স্তেন্দ অপ ইন্দিয়া স্কিম অসি ইকনোমিক এম্পাৱরমেন্ত অমসুং থবক পীবদা মীৎয়েং থম্মিবা গ্রাসরুৎ লেবেলদা ওন্তপ্রিনোরশিপ থৌগৎনবা ২০১৬কী এপ্রিল ৫দা হৌদোকখি। স্কিম অসি ২০২৫ ফাওবা শাংদোকখি।

ইনর্জেতিক, থৱায় য়াওবা অমসুং হৌগৎলক্লিবা এস.সি., এস.তি. অমসুং নুপী ওন্তপ্রিনোরশিংনা মখোয়গী মঙলানশিং মঙফাওনবা ঙম্নবা হোৎনবদা মায়োক্নরিবা শীংনবশিং অদু খঙলদুনা স্তেন্দ-অপ ইন্দিয়া অসি নুপীশিং, সেদ্যুল্দ কাস্ত, সেদ্যুল্দ ত্রাইবকী কাংলুপশিংগী মরক্তা ওন্তপ্রিনোর্শিপ থৌগৎনবা অমসুং মখোয়না মেন্যুফেকচরিং, সর্ভিসেস নত্ত্রগা ত্রেদিং সেক্তর অমসুং লৌউ-শিংউগা মরী লৈনবা থবক-থৌরমশিংদা গ্রীন্দফিল্দ এন্তর্প্রাইসশিং হাংদোকপদা মতেং পাংনবা লোঞ্চ তৌখি।

থৌরম অসিদা কেন্দ্রগী শেল-থুম অমসুং কোর্পোরেৎ এফিয়র্স মন্ত্রী শ্রীমতি নির্মালা সিতারামন্না হায়খি, “মসি নুপী অমসুং এস.সি./এস.তি. ওন্তপ্রিনোর লাখ ১.৮ হেনবদা লুপা করোর ৪০,৬০০ হেনবগী লোনশিং সেঙ্কসন তৌখিবা অসি ঐহাক্কী ওইনা চাউথোকচবা অমসুং অপেনবা পোক্নীংঙাই ওইবা ৱাফমনি”।

এস.য়ু.পি.আই. স্কিমনা চহি ৭ শুরকপদা শেল-থুম মন্ত্রীনা হায়খি, “স্কিম অসিনা সেদ্যুল্দ কম্মিসন বেঙ্ক পুম্নমক্কী বেঙ্ক ব্রাঞ্চশিংদগী লোনশিং ফংহন্দুনা গ্রীন ফিল্দ এন্তর্প্রাইসশিং লিংখৎনবা সপ্পোর্তিব এনভাইর্নমেন্ত অমা পীদুনা ইকো-সিস্তেম অমা শেমগৎপদা মতেং পাংখি। স্তেন্দ অপ ইন্দিয়া স্কিমনা এস.সি., এস.তি. অমসুং নুপীশিংগী মরক্তা ওন্তপ্রিনোর্শিপ থৌগৎপদা মরু ওইবা মাইপাকপা অমা ওইখি হায়না উৎলি”।

শ্রীমতি সিতারামন্না হায়খি স্তেন্দ-অপ ইন্দিয়া স্কিমনা ওন্তপ্রিনোরশিংগী অনসর্ব/অন্দরসর্ব সেগমেন্তদা কোমনা অমদি শেল চংদনা ক্রেদিৎ ফংহন্দুনা মীওই কয়াগী পুন্সিদা কান্নবা পীরি। শেল-থুম মন্ত্রীনা হায়খি স্কিম অসিনা হৌগৎলক্লিবা ওন্তপ্রিনোরশিংদা মখোয়গী ওন্তপ্রিনোরিএলগী হৈশিংবশিং অদু উৎথোক্নবা অমসুং ইকনোমিক গ্রোথ লৈহন্নবা মতিক ময়াই লৈবা ওন্তপ্রিনোরশিংদা ইনোৎ হাপখি অমসুং থবক পীদুনা মপাঙ্গল কনবা ইকোসিস্তেম অমা শেমগৎলি।

