ওফ ইন্দিয়া (আই.এফ.এফ.আই.) মনা ফংলবা ফিলমশিং, অমসুং ভারতকী ইন্তর্নে্সনেল কো-প্রোদক্সন ত্রীদীশিংগী শরুক অমা ওইনা পুথোকপা ফিলমশিং অদুবু মালেমগী ভাবোকশিংদা ফংহন্নবা এমাজোন প্রাইম ভীদিওনা মখোয়দা য়াওহল্লগনি। এ.পি.ভি.নামালেমদা ভারতকী মাইপাকপশিং অদুবু উৎথোকপা ফিলমশিং অমসুং ৱেব-সিরীজশিং পুথোক্নবগী ওইথোকপশিং অদুবুসু য়েংশিল্লগনি।

এ.পি.ভি. অমসুং মিনিতি.ভি.না লেবাক অসিগী নহাশিংদা য়াম্না লাইনা ফংহন্নবগীদমক্তা প্রসার ভার্তি অমসুং এন.এফ.দি.সি.দা লৈবা য়াম্লবা আর্কাইবকী কন্তেন্ত য়াওহল্লগনি। এমাজোন্না য়াম্না মমিং লৈরবা ইন্তর্নেস্নেল ফিলম ফেস্তিবল ওফ ইন্দিয়া (আই.এফ.এফ.আই.) অমসুং রিজনেল ফিলম ফেস্তিবলশিংদা কন্তেন্ত উৎনবা, তেক্নোলোজী একজিবিশনশিং, ক্রিয়েতর ৱার্কশোপশিং, অমসুং তেলেন্ত ইন্তরেক্সনশিংগীদমক্তা এন.এফ.দি.সি.গা মখাতানা খুৎশম্নদুনা থবক তৌখিগনি।

****