প্রধানমন্ত্রীগী লোইশঙ
পি.এম. নরেন্দ্র মোদী অমসুং বাংলাদেশকী প্রধান মন্ত্রী শেখ হসিনানা পুন্না ইন্দিয়া-বাংলাদেশ ফ্রেন্দশিপ পাইপলাইন শঙ্গাখ্রে
আই.বি.এফ.পি. অসি ভারত অমসুং মাগী য়ুমলোন্নরিবশিংগী মরক্তা অনিশুবা ক্রোস-বোর্দর ইনর্জী পাইপলাইন ওইরি
বাংলাদেশকা লোয়ননা কন্নেক্তিবিতী হেনগৎহনবা অসিনা লৈবাক অনিগী প্রজাশিংগী মরী হেন্না মপাঙ্গল কনখৎহল্লগনি
Posted On:
18 MAR 2023 6:03PM by PIB Imphal
প্রধান মন্ত্রী শ্রী নরেন্দ্র মোদী অমসুং বাংলাদেশকী প্রধান মন্ত্রী, শেখ হসিনানা ঙসি ভর্চুএল মোদতা ইন্দিয়া-বাংলাদেশ ফ্রেন্দশিপ পাইপলাইন (আই.বি.এফ.পি.) পুন্না শঙ্গাখ্রে। প্রধান মন্ত্রী অনিনা ২০১৮গী সেপ্তেম্বরদা পাইপলাইন অসি শাবগী উরেপ-উয়ুং তমখিবনি। ২০১৫দগী হৌনা নুমালিগর রিফাইনরী লিমিতেদনা বাংলাদেশতা পেত্রোলিয়ম প্রদক্তশিং সপ্লাই তৌদুনা লাকখি। মসি ভারত অমসুং মাগী য়ুমলোন্নরিবশিংগী মরক্তা শাবা অনিশুবা ক্রোস-বোর্দর ইনর্জী পাইপলাইন ওইরি।
পাৱর অমসুং ইনর্জী সেক্তরদা কোওপরেসন পীনবা অসিনা ভারত-বাংলাদেশকী মরীশিংগী শীংথানীংঙাই ওইবা খুদমশিংগী মনুংদা অমা ওইখি। আই.বি.এফ.পি. অসি বাংলাদেশতা হায়-স্পীদ দিজল (ঐচ.এস.দি.)গি মেত্রিক তন পর এনম (এম.এম.তি.পি.এ.) ১ ত্রান্সপোর্ত তৌবা ঙম্বগী কেপাসিতীগা লোয়ননা ভারত অমসুং বাংলাদেশকী মরক্তা অহানবা ক্রোস বোর্দর ইনর্জী পাইপলাইন ওইরি। বাংলাদেশকা লোয়ননা কন্নেক্তিবিতী ফগৎহনবনা নাকল অনিমক্কী মীয়ামগী মরক্তা লৈনরিবা মরীশিং হেন্না মপাঙ্গল কনখৎহল্লগনি।
বাংলাদেশ অসি ভারতকী খ্বাইদগী মরু ওইবা দিবেলপমেন্ত পার্তনরনি অমসুং লমদম অসিগী মাগী খ্বাইদগী চাউবা ত্রেদ পার্তনরনি। ফ্রেন্দশিপ পাইপলাইন ওপরেস্নেলাইজেসন তৌবনা লৈবাক অনিগী মরক্তা হৌজিক চত্থরিবা ইনর্জী কোওপরেসন অসি ফগৎহল্লগনি অমসুং মরু ওইনা এগ্রিকলচর সেক্তরদা বাংলাদেশতা শাহৌ লৈহল্লগনি।
প্রধান মন্ত্রীনা প্রধান মন্ত্রী শেখ হসিনানা প্রোজেক্ত অসিগীদমক মহাক্কী অয়াবা পীরকখিবগীদমক থাগৎপা ফোঙদোকখি অমসুং লৈবাক অনিগী মীয়ামগী য়াইফনবগীদমক মহাক্কা লোয়ননা মখা তানা থবক তৌমিন্ননীংবগী অপাম্বা ফোঙদোকখি।
***
(Release ID: 1908421)
Visitor Counter : 116
Read this release in:
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam