খুরুমজরি।

ৱেবিনার অসিদা শরুক য়ারিবা দিগনিতরী পুম্নমকপু তরাম্না ওকচরি। ঙসিগী অনৌবা ভারতনা অনৌবা ৱার্ক কলচরগা লোয়ননা মাংদা চংশিল্লি। হন্দক্কী বজেৎ অসিসু য়াম্না থাগৎনরকখি, লৈবাক্কী মীয়াম্না মসি পোজিতিব ওইনা লৌখি। করিগুম্বা অরিবা ৱার্ক কলচর অদু লৈরম্লবদি কনাগুম্বা অমত্তনা অসিগুম্বা বজেৎ ৱেবিনারশিংগী মরমদা খল্লমলোই। অদুবু ঙসি ঐখোয়গী সরকারনা বজেৎ মমাং অমসুং মতুংদা স্তেকহোল্দর খুদিংমক্কা কুপ্না খন্নখি অমসুং মসিবু মাংদা পুখৎনবা হোৎনখি। বজেৎকী ফল অসি করম্না মেক্সিমাইজ তৌগনি, অপীকপা মতমগী মতুংদা করম্না বজেৎ অসি ইমপ্লিমেন্ত তৌগনি, ৱেবিনার অসিনা বজেৎতা থমখিবা পান্দমশিং অসি থুংহন্নবা কেতলিস্ত অমা ওইখি। নখোয়নসু খঙই মদুদি ঐহাক্না সরকারগী মকোক ওইনা থৌ পুরকপা চহি ২০ হেল্লে। এক্সপরিয়েন্স অসিগী শরুক অমদি পোলিসী শেম্বদা স্তেকহোল্দরশিংনা য়াওশিনখি মদুনা অকক্নবা মতমগী মনুংদা অপাম্বা ফল ফংবা ঙমখি। হৌখিবা নুমিৎ খরনি অসিদা ৱেবিনারশিংদা মীওই কয়ানা শরুক য়াখি। নুমিৎ চুপ্পা মীপুম খুদিংমক্না ব্রেনস্তোর্মিং তৌখি অমসুং তুংলমচৎকীদমক মরু ওইবা সজেসনশিং পুথোকখি। ঙসি ঐখোয়গী লৈবাক্কী তুরিজম সেক্তর হিংগৎহন্নবা বজেৎকী ৱেবিনারশিং পাঙথোক্লি।

মরুপশিং,

ভারত্তা লৈরিবা তুরিজম সেক্তরপু অনৌবা পনখৈ য়ৌহন্নবা ঐখোয়না অনৌবা ৱাখল্লোন পুথোক্নবা অমসুং লোং-তর্ম ওইনা প্লান্নিং তৌবা মথৌ তাই। তুরিস্ত দেস্তিনেসনশিং শেমগৎপদা য়াম্না মরু ওইবা ৱাফম খরা লৈ, খুদম ওইনা মফম অদুগী করি পোতেন্সিএল লৈবগে? ইজ ওফ ত্রেবেলগীদমক করি ইনফ্রাস্ত্রকচর মথৌ তাই, মসি করম্না থুংহনগনি? অপুনবা তুরিস্ত দেস্তিনেসনশিং অসি প্রমোৎ তৌনবা ঐখোয়না করম্বা ইন্নোভেতিব ওইবা  পাম্বৈশিং পাইখৎপা য়াই। ৱাহংশিং অসিগী পাউখুমশিংনা তুংলমচৎকী রোদমেপ অমা শেম্বদা চাউনা মতেং পাংগনি। হৌজিক্কি ওইনা ঐখোয়গী লৈবাক্কী তুরিজমগী পোতেন্সিএল অসি য়াম্না ৱাংই। কোস্তেল তুরিজম, বীচ তুরিজম, মেগ্রুব তুরিজম, হিমালয়ন তুরিজম, এদভেঞ্চর তুরিজম, ৱাইল্দলাইফ তুরিজম, ইকো তুরিজম, হেরিতেজ তুরিজম, স্পিরিচুএল তুরিজম, ৱেদিং দেস্তিনেসনশিং, তুরিজম ভাইয়া কনফরেন্স অমসুং স্পোর্তস তুরিজম লৈরি। রামায়ন সর্কিৎ, বদ্ধ সর্কিৎ, কৃষ্ণ সর্কিৎ, নোর্থইস্ত সর্কিৎ, গান্ধী সর্কিৎ অমসং লম্বোইবশিংগী তীর্থ য়াত্রাগী মফমশিং অসি য়েংবীয়ু। মসি খঙনা ঐখোয়না পুন্না থবক তৌবগী মথৌ তাবা লৈ। চহি অসিগী বজেৎতা কম্পিতিতিব স্পিরিৎ অমসুং চেলেঞ্জকী লম্বীগী খুত্থাংদা ভারত্তা মফম কয়া মশক খঙদোকখি। মসিগী শীংনবা অসিনা স্তেকহোল্দর খুদিংমক্তা অকনবা খোঙথাংশিং লৌখৎনবা ইথিল পীখি। বজেৎ অসিনা তুরিস্ত দেস্তিনেসনশিংগী হোলিস্তিক দিবেলপমেন্তদা মীৎয়েং চংখি। মসিগীদমক তোঙান-তোঙানবা স্তেকহোল্দরশিংনা করম্না থবক তৌবগে হায়বগী মতাংদা কুপ্না খন্ন-নৈন্নবা তাই।

