প্রধান মন্ত্রী শ্রী নরেন্দ্র মোদীনা মার্চ ১০, ২০২৩দা নই দিল্লীগী বিজ্ঞান ভবন্দা নেস্নেল প্লেৎফোর্ম ফোর দিজাস্তর রিস্ক রিদক্সন (এন.পি.দি.আর.আর.)গী ৩শুবা সেসন হৌদোক্কনি। “বিল্দিং লোকেল রেজিলিএন্স ইন এ চেঞ্জিং ক্লাইমেৎ” হায়বা এন.পি.দি.আর.আর.গী অহুমশুবা সেসনগী থিম অসি মরু ওইনা ক্লাইমেৎ চেঞ্জ থোরকপনা খোঙজেল য়াংনা হোংলক্লিবা দিজাস্তর রিস্ককী ফীভম অসিদা লোকেল কেপাসিতীশিং হেনগৎহন্নবা প্রধান মন্ত্রী মোদীনা চৎনহনখিবা পোইন্ত ১০গী এজেন্দাগী পরিং মখাদনি। এন.পি.দি.আর.আর. অসিদা কেন্দ্রগী মন্ত্রীশিং, রাজ্যশিংগী দিজাস্তর মেনেজমেন্তগী মন্ত্রীশিং, পার্লিয়ামেন্তরিয়নশিং, লোকেল সেল্ফ গভর্নমেন্তশিংগী মকোকশিং, স্পেসিএলাইজ দিজাস্তর মেনেজমেন্ত এজেন্সীশিংগী মকোকশিং, একাদেমিসিয়নশিং, প্রাইবেৎ সেক্তর ওর্গনাইজেসনশিংগী মীহুৎশিং, মেদিয়া অমসুং সিভিল সোসাইতী ওর্গনাইজেসনশিং য়াওনা অখন্নবা মীথুংলেন ১০০০ হেনবনা শরুক য়াগনি।

কেন্দ্রগী গৃহ অমসুং কোওপরেসন মন্ত্রী, শ্রী অমিত শাহনা ময়াই তাংবল লৌবা এন.পি.দি.আর.আর. অসি মলতি-স্তেকহোল্দর্স নেস্নেল প্লেৎফোর্ম অমনি, হায়রিবা অসিদা স্তেকহোল্দর পুম্নমক্কা লৌশিং, এক্সপরিয়েন্সশিং, ৱাখল্লোনশিং অমসুং আইদিয়া পুন্না শিয়র তৌবা ফংগনি, অমসুং দিজাস্তর রিস্ক রিদক্সন (দি.আর.আর.)দা নৌনা লাক্লিবা দিবেলপমেন্ত অমসুং ত্রেনশিং খন্ন-নৈনরিবা, অহোবশিং মশক খঙদোক্লিবা, রিকম্মেন্দেসনশিং তৌরি অমসুং দিজাস্তর রিস্ক রিদক্সনগী খোঙথাংশিং খোঙজেল য়াংশিনহন্নবা পার্তনরশিপশিং তৌহল্লিবা মপ্রোসেস অমনা মসিবু  মশক তাকই। ৩শুবা সেসন অসিনা মন্ত্রালয় অমসুং বিভাগশিং, রাজ্যশিং অমসুং য়ুনিয়ন তেরিতোরীশিং, অর্বান অমসুং রুরেল লোকেল-সেল্ফ-গভর্নমেন্তশিং, একাদেমিক ইন্সতিত্যুসনশিং, এন.জি.ও.শিং, সি.এস.ও.শিং, পি.এস.য়ু.শিং অমসুং কম্ম্যুনিতীশিংদা দিজাস্তর মেনেজমেন্ত প্রেক্তিসশিং মেনস্ত্রীম তৌবদসু মতেং পাংগনি।

গৃহ মন্ত্রালয় (এম.ঐচ.এ.), নেস্নেল দিজাস্তর মেনেজমেন্ত ওথোরিতী (এন.দি.এম.এ.), নেস্নেল দিজাস্তর রেস্পোন্স ফোর্স (এন.দি.আর.এফ.), অমসুং নেস্নেল ইন্সতিত্যুত ওফ দিজাস্তর মেনেজমেন্ত (এন.আই.দি.এম.)না পুন্না শিনবা এন.পি.দি.আর.আর. অসিদা প্লেনরী সেসন মরি, মিনিস্ত্রিএল সেসন অমা অমসুং থিমেতিক সেসন নিপাল য়াওগনি। হৌদোকপগী থৌরম মতুংদা শ্রী অমিত শাহনা ময়াই তাংবল লৌবা অখন্নবা মিনিস্ত্রিএল সেসন অমা পাঙথোক্কনি মসিদা কেন্দ্র, রাজ্য অমসুং য়ুনিয়ন তেরিতোরিশিংগী মন্ত্রীশিংনা তোঙান-তোঙানবা থাকশিংদা দিজাস্তর রিস্ক রিদক্সন সিস্তেমশিং হেন্না মপাঙ্গল কনখৎহন্নবগী মতাংদা খন্নগনি। নুমিৎ ২গী সেসন অসিদা সবজেক্ত এক্সপর্তশিং, প্রেক্তিসনরশিং, একাদেমিসিয়নশিং অমসুং দেলিগেৎশিংনা সেনদাই ফ্রেমৱার্ক্তা য়ুম্ফম ওইবা দিজাস্তর রিস্ক রিদক্সনগী ক্রোস কত্তিং ইসু কয়ামরুম অমসুং প্রধান মন্ত্রী শ্রী নরেন্দ্র মোদীনা পীখিবা দিজাস্তর রিস্ক রিদক্সনগী পোইন্ত ১০গী এজেন্দাগী মতাংদা খন্ন-নৈনগনি।

হৌখিবা থা অনি অসিদা লৈবাক শিনবা থুংবদা সহর ১২ হেনবদা দিজাস্তর রিস্ক মেনেজমেন্তগা (হীৎ ৱেবশিং, কোস্তেল হজার্দশিং, দিজাস্তর রিস্ক মেনেজমেন্তদা নুপীশিংনা লমজিংবা হেনগৎহনবা অসিগুম্বা) মরী লৈনবা অকন্নবা হীরম কয়া মরুমদা প্রি-ইভেন্ত ১৯ থৌরম অসিগী মমাংদা পাঙথোকখিবা লৈখ্রে। প্রি-ইভেন্ত ১৯দা থেংনরকখিবা অমসুং ফংলকখিবা রিকম্মেন্দেসনশিংদা য়ুম্ফম ওইরগা মার্চ ১০-১১, ২০২৩দা নই দিল্লীদা এন.পি.দি.আর.আর.গী ৩শুবা সেসন পাঙথোক্কনি। এন.পি.দি.আর.আর.গী অহানবা অমসুং অনিশুবা সেসনশিং ২০১৩ অমসুং ২০১৭তা পাঙথোকখি। মীফম অসি অমৃত কাল মনুংদা পাঙথোক্লি অমসুং এন.পি.দি.আর.আর.গী ৩শুবা সেসনগী খন্ন-নৈনবা অসিনা প্রধান মন্ত্রী শ্রী নরেন্দ্র মোদীগী বিজন-২০৪৭কী মখাদা ২০৩০ ফাওবদা ভারতপু দিজাস্তর রেজিলিএন্ত ওইহনবদা সরকারগী মতেং পাংলগনি।

*****