স্তেন্দ-অপ ইন্দিয়া স্কিমগী ৭শুবা কুমওন অসিদা শেল-থুমগী কেন্দ্র মন্ত্রী, দা. ভগৱত কিসনরাও কারদনা হায়খি, “স্তেন্দ-অপ ইন্দিয়া স্কিম অসি নেস্নেল মিসন ফোর ফাইনান্সিএল ইনক্লুজনগী অহুম শুবা য়ুম্বী মমিং ওইনা পল্লবদা “ফন্দিং দি অনফন্দেদ” হায়বা অসিদা য়ুম্ফম ওই। স্কিম অসিনা এস.সি./এস.তি. অমসুং নুপী ওন্তপ্রিনোরশিংদা সেদ্যুল্দ কম্মর্সিএল বেঙ্কশিংগী ব্রাঞ্চশিংদগী অপনবা লৈতনা ক্রেদিৎ ফ্লো ফংহনবা ঙমখি। স্কিম  অসিনা ওন্তপ্রিনোরশিং, মখোয়গী কর্মচারিশিং অমসুং মখোয়গী ইমুং-মনুংশিংগী হিংবগী থাক ফগৎহনবদা কান্নবা ওইখি”।

দা. কারদনা হায়খি, “ওন্তপ্রিনোর লাখ ১.৮ হেনবনা হৌখিবা চহি তরেৎ অসিদা স্কিম অসিদগী কান্নবা ফংখি”। মহাক্না মখা তারদুনা হায়, “স্কিম অসিগী মখাদা নুপীশিংদা লোন ৮০% হেন্না পীখিবা হায়বা অসি য়াম্না নুংঙাইবা ৱাফম অমসু ওইরি”।

স্তেন্দ অপ ইন্দিয়া স্কিম (এস.য়ু.পি.আই.)গী তরেৎ শুবা কুমও পালন তৌবদা ঐখোয়না স্কিম অসিগী মওং-মতৌ অমসুং মাইপাকপশিং খঙমিন্নসি।

স্তেন্দ-অপ ইন্দিয়াগী মথৌ অসি:

• নুপী, এস.সি. অমসুং এস.তি. কাংলুপশিংদা ওন্তপ্রিনোর্শিপ থৌগৎপা;
• মেন্যুফেকচরিং, সর্ভিসেস নত্ত্রগা ত্রেদিং সেক্তর অমসুং লৌউ-শিংউগা মরী লৈনবা থবক-থৌরমশিংদা গ্রীনফিল্দ এন্তর্প্রাইসকীদমক লোনশিং পীবা;
• সেদ্যুল্দ কম্মর্সিএল বেঙ্কশিংগী বেঙ্ক ব্রাঞ্চ অমনা য়ামদ্রবদা সেদ্যুল্দ কাস্ত/সেদ্যুল্দ ত্রাইব বোরোৱর অমদা অমসুং য়ামদ্রবদা নুপী বোরোৱর অমদা লুপা লাখ ১০দগী লুপা লাখ ১০০ ফাওবগী বেঙ্ক লোনশিং ফংহনবা।

করিগীদমক স্তেন্দ-অপ ইন্দিয়া?

স্তেন্দ-অপ ইন্দিয়া স্কিম অসি মতম মতমগী ওইনা বিজিনেসতা মাইপাক্নবগীদমক লোনশিং লৌনবা অমসুং অতোপ্পা মতেং পাংনবা এন্তর্প্রাইসশিং লিংখৎনবা এস.সি., এস.তি. অমসুং নুপী ওন্তর্প্রিনোরশিংনা মায়োক্নবা শীংনবা কোকহন্নবা দিজাইন তৌখি। স্কিম অসিনা বিজিনেস তৌনবা তার্গেৎ সেগমেন্তশিংদা সপ্পোর্তিব এনভাইর্নমেন্ত অমা পীনবা ইকোসিস্তেম অমা শেমগৎপদা মতেং পাংনবা হোৎনরি। স্কিম অসিনা এস.সি., এস.তি. অমসুং নুপীশিংনা মখোয়গী মশাগী গ্রীন্দফিল্দ এন্তর্প্রাইস লিংখৎনবা বোরোৱরশিংদা লোনশিং পীনবা বেঙ্ক ব্রাঞ্চশিংবু থৌগৎনবা পান্দম থমখি। স্কিম অসিগী মখাদা অপাম্বা এপ্লিকেন্তশিংনা এপ্লাই তৌবা য়াগনি:

• ব্রাঞ্চতা হকথেংননা নত্ত্রগা,
• স্তেন্দ-অপ ইন্দিয়া পোর্তেলগী খুত্থাংদা (www.standupmitra.in) নত্ত্রগা,
• লীদ দিস্ত্রিক্ত মেনেজর (এল.দি.এম.)গী খুত্থাংদা।

লোন অসিগীদমক কনা-কনানা ইলিজিবল ওইবগে?