মরুপশিং,

ঐখোয়না তুরিজমগী মতাংদা ৱারী শাবদা মতমদা মীয়াম্না মসি ফেন্সী ওইবা ৱাহৈ অমা ওইনা লৌই, মসিনা খুন্নাইগী ইনকম ৱাংবা গ্রুপতগী লাকপা মীওইশিং খক্তা মশক তাই। অদুবু ভারতকী ওইনদি, তুরিজমগী স্কোপ অসি য়াম্না চাউই, য়াম্না লিরে। য়াত্রাশিং অসি চহিচা কয়াদগী ভারতকী নাৎ অমসুং খুন্নাইগী পুন্সিরোলগী শরুক অমা ওইদুনা লাকখি অমসুং মীয়াম্না মখোয়দা রিসোর্স অমত্তা লৈতবা, ত্রান্সপোর্ত সিস্তেম অমত্তা লৈতবা, অৱাবা কয়া লৈরম্বা মতমদা ফাওবা তীর্থ য়াত্রাশিংদা মীয়াম্না চৎখি। চার ধাম য়াত্রা, দ্বাদাশ জ্যোতির্লিং য়াত্তা, শক্তিপীথ ৫১গী য়াত্রা ওইরবসু মসিনা লৈবাক্কী অপুনবগী শক্তম মপাঙ্গল কনখৎহনবগা লোয়ননা ঐখোয়গী লাইফমশিংগা কন্নেক্ত তৌখি। লৈবাক্কী অচৌবা সহর কয়াগী অপুনবা ইকনোমী অসি য়াত্রাশিং অসিগী মপাল তাংখি, য়াত্রাশিংগী অরিবা মতমগী চৎনবী লৈজরবসু মতমগা চুনবা ফেসিলিতীশিং লৈহন্নবগী শেমগৎ-শাগৎপগী অৱাৎপা অদুমক লৈ। মীখা পোনবগী চহি চা কয়া অমসুং নীংতম্বা ফংলবা মতুং দিকেদ কয়া মফমশিং অসি রাজনিতীগী ওইবা মওংদা নাথৈদনা থমখিবা অসিনা লৈবাক অসিদা অমাংবা থোক্নবগী হৌরকফম ওইখি।

