ভারতকী জি২০ প্রসিদেন্সীগী মখাদা নৌনা শেমখিবা স্তার্তঅপ২০ এঙ্গেজমেন্ত গ্রুপকী অনিশুবা মীফম মার্চ ১৮ অমসুং ১৯দা সিক্কিমগী গেংতোক্তা পাঙথোক্কনি। মীফম অসিনা জি২০ মেম্বর অমসুং বর্তন তৌখিবা লৈবাকশিংদগী দেলিগেৎশিং, মলতিলেতরেল ওর্গনাইজেসনশিংগী মীহুৎশিং অমসুং ইন্দিয়ন স্তার্রঅপ ইকোসিস্তেমদগী স্তেকহোল্দরশিংদা বর্তন তৌগনি।

স্তার্তঅপ২০গী চিয়র লৌরিবা দা. চিন্তন বৈশ্নোনা হায়খি মদুদি, “সিক্কিম সভানা স্তার্তঅপকী মালেমবু ভারতকী তরু-তরুবা অৱাং নোংপোক্তা পুশিন্নবা তোপ-তোপ্পা খুদোংচাবা অমা পীরি অমসুং মাগী তোপ-তোপ্পা অমদি চাউখৎলক্লিবা ইকোসিস্তেম উৎকনি”।

শরুক য়াখিবা দেলিগেৎ পুম্নমক্কী সপ্পোর্তকা লোয়ননা জনুৱারী ২৮ অমসুং ২৯, ২০২৩দা হায়দরাবাদতা পাঙথোকখিবা অহৌবগী মীফম মনুংদা ফাইনেলাইজ তৌখিবা এজেন্দা অদু সিক্কিম সভাদা মাংদা পুখৎকনি। অহৌবগী মীফমদা তাস্কফোর্স অহুম মমিং ওইনা পল্লবদি ফাউন্দেসন এন্দ এলাইন্সেস, ফাইনান্স, অমসুং ইনক্লুজন এন্দ সস্তেনেবিলিতীগী পান্দমশিং অমসুং দেলিভরেবলশিং অসি দেলিগেৎ পুম্নমক্তগী সজেসনশিং ইনকোর্পোরেৎ তৌনবা নৌনা শেমদোকখি।

ফাউন্দেসন এন্দ এলাইন্সেস তাস্কফোর্সনা কনসেন্সস-বেজ দেফিনিসনশিংগী খুত্থাংদা গ্লোবেল স্তার্তঅপ ইকোসিস্তেম হর্মনাইজ তৌনবা থবক তৌগনি। মসিনা জি২০ লৈবাকশিংগী মনুংদা খ্বাইদগী ফবা প্রেক্তিসশিং উৎনবা অমসুং শিয়র তৌনবা স্তার্তঅপশিংগী গ্লোবেল নোলেজ রিপোজিতরী/হব অমা লিংখৎকনি। তাস্কফোর্স অসিনা এস.দি.জি.শিংদা মীৎয়েং চংবা য়াওনা সরকারশিং, পোলিসীমেকরশিং, একাদেমিক অমসুং রিসর্চ ইন্সতিত্যুতশিং, ইন্দস্ত্রী এসোসিএসনশিং অমসুং ইন্তর্নেস্নেল ওর্গনাইজেসনশিংবু স্তার্তঅপশিংগী লোয়ননা বাইলেতরেল অমসুং মলতিলেতরেল কোল্লাবোরেসনশিং শেমগনি। অরোইবদা মসিনা জি২০ লৈবাকশিংদা ওপরেৎ তৌরিবা স্তার্তঅপশিংগীদমক মার্কেৎশিং অমসুং তেলেন্তকী গ্লোবেল এক্সেস ফংহন্নবা মেকানিজমশিং শেমগনি অমসুং স্তার্তঅপশিংগা লোয়ননা থবক তৌনবা ইন্দস্ত্রী প্লেয়রশিং অমসুং সরকারগী ওর্গনাইজেসনশিংগীদমক সপ্পোর্তিব পোলিসীশিং রিকম্মেন্দ তৌগনি।