• চহি ১৮গী মথক্কী এস.সি./এস.তি. অমসুং/নত্ত্রগা নুপী ওন্তপ্রিনোরশিং;
• গ্রীন ফিল্দ প্রোজেক্তশিংগীদমক স্কিম অসিগী মখাদা লোনশিং ফংহল্লি। হীরম অসিদা গ্রীন্দ ফিল্দ হায়রিবা অসিনা মেন্যুফেকচরিং, সর্ভিসেস নত্ত্রগা ত্রেদিং সেক্তর অমসুং লৌউ-শিংউগা মরী লৈনবা থবক-থৌরমশিংগী বেনিফিসরীগী অহানবা ভেঞ্চর অদুবু তাক্লি;
• নন-ইন্দিবিজুএল এন্তর্প্রাইসশিংগী ওইনা শিয়রহোল্দিং অমসুং কন্ত্রোলিং স্তেক্কী ৫১% অসি এস.সি/এস.তি. অমসুং/নত্ত্রগা নুপী ওন্তপ্রিনোরশিংনা পাইগনি;
• বেঙ্ক/ফাইনান্সিএল ইন্সতিত্যুসন অমা হেক্তদা বোরোৱরশিইংনা দিফোল্ত ওইরোই;
• স্কিম অসিনা ইলিজিবল সেন্ত্রেল/স্তেৎ স্কিমশিংগা লোয়ননা পুনশিন্দুনা ‘১৫% ফাওবগী’ মর্জীনমনী ওইনা পীনবা পান্দম থম্মি। হীরম অমত্তদা বোরোৱরনা মখোয়গী কন্ত্রিব্যুসন ওইনা প্রোজেক্তকী শেনফমগী য়ামদ্রবদা ১০% পুরকপা মথৌ তাগনি।

হেন্দহোল্দিং সপ্পোর্ত:

লোনশিংগীদমক বেঙ্কশিংগা প্রোস্পেক্তিব বোরোৱরশিংগা লিঙ্ক তৌবগী মথক্তা স্তেন্দ অপ ইন্দিয়া স্কিমগীদমক স্মোল ইন্দস্ত্রীজ দিবেলপমেন্ত বেঙ্ক ওফ ইন্দিয়া (এস.আই.দি.বি.আই.)না দিবেলপ তৌবা ওনলাইন পোর্তেল www.standupmitra.inনা প্রোস্পেক্তিব ওন্তোপ্রিনোরশিংদা মখোয়গী বিজিনেস এন্তর্প্রাইসশিং লিংখৎনবগী খোঙথাংশিংদা, ত্রেনিংদগী লোন এপ্লিকেসনশিং মেনশিনবদগী হৌরগা বেঙ্ককী মথৌ তাবশিংদা গাইদেন্স পীরি। হেন্দ হোল্দিং এজেন্সী ৮,০০০ হেনবগী নেৎৱার্ক অমগী খুত্থাংদা  পোর্তেল অসিনা অখন্নবা এক্সপর্তিস হায়বদি স্কিলিং সেন্তরশিং, মেন্তরশিপ সপ্পোর্ত, ওন্তপ্রিনোর্শিপ দিবেলপমেন্ত প্রোগ্রাম সেন্তরশিং, দিস্ত্রিক্ত ইন্দস্ত্রীজ সেন্তর য়াওনা তোঙান-তোঙানবা এজেন্সীশিংদা প্রোস্পেক্তিব বোরোৱরশিংগা কন্নেক্ত তৌনবা খোঙথাং খুদিংদা গাইদেন্স পীরি।

২১.০৩.২০২৩ ফাওবদা স্কিম অসিনা মাইপাকখিবশিং

• স্কিম অসি হৌবদগী ২১.০৩.২০২৩ ফাওবদা একাউন্ত ১৮০,৬৩৬তা স্তেন্দ অপ ইন্দিয়া স্কিমগী মখাদা লুপা করোর ৪০,৭১০ সেঙ্কসন তৌখি।
• ২১.০৩.২০২৩ ফাওবদা স্তেন্দ অপ ইন্দিয়া স্কিমগী এস.সি./এস.তি. অমসুং নুপী বেনিফিসরীশিংগী অকুপ্পা ৱারোল মখাদা পীরি:

****