ঙসিগী ভারতনা ফীভম অসিদা অহোংবা পুরক্লি। লমকোইবশিংগী খুদোংচাবা হেনগৎহনবা মতমদা লমকোইবশিংগী মীৎয়েংফম হেনগৎলকই। মসিগী মশিংদা চাউনা হেনগৎলক্লি অমসুং ঐখোয়না মসি লৈবাক অসিদা উবা ফংলি। বারানসিদা কাশি বিশ্বানাথ ধাম নৌনা শেমগৎখি, অমসুং মমাংদা নৌনা শেমগৎত্রিঙৈ মমাংদা চহি অমদা মন্দির অসিদা মীওই লাখ ৮০রোম লাক্লমখি অদুবু নৌনা শেমজিল্লবা মতংদা হৌখিবা চহি অসিদা তুরিস্ত ফুতফোল করোর ৭ হেনখি। কেদারঘাতিদা নৌনা শেমজিনবগী থবক লোইশিন্দ্রিঙৈ মমাংদা লাখ ৪-৫ খক্তা লাকখবা অদুগা চাংদম্নবদা বাবা কেদার য়েংবা লাকপা ভক্তি লাখ ১৫ ওইরে। মতৌ অসুম্না গুজরাতকী পাবাগাথ অসিদা মা কালিকা সর্শন তৌনবা তীর্থ য়াত্রা চৎপা মীওই লিশিং ৪-৫ লাকলম্বা অদুগা চাংদম্নবদা নৌনা শেমজিল্লবা মতুংদা  লিশিং ৮০ লাকখি। প্রধান মন্ত্রীনা হায় ফেসিলিতীশিং অসিদা হেনগৎলকোআ অসিনা লমকোইবশিংগী মশিংদা হকথেংননা হেনগৎহনখি অমসুং মশিং হেনগৎলকপা হায়বা অসি থবক অমসুং মশানা মশাদা থবক পীজবগী চাং হেনগৎলকপনি। স্তেচু ওফ য়ুনিতী অসি য়েংবীয়ু মসি মালেমগী খ্বাইদগী ৱাংবা মীতমনি অমসুং শাবা লোইবগী চহি অমগী মনুংদা মফম অসিদা লমকোইবা লাখ ২৭ লাকখি। ভারতকী তুরিজম সেক্তর অসি সিভিল এমেনিতীশিং হেনগৎলকপা, অফবা দিজিতেল কন্নেক্তিবিতী, অফবা হোতেলশিং অমসুং হোস্পিতালশিং, অমোৎপগী মমি তাদবা অমসুং অফবা ইনফ্রাস্ত্রকচরগা লোয়ননা শরুক কয়া হেনগৎলকখি।

মরুপশিং,

গুজরাতকী অহমদাবাদতা লৈরিবা কানকারিয়া লেক প্রোজেক্তকী মতাংদসু হায়জগে। কানকারিয়া লেক প্রোজেক্ত হৌদ্রিঙৈ মমাংদা মীয়াম্না মফম অসিদা লাক্নরমদে, অমসুং পাৎ অসি নৌনা শেমগৎপগী মথক্তা ফুদ স্তোলশিংদা থবক তৌরিবশিংগীদমক স্কিল দিবেলপমেন্ত ফংহনখি। মোদর্ন ইনফ্রাস্ত্রকচরগা লোয়ননা লুনানবদা মীৎয়েং চংখি অমসুং চৎনবা য়াবা এন্ত্রী ফীসশিংগী মথক্তা নুমিৎ খুদিংগী মফম অসিদা মীওই ১০,০০০রোম লাকখি। চপ মান্নবা মওংদা তুরিস্ত দেস্তিনেসন খুদিংমক মশাগী ওইবা রিভেন্যু মোদেলসু শেমগৎকদবনি।

মরুপশিং,

ঐখোয়গী খুঙ্গংশিংনা তুরিজমগী সেন্তরশিং ওইরক্লি। ফগৎলক্লিবা ইনফ্রাস্ত্রকচরনা মরম ওইদুনা তুরিজম মেপতা মনুং হঞ্জিনবা খুঙ্গংশিং হৌজিক্তি য়াওরে। কেন্দ্র সরকারনা ঙমখৈদা লৈবা খুঙ্গংশিংগীদমক ভাইব্রেন্ত ভিলেক স্কিম হৌদোকখি অমসুং হোমস্তেশিং, অপীকপা হোতেলশিং অমসুং রেস্তোরেন্তশিংগুম্বা বিজিনেসশিং সপ্পোর্ত তৌবা মথৌ তাই।