ফাইনান্স তাস্কফোর্সনা স্তার্তঅপশিংদা ফাইনান্সিএল ইন্সত্রুমেন্তশিংগী মখল কয়া ফংহন্নবা ফাইনান্সিং অমসুং ইনভেস্তমেন্ত প্লেৎফোর্মশিং পীদুনা স্তার্তঅপশিংগীদমক কেপিতেল এক্সেস তৌবা হেনগৎহন্নবা পান্দম থমগনি। নন-ইক্বিতী বেজ ফাইনান্সিএল প্রদক্তশিংগী খুত্থাংদা মতম চানা এক্সেস ফংহন্দুনা পেতেন্ত কেপিতেলগী মাইকৈদা লায়না এক্সেস ফংহনগনি অমসুং প্রাইওরিতাইজ সেক্তরশিংদা অখন্নবা শেনফম অমা এল্লোকেৎ তৌগনি। তাস্কফোর্সনা স্তার্তঅপ ফন্দিংদা পব্লিক ইনভেস্তমেন্ত তৌবা থৌগৎনবা তেক্স অমসুং লিগেল রিগ্যুলেসনশিং হর্মনাইজ তৌগনি অমসুং জি২০ লৈবাকশিংগী ফোরেন ইনভেস্তর ইকোসিস্তেমগা লোয়ননা ইন্তরেক্ত তৌগনি। অরোইবদা মসিনা স্তার্তঅপ ইনভেস্তমেন্তশিংদা খ্বাইদগী ফবা প্রেক্তিস দোক্যুমেন্ত অমগী খুত্থাংদা গ্লোবেল ইনভেস্তর কম্ম্যুনিতীগা লোয়ননা স্তার্রঅপশিংগীদমক পিৎচিং, কেপাসিতী বিল্দিং অমসুং নেৎৱার্কিংগী খুদোংচাবশিং পীগনি।

ইনক্লুজন অমসুং সস্তেনেবিলিতী তাস্কফোর্সনা নুপীশিং, পি.দবল্যু.দি.শিং, এল.জি.বি.তি.ক্যু+, মাইনোরিতীশিং, অতোপ্পা কাংলুপশিংনা লমজিংবা স্তার্তঅপশিং/ওন্তপ্রিনোরশিংগী অখন্নবা মথৌ তাবশিং খঙদোক্কনি; অমসুং মার্কেৎ, ফাইনান্সিএল রিসোর্সশিং, ত্রেনিং এক্সেস ফংহন্দুনা অমসুং সরকারনা লমজিংবা সপ্পোর্ত স্কিমশিংগী খুত্থাংদা মখোয়বু সপ্পোর্ত তৌগনি অমসুং তেক্নোলোজীশিংনা (খুদম ওইনা এসিস্তিব তেক) ঙাকলৌ পীদুনা মালেমবু হেন্না ইনক্লুসিন ওইহন্নবা মাইকৈদা থবক তৌরিবা স্তার্তঅপশিং প্রমোৎ তৌগনি। তাস্কফোর্স অসিনা ফোকস ইনভেস্তমেন্ত, ইনক্যুবেসন অমসুং মেন্তরশিপ সপ্পোর্ত, ক্রোস-মার্কেৎ এক্সেস, রিগ্যুলেতররী মেকানিজমশিং ফংহনবা অসিনচিংবদা এস.দি.জি.শিংগী মাইকৈদা থবক তৌবদা স্তার্তঅপশিং প্রমোৎ/সপ্পোর্ত তৌগনি অমসুং মখোয়গী তুং কোইনা চৎকদবা প্রোফিতেবিলিতীগীদমক সস্তেনেবল বিজিনেস মোদেলশিং পাইখৎনবা স্তার্তঅপশিংদা পুক্নিং থৌগৎকনি।

সিক্কিম সভাদা স্তার্তঅপ২০ এঙ্গেজমেন্ত গ্রুপকী তাস্কফোর্স মেম্বরশিংনা (জি২০ লৈবাকশিংদগী দেলিগেৎশিং য়াওবা) ওফিসিএল পোলিসী কম্ম্যুনিক্কী অহানবা দ্রাফকী মতাংদা খন্ন-নৈনগনি। থৌরম অসিদা সাইদ ইভেন্ত মখল কয়ামরুম, স্তার্তঅপ২০এক্স ইভেন্তশিং, এম.জি. মার্গতা স্তার্তঅপশিংগী শোকেস অমসুং রুমতেক মোনাস্ত্রীদা দেলিগেৎশিংনা চৎপা য়াওগনি।

পোলিসী কম্ম্যুনিক্কী অহানবা দ্রাফ অসি লাক্কদৌরিবা থাকশিংদা থবক ওইনা পাঙথোক্কনি অমসুং নৌনা শেমদোক্কনি অমসুং অতোপ্পা ইন্তর্ভেনিং ইভেন্তশিং স্তার্তঅপ২০দা পাঙথোক্কনি। স্তার্তঅপ২০গী ফংবা য়াবা ফলশিং অসি ওফিসিএল পোলিসী কম্ম্যুনিক, য়ান্নখিবা দেফিনিসনশিং অমদি তর্মিনোলোজীশিংগী অমত্তা ওইবা সেৎকা লোয়ননা স্তার্তঅপ হেন্দবুক, বোর্রশিদা কোল্লাবোরেসনশিং থৌগৎনবা গ্লোবেল ইন্নোভেসন সেন্তর, অমসুং মালেম শিনবা থুংবদা স্তার্তঅপ ইকোসিস্তেমশিংগীদমক গ্লোবেল পোইন্ত ওফ কন্তেক্ত ওইনা স্তার্তঅপ২০ প্রমোৎ তৌবনা ওইগনি।

***