মরুপশিং,

ঙসি ঐহাক্না ভারত্তা লাকপা মীরমগী লমকোইবশিংগী মতাংদা ৱাফম অমা হায়জগে। ঙসি মালেমা ভারত্তা মীৎয়েং থম্নরকপা হেনগৎলকপা অসিদা ভারত্তা লাকপা মীরমগী লমকোইবশিংগী মশিং হেনগৎলক্লি। মমাং চহিগী জনুৱারীদা লাখ ২ খক্তা ওইরম্বা অদুগা চাংদম্নবদা চহি অসিগী জনুৱারীদা ভারত্তা মীরমগী লমকোইবশিং অসি লাখ ৮ ওইখি। অসিগুম্বা লমকোইশিং প্রোফাইল তৌবা অমসুং তার্গেৎ অমা থম্নবা ৱারেপ লৌবগী মথৌ তাই। চাউনা চাদিং তৌবা ঙম্বশিংবু লৈবাক অসিদা মীৎয়েং চীংশিন্নবা অখন্নবা লালোং য়াৎপা মথৌ তাই। মীরমগী লমকোইবশিং ভারত্তা লাকপদা চাংচৎ ওইনা দোলর ১৭০০ চাংদিং তৌখি অমরোমদা ইন্তর্নেস্নেল ত্রেবেলরশিংনা অমরিকাদা চাংচৎ ওইনা দোলর ২৫০০ অমসুং ওস্ত্রেলিয়াদা দোলর ৫০০০ চাদিং তৌখি। রাজ্য খুদিংমক্না ৱাখল্লোন অসিগা চান্ননবা মওংদা মখোয়গী তুরিজম পোলিসীদা অহোংবা পুরকপা মথৌ তাই। থা কয়া লৈবাক অসিদা কেম্প তৌদুনা লৈবা বর্দ ৱাৎচরশিংবু খুদম ওইনা পীখি অমসুং অসিগুম্বা পোতেন্সিএল তুরিস্তশিংগীদমক তার্গেৎ তৌনবা পোলিসীশিং শেম্নবা হায়জরি।

মরুপশিং,

খোঙথাংশিং অসিগী মরক্তা ঐখোয়না তুরিজম সেক্তরগী বেসিক চেলেঞ্জশিংদা মীৎয়েং থমদুনা থবক তৌবা তাই। প্রোফেস্নেল তুরিস্ত গাইদশিংগী অৱাৎপা লৈ অমসুং গাইদশিংগীদমক লোকেল কোলেজশিংদা সর্তিফিকেৎ কোর্সশিং হাংবা মথৌ তাই। অকক্নবা তুরিস্ত দেস্তিনেসন অমদা থবক তৌরিবা গাইদশিং অসি মখোয়বু হেক য়েংবদা তুরিস্তশিংনা খঙবা ঙম্নবা অকক্নবা দ্রেস নত্ত্রগা য়ুনিফোর্ম থমগদবনি। তুরিস্তকী ৱাখল অসি ৱাহং কয়ানা থল্লি অমসং গাইদশিংনা ৱাহং পুম্নমক্কী পাউখুমশিং পীদুনা মখোয়বু মতেং পাংবা ঙমগনি।

মরুপশিং,

ঐহাক্না থাজৈ মদুদি ৱেবিনার অসিদা তুরিজমগা মরী লৈনবা হীরম খুদিংমক কুপ্না খন্নবা ঙমগনি।

নখোয়না অফবা সোল্যুসনশিং শোইদনা পুথোরক্কনি। অমসুং তুরিজমগী মতাংদা ঐহাক্না ৱাফম অমগা থমজনীংই, করিগুম্বা রাজ্য খুদিংমক্না অফবা তুরিস্ত দেস্তিনেসন অমা নত্ত্রগা অনিদা মীৎয়েং চংবা তারবদি মসিনা অহৌবা অমা ওইবা য়ারোইদ্রা। স্কুলশিংদগী তুরিস্ত ওইনা চৎলিবা অঙাংশিংনা ত্রিপ অদুগী নুমিৎ ২-৩গী প্রোগ্রাম শেম্মি। নুমিৎ খুদিংগী অসিগুম্বা মফমদা অহানবদা মহৈরোয় ১০০ লাকহন্নবা ৱারেপ লৌ, মতুংদা ২০০, মতুংদা ৩০০, অদগী ১০০০। মফম অদুদা লৈরিবা মীওইশিংনা মশিং য়াম্লবা মীয়াম্না লাক্নরি অদুনা সিস্তেম অমা শেমগৎসি, দুকান হাংসি, ঈশিং ফংহনসি হায়না মশানা শেমগৎচরক্কনি। করিগুম্বা রাজ্য খুদিংমক্না অৱাং নোংপোক্কী রাজ্য ৮দা চৎনবা ৱারেপ লৌবা তারবদি চহি খুদিংগী রাজ্য অমমমনা অমসং য়ুনিভর্সিতী অমমমনা অৱাং নোংপোক্কী রাজ্যশিংদা নুমিৎ ৫, ৭ তুর তৌবা লাক্কনি। মসিনা মীয়ামদা অৱাং নোংপোক্কী রাজ্য ৮গী মরমদা মপুং ফানা লৌশিং লৈহনগনি।

চপ মান্নবা মওংদা হৌজিক মতমদা ৱেদ্দিং দেস্তিনেসনশিং অসি অচৌবা বিজিনেস ওইরক্লি, মসিনা অচৌবা তুরিস্ত দেস্তিনেসন ওইরক্লি। মীয়াম্না মীরমদা চৎলি, ঐখোয়গী রাজ্যশিংদা ঐখোয়না ৱেদ্দিং দেস্তিনেসনশিংগী স্পেসিএল পেকেজশিং লাউথোকপা য়ারোইদ্রা অমসুং ঐখোয়গী লৈবাক্তা এনভাইর্নমেন্ত অমা শেমগৎকদবনি মসিনা ২০২৪দা গুজরাতকী মীয়াম্না করিগুম্বা লুংহোংবা অমা লৈরিবা ৱেদ্দিং দেস্তিনেসন অদু তামিল নাদুদা ওইরবদি তামিল মওংদা লুহোংবগী ৱাখল্লোন অমা পোকহনগনি। করিগম্বা য়ুম অমদা অঙাং ২ লৈরবদি অমনা অসামিজ অমসুং মনা পঞ্জাবীগী মওংদা লুহোংবগী ৱাখল খনবা য়াই। খন্থদুনা য়েংবীয়ু ৱেদ্দিং দেস্তিনেসনশিংগী অচৌবা বিজিনেস পোতেন্সিএল লৈ। ঐখোয়গী লৈবাক্কী অৱাবা ক্লাসকী মীওইশিংনা মপান্দা চৎলি অদুবু মিদল ক্লাস অমসুং অপ্পর মিদল ক্লাসকী মীওইশিংনা হৌজিক মতমদা ৱেদ্দিং দেস্তিনেসনশিংদা চৎকি অমসং মসিনা মখোয়গী পুন্সিদা নীংশিংনবা মীকুপ অমা ওইরি। চপ মান্নবা মওংদা কনফরেন্সশিংগীদমক মালেমদগী মীওই কয়ানা লাক্নরি। ঐখোয়না পব্লিক প্রাইবেৎ পার্তনরশিপকী খুত্থাংদা অসিগুম্বা ইনফ্রাস্ত্রকচর শেমগৎপা তাই, লমগীদমক অসিগুম্বা শেম-শাবা অসি তৌনবা মীয়ামদা হায়সি, মীয়াম্না কনফরেন্সকীদমক লাকপা মতমদা হোতেলশিংদা লৈগনি অমসুং মসিনা হোস্পিতেলিতী ইন্দস্ত্রী চাউখৎহনগনি। হায়বদি অপুনবা ইকো-সিস্তেম অমা দিবেলপ তৌরক্কনি। মতৌ অসম্না স্পোর্তস তুরিজম অসি য়াম্না মরু ওইবা লম অমনি। য়েংবীয়ু কতারদা ফুৎবোল মেৎচ পাঙথোকখি, মালেম পুম্বনা কতারগী ইকনোমীদা চাউনা কান্নবা পীখি, মালেম শিনবা থুংবদগী মীওই লাখ কয়া লাকখি। করিগুম্বা ঐখোয়না ঐখোয়গী দেস্তিনেসনশিংদা মরু ওইবা মীৎয়েং চংলবা মতমদা মশা মথন্তা মীয়াম্না লাকচগনি অমসং শিল-লাংবা হৌজরক্কনি। ঐখোয়না মালেমগী কাচিন কোয়া খুদিংমক্না ভারতপ মশক খঙনগদবা মওংদা য়ামদ্রবদা তুরিস্ত দেস্তিনেসন ৫০ শেমগৎকদবনি, মখোয়না ভারত্তা লাকপা মতমদা মতমশিং অসিদা চৎহনগদবনি। রাজ্য খুদিংমক্না মখোয়গী লমদমদা মীরমদগী লমকোইবশিং লাকপগীদমক চাউথোকচবা পোক্কদবনি। ঐখোয়না মালেমগী লৈবাক কয়াদা তার্গেৎ পীরগনি। মফম অদুগী এম্বেসীদা ঐখোয়না পাউ পীগনি, ঐখোয়না এম্বেসীদা য়েংনবা হায়গনি করিগম্বা লমকোইবশিংগী মতেং পাম্লবদি ঐখোয়না মখোয়বু মতেং পাংগনি। ঐখোয়না অপুনবা সিস্তেম অসি য়াম্না মোদর্ন ওইহনগনি অমসুং ঐখোয়গী তুর ওপরেতরশিংনা অনৌবা ৱাখল্লোন খনবা তাই অমসুং ঐখোয়না য়ু,এন.গী লোল পুম্নমক্তা এপশিং লৈতবা তুরিস্ত দেস্তিনেসন অমত্তা লৈহল্লোইদবনি। করিগুম্বা ঐখোয়না ইংলিশ অমসুং হিন্দীদা খক্তা ৱেবসাইৎ শেম্বনা কান্নবা পুরক্লোই। মসি খক্তা নতনা লোল পুম্নমক্তা ঐখোয়গী তুরিস্ত দেস্তিনেসনশিংগী সাইনেজশিং থেৎকদবনি। করিগুম্বা অচম্বা তামিল ইমুং অমনা লাক্লগা বস তোংলবদি মখোয়না তামিলদা সাইনেজ উবা ফংহন্দুনা মখোয়না মফম অদুদা লাইনা য়ৌবা ঙমহনগনি। অপীকপা ৱাফমশিং লৈরবদি মদুগী কান্নবা অদু ঐখোয়না খঙবা ঙম্বা মতমদা ঐখোয়না তুরিজম অসি সাইন্তিফিক ওইবা মওংদা চাউখৎহনবা ঙমগনি।

ঙসিগী ৱেবিনারদা কুন্না খন্নগনি হায়না ঐহাক্না থাজৈ অমসুং লৌউ-শিংউ, রিএল ইস্তেৎ দিবেলপমেন্ত অমসুং ইনফ্রাস্ত্রকচর, তেক্সতাইলগুম্বা অসিগা মান্নবা মওংদা তুরিজমদসু থবক্কী খুদোংচাবা কয়া লৈ। ঐহাক্না ঙসিগী ৱেবিনার অসিদা য়াওবীনবা হায়জরি অমসুং য়াইফ মঙ্গোল পীজরি। হন্ন-হন্না থাগৎচরি।